سيراتاوى جديد عايز رايكم ضرووووووورى

مبدئيا:بسم الله الرحمن الرحيم

انا سيراتاوى جديد معاكم وحابب المنتدى جدا والاعضاء اللى زى العسل اللى مبيبخلوش باى معلومات وبتمنى تعتبرونى واحد منكم وانا اسمى محمود وده اول موضوع ليا فى المنتدى وعايز اسالكم على شويه حاجات
1-سعر العربيه كويس ولا لا وهى مواصفاتها كالاتى:
5جنط 16 سبور
تكييف تاتش
وكل الحاجات الاساسيه زى الفوجات وكده و الاشارات اللى فى المرايات
abs,ebd
فتحه سقف
طى الكنبه
اكر نيكل داخل وخارج
مرايات تعتيم
طاره مالتى فانكشن
سنتر بريموت مش زى الexوكيل لانى سمعت انها من غير ريموت مفتاح بس
ومعاها كتيب ضمان و مش عارف ده يعنى معاها ضمان ولا لا
سعر العربيه 111500
2-ايه افضل مكان اعمل فيه صيانه الالف كيلو وايه الحاجات اللى اخليهم يعملو عليها تشيك وايه الحاجات اللى تنصحونى انى اعملها وانا بعمل الصيانه بالمره
(انا من اسكندريه بس لو فى توكيل احسن فى القاهره انا معنديش مانع اروح)
وهل فى انواع زيت هناك ولو فى انواع زيت ايه هو افضل نوع
3-عايز اركب زينون وشفت اطقم زينون الراجل قالى مش حيلعب فى كهربه العربيه وانه حتى مش حيقشر ضفيره كهربه واحده لانه نظام فيش نازل للكيا بس وقالى حركبه قدامك من غير مايفك فانوس ولا يلعب فى حاجه بمعنى اصح حيشيل لمبه و يحط غيرها هل ده فعلا ولا بيشتغلنى
4-ايه رايكم فى العربيه وصورتها اللى فى التوقيع(لسه حصورهالكم من جوه و حظبطكم بس الواحد مكانش فايق لانى انا يادوب مرخصها و كمان الحمد لله حلاوة العربيه و هى من غير نمر الضابط سحب رخصتى و لسه مجيبتهاش علشان مكنتش رابط الحزام فلسه مفقتش)
5-اشتريت غطا ووتر بروف تقيل و عامل زى الجلد و جميل جدا بس ب140 كده سعره حلو؟
6-عايز اركب كسوة بالداخل اركب جلد ولا قطيفه(شمواه) وايه النوع الكويس فى ده او فى ده
7-عايز اروش العربيه واركب فيها شويه اكسسوارات وادلعها ايه رايكم اجيب ايه؟يعنى لو حد مظبط يقولى وياريت يقولى اسعار
اسف على الاطاله ووجع الدماغ اللى انا عملتها بس استحملونى بقه و انا مسالتش كل ده غير لثقتى الغاليه فيكم و انى متاكد انكم حتفيدونى

سعرها كويس يا مان وافضل مكان ممكن تعمل صيانه الالف ابورواش هما بيعملولو تشيك علي كل حاجه في الصيانه وانت بتقولوهم لو بتشتكي من حاجه موضوع الزينزن ده بقي يفيدنا احنا الاتنين فيه باقي اعضائنا الكبار والعربيه حلوه يا مان نفس اللون بتاعي وانشاء الله تجيب الرخصه علي خير والغطه ده حلو يامان انا هجيب واحد زيو انشاء الله بس هو عندنا ب 110 ولو هتركب كسوه ركب جلد يا مان وبقيت الترويش والحاجات دي يفيدنا فيها برده باقي الاعضاء اصل انا لسه مستلم زيك الاسبوع الي فات والف مبروك عليك ربنا يديك خيرها ويبعد شرها عنك

الف الف مبروك يديك خيرها ويكفيك شرها يا باشا ..

انا شايف سعرها كويس .. وحسب كلام الأعضاء كتير فعلا بيشكروا في ابو رواش زي ما قال الأخ الفاضل alzwawy

واكيد فرش جلد احسن .. عشان لما يتوسخ لا قدر الله تعرف تنضفه بسهولة

وهو حضرتك اشتريتها منين ؟؟ مش من التوكيل وحجز وكده ؟؟

عموما لو معاها ضمان يبقى متلعبش فيها احسن .. عشان محدش يتلكك خليها زي ما هي واستمتع بيها كعربية زيرو زي الفل .. أو اسأل في الضمان انت ممكن تلعب في ايه ؟

وانت بتعمل اول صيانة كده اسأل هناك وافهم منهم .. شوف نفسك تركب ايه وخد رأيهم هناك :)

انا ده اللي اقدر افيدك بيه لاني لسه مجبتش العربية والله :)

وربنا يكرمك

اقتباس:

---

المشاركة الأصلية كتبت بواسطة gundal

وهو حضرتك اشتريتها منين ؟؟ مش من التوكيل وحجز وكده ؟؟

---

العربيه خليجى يا gundal

اقتباس:

---

المشاركة الأصلية كتبت بواسطة zahaan

مبدئيا:بسم الله الرحمن الرحيم

انا سيراتاوى جديد معاكم....أهلا بيك و نورت المنتدى
وحابب المنتدى جدا والاعضاء اللى زى العسل اللى مبيبخلوش باى معلومات وبتمنى تعتبرونى واحد منكم وانا اسمى محمود وده اول موضوع ليا فى المنتدى وعايز اسالكم على شويه حاجات
1-سعر العربيه كويس ولا لا وهى مواصفاتها كالاتى:
5جنط 16 سبور
تكييف تاتش
وكل الحاجات الاساسيه زى الفوجات وكده و الاشارات اللى فى المرايات
abs,ebd
فتحه سقف
طى الكنبه
اكر نيكل داخل وخارج
مرايات تعتيم
طاره مالتى فانكشن
سنتر بريموت مش زى الexوكيل لانى سمعت انها من غير ريموت مفتاح بس
ومعاها كتيب ضمان و مش عارف ده يعنى معاها ضمان ولا لا
سعر العربيه 111500.....أنا شايف السعر كويس أوى
2-ايه افضل مكان اعمل فيه صيانه الالف كيلو وايه الحاجات اللى اخليهم يعملو عليها تشيك وايه الحاجات اللى تنصحونى انى اعملها وانا بعمل الصيانه بالمره
(انا من اسكندريه بس لو فى توكيل احسن فى القاهره انا معنديش مانع اروح)
وهل فى انواع زيت هناك ولو فى انواع زيت ايه هو افضل نوع....أفضل فرع على الاطلاق هو الفرع الرئيسى أو رواش لكن مش لدرجه أنك تضرب 400 كيلو علشان تعمل صيانه الالف,,فى أعضاء من اليكس معانا هنا و بيعملو فى فرع العامريه تقريبا و كله بيشكر فيه تقدر تعمل صيانه الالف عنده..موضوع الزيت مش أنت الى بتختار العربيه موصى ليها بزيت شل وهما هيحطوهولك
3-عايز اركب زينون وشفت اطقم زينون الراجل قالى مش حيلعب فى كهربه العربيه وانه حتى مش حيقشر ضفيره كهربه واحده لانه نظام فيش نازل للكيا بس وقالى حركبه قدامك من غير مايفك فانوس ولا يلعب فى حاجه بمعنى اصح حيشيل لمبه و يحط غيرها هل ده فعلا ولا بيشتغلنى....الزينون حتى الان هو مشكله القسم ملقناش حل ليه,,,خارج التوكيل بيحصل لكهربيه العربيه حاجات غريبه و السى دى بيهيس والusb كذلك أنما داخل التوكيل غالى جدا جدا لكن بدون مشاكل
4-ايه رايكم فى العربيه وصورتها اللى فى التوقيع(لسه حصورهالكم من جوه و حظبطكم بس الواحد مكانش فايق لانى انا يادوب مرخصها و كمان الحمد لله حلاوة العربيه و هى من غير نمر الضابط سحب رخصتى و لسه مجيبتهاش علشان مكنتش رابط الحزام فلسه مفقتش)....جميله ربنا يحميهالك و يكفيك شرها ومتبقاش تمشى من غير متربط الحزام
5-اشتريت غطا ووتر بروف تقيل و عامل زى الجلد و جميل جدا بس ب140 كده سعره حلو؟....أنا جبته ب150 جنيه و شايفه جميل جدا جدا جدا مبروك عليك
6-عايز اركب كسوة بالداخل اركب جلد ولا قطيفه(شمواه) وايه النوع الكويس فى ده او فى ده....أنا مركب قطيفه لأن ليه ذكريات سيئه مع الجلد الى كان بيشوى جلدى فى الصيف على العموم دى أذواق بردو
7-عايز اروش العربيه واركب فيها شويه اكسسوارات وادلعها ايه رايكم اجيب ايه؟يعنى لو حد مظبط يقولى وياريت يقولى اسعار....حتى الان أنا معملتش حاجه وعايز أحط نواكل من الخارج على بريمتر الشبابيك و الرير ويندو
اسف على الاطاله ووجع الدماغ اللى انا عملتها بس استحملونى بقه و انا مسالتش كل ده غير لثقتى الغاليه فيكم و انى متاكد انكم حتفيدونى....لا تعب ولا حاجه نورت المنتدى مره تانيه.

ملاحظه أخيره بس علشان أتفقنا على كدا
حضرتك خليجى خد بالك ان التوكيل بيزود 30% على أى تعاملات مع الخليجى فخد بالك
صيانه الالف متضمنه تغير زيت و فلتر وفحص 27 نقطه مختلفه فى العربيه كلها
لو غيرت الزيت بره مش هيتم الفحص دا
أنما لو فى التوكيل هيتم + ال30 %
ربنا معاك

---

1000 مبروك يا باشا

1000شكر يا رجاله المنتدى انا مش عارف اشكركم ازاىعلى المجهود العظيم ده

اقتباس:

---

نفس اللون بتاعي

---

لا يا باشا انا اللون اسود بس هو مش واضح اوى فى الصورة وعلى فكره انت برضه عندك اللون جميل جدا بسم الله ماشاء الله

اقتباس:

---

وهو حضرتك اشتريتها منين ؟؟ مش من التوكيل وحجز وكده ؟؟

---

لاياباشا مفيش توكيل بالمواصفات ده اللى بنفس مواصفاتى بس توكيل هى اس اكس و جنوطها 17 ب119900 بفتحه سقف برضه بس اللى خلانا منشتريهاش مش فرق السعر انما الجنوط ال17 والفتره اللى بتقعد اكتر من 4 شهور و حرام نستنى 4 شهور من غير عربيه ده كتير جدا

اقتباس:

---

أفضل فرع على الاطلاق هو الفرع الرئيسى أو رواش

---

مفيش مشاكل حروح بس المهم يبقى الشغل صح

اقتباس:

---

الزينون حتى الان هو مشكله القسم ملقناش حل ليه,,,خارج التوكيل بيحصل لكهربيه العربيه حاجات غريبه و السى دى بيهيس والusb كذلك أنما داخل التوكيل غالى جدا جدا لكن بدون مشاكل

---

يتحرق الزينون مش عايزه

اقتباس:

---

لا تعب ولا حاجه نورت المنتدى مره تانيه.

---

منور باعضائه و على فكره انا متابع من زمان ومن احسن الاعضاء اللى بحبهم حضرتك و الزواوى و عتريس و غازى فعلا ناس بتفهم:verygood::verygood::shine[1]::Ta_clap[1]::Ta_clap[1]::36_1_1[1]:

اقتباس:

---

المشاركة الأصلية كتبت بواسطة zahaan

1000شكر يا رجاله المنتدى انا مش عارف اشكركم ازاىعلى المجهود العظيم ده

لا يا باشا انا اللون اسود بس هو مش واضح اوى فى الصورة وعلى فكره انت برضه عندك اللون جميل جدا بسم الله ماشاء الله


منور باعضائه و على فكره انا متابع من زمان ومن احسن الاعضاء اللى بحبهم حضرتك و الزواوى و عتريس و غازى فعلا ناس بتفهم:verygood::verygood::shine[1]::ta_clap[1]::ta_clap[1]::36_1_1[1]:

---

معلش يا مان مأخدتش بالي من اللون كويس
وشكرا علي كلامك الجميل ده يا باشا ونورتنا في المنتدي وبكده اصحاب السيراتو بيزيدو يوم عن يوم

فل الفل :)

معلش انا معرفش فيه ايه منها خليجي وتوكيل .. معرفتش غير الكامل الخليجي والكامل التوكيل :)


ربنا يوفقك

لا ياأخى العزيز ده السيراتو حوالى 8 فئات خليجى أوتوماتك و2خليجى مانيوال و5وكيل أوتوماتك و1 وكيل مانيوال

10000 مبروووك ا باشا و تنبسط بها جدا ان شاء الله و اللون الاسود جميل عيلها ماشاء الله ... بس انا كنت عاوز اعرف حضرتك جبتها من فين خليجى فى اسكندرية عشان عايز حد كويس اسأل عنده فى اسكندرية ... و مبروك تانى ..

الف مبروك عليك التحفه سيراتو ربنا يباركلك فيها

ألف مبروك على العروسة وربنا يبركلك فيها ومتسقش بسرعة عشان فعلا العربية ما شاء الله مبتحسش بالسرعة ومبتعرفش غير من صوت موتور :)

ألف شكر يارجاله منتدى نايل موتورز مش عارف أقولكم وبالذات العضو المحترم حسام أوبتراوى اللى واضح عشقه للسيراتو من خلال المواضيع

اقتباس:

---

المشاركة الأصلية كتبت بواسطة hamada_sivo

10000 مبروووك ا باشا و تنبسط بها جدا ان شاء الله و اللون الاسود جميل عيلها ماشاء الله ... بس انا كنت عاوز اعرف حضرتك جبتها من فين خليجى فى اسكندرية عشان عايز حد كويس اسأل عنده فى اسكندرية ... و مبروك تانى ..

---

معلش يا باشا لو حتعبك .. بس تقريبا ماخدتش بالك من السؤال ...

الف مبروووووووووك

وربنا يباركلك فيها ويديك خيرها ويكفيك شرها

اقتباس:

---

مبروووك ا باشا و تنبسط بها جدا ان شاء الله و اللون الاسود جميل عيلها ماشاء الله ... بس انا كنت عاوز اعرف حضرتك جبتها من فين خليجى فى اسكندرية عشان عايز حد كويس اسأل عنده فى اسكندرية ... و مبروك تانى ..

---

احنا مش شاريين من اليكس احنا جبناها من واحد فى دمنهور علشان شغلى انا واخويا هناك لسه فاتح جديد وكان عامل خصومات على الخليجى بال2000 و3000 جنيه علشان هو اللى مستوردها ولقينا اسعاره جامده و كان عامل احتفالات لو حضرتك عايز بياناته مفيش مشاكل على فكره ليه فرع فى القاهره و فرع فى قنا

اقتباس:

---

اللون الاسود جميل

---

نصيحه اوعى تشترى اسود هو باشاواتى اوى اه بس متعب اوى مايشتريهوش غير اللى عنده مغسله

اقتباس:

---

المشاركة الأصلية كتبت بواسطة zahaan

نصيحه اوعى تشترى اسود هو باشاواتى اوى اه بس متعب اوى مايشتريهوش غير اللى عنده مغسله

---

هاهاههاها أنا بفكَّر أفتح مغسلة فعلا اديه تعبنتني من كتر مسح العرابيه :):majd(4):

اقتباس:

---

المشاركة الأصلية كتبت بواسطة zahaan

احنا مش شاريين من اليكس احنا جبناها من واحد فى دمنهور علشان شغلى انا واخويا هناك لسه فاتح جديد وكان عامل خصومات على الخليجى بال2000 و3000 جنيه علشان هو اللى مستوردها ولقينا اسعاره جامده و كان عامل احتفالات لو حضرتك عايز بياناته مفيش مشاكل على فكره ليه فرع فى القاهره و فرع فى قنا

---

شكرا على ردك .. بس انا ماروحتش دمنهور قبل كده .. فممكن يبقى صعب عليا و كده ... و حشوف حد فى اسكندرية ...

اقتباس:

---

المشاركة الأصلية كتبت بواسطة zahaan

نصيحه اوعى تشترى اسود هو باشاواتى اوى اه بس متعب اوى مايشتريهوش غير اللى عنده مغسله

---

هو لون جميل بس فعلا كله بيقول متعب .. بس انا عاجبنى كمان الاحمر السبايسى ...

الاحمر بصراحة هايل

اقتباس:

---

شكرا على ردك .. بس انا ماروحتش دمنهور قبل كده .. فممكن يبقى صعب عليا و كده ... و حشوف حد فى اسكندرية

---

ياباشا احنا تحت امرك و هى قريبه جدا من اليكس نص ساعه و انا اضبطلك كل حاجه و حتى كمان من غيرى هو الراجل على المدخل يعنى مش حتوه وحديلك رقمه و ضبطم

[frame="2 80"]
مليوووووووون مبروك
[/frame]

اقتباس:

---

المشاركة الأصلية كتبت بواسطة zahaan

ياباشا احنا تحت امرك و هى قريبه جدا من اليكس نص ساعه و انا اضبطلك كل حاجه و حتى كمان من غيرى هو الراجل على المدخل يعنى مش حتوه وحديلك رقمه و ضبطم

---

يا باشا و الله ألف شكر ... و عموما انا اليومين الجايين حشوف هنا فى اسكندرية و كده .. و كمان انا المشكلة فى انى حتبقى اول مرة اسوق العربية و انا مش جامد اوى يعنى لسة فى الاول فخايف من سفر و كدة ... و عايز انا اللى اجيبها مش حد يسوقها ... و عموما لو خلاص قفلت و مافيش فى اسكندرية حبقى اخد منك رقمه ... و بجد شكرا جدا على اهتمامك ..

اقتباس:

---

يا باشا و الله ألف شكر ... و عموما انا اليومين الجايين حشوف هنا فى اسكندرية و كده .. و كمان انا المشكلة فى انى حتبقى اول مرة اسوق العربية و انا مش جامد اوى يعنى لسة فى الاول فخايف من سفر و كدة ... و عايز انا اللى اجيبها مش حد يسوقها ... و عموما لو خلاص قفلت و مافيش فى اسكندرية حبقى اخد منك رقمه ... و بجد شكرا جدا على اهتمامك ..

---

ياباشا احنا تحت الامر