عايزه اعرف اجيب من من السيارات الاتية:
- تيجو
- اكسنت
- ماتريكس
- افيو
بس عايزه اعرف العيوب ومدي الرفاهية في كل نوع
وشكرا
عرض للطباعة
عايزه اعرف اجيب من من السيارات الاتية:
- تيجو
- اكسنت
- ماتريكس
- افيو
بس عايزه اعرف العيوب ومدي الرفاهية في كل نوع
وشكرا
لو سيدان يبقي اكسنت و ابعد عن الافيو خالص
لو suv يبقي ماتريكس و برضه التيجو حلوه
يعني ايه سيدان وsuv
أكسنت أو ماتريكس ألأتنين كويسيين
تيجو هي احسن اختيار فيهم وبعد كده النيو اكسنت .. بس بجد تيجو وعلى ضماانتي
اولا بلاش الافيو
ثانيا بلاش التيجو
ثالثا يا اكسكنت يا ماتريكس وانا لو مكانك هجيب ماتريكس
التيجو :
مميزاتها : واسعة - صاج تقيل - كماليات كتيييير - شكلها حديث و شيك و برستيجها عالى ( بغض النظر عن كونها صينى ) - عوامل الامان موجودة ايرباج و abs
عيوبها : موتور ضعيف نسبيا بالمقارنة بحجم السيارة و وزنها - مستوى تقفيل سىء - خامات الصالون سيئة - جودة و اعتمادية متوسطة - لم تختبر جيد ا و بالتالى فيها نسبة مخاطرة -قطع غيار غالية - توكيل سىء - اعادة بيع سيئة عشان صينى .
الافيو :
مميزاتها : مفيش - بس عشان نقول كلمة حق هى شكلها حلو ( بالنسبالى على الاقل ) - قطع غيارها معقولة و منتشرة - اعادة بيع متوسطة الى جيدة .
عيوبها : موتور تكنولوجى قديم - استهلاك بنزين عالى - عفشة سيئة - تقفيل سىء - فرامل ضعيفة نسبيا - مشكلة ال rpm و علبة الدركسيون - ثبات متوسط ( يعنى لغاية 120 ) .
الماتركس :
مميزاتها : واسعة - ماتور يتميز بالقوة و النعومة - مستوى التقفيل جيد - خامات الصالون متوسطة الى جيدة - قطع غيار رخيصة و منتشرة - توكيل متوسط - اعتمادية عالية - اعادة بيع جيدة - كماليات مناسبة - ثباتها جيد (140 كم / س تقريبا ).
عيوبها : موتور يعمل بتكنولوجيا قديمة - استهلاك عالى نسبيا للوقود - لا توجد عوامل امان - تقفيل تركى و ليس كورى و لكنة جيد .
النيو اكسنت :
مميزاتها : ماتور يتميز بالقوة و النعومة - تكنولوجى حديث (cvvt)- استهلاك بنزين جيد جدا - مستوى التقفيل جيد جدا - خامات الصالون متوسطة الى جيدة - قطع غيار رخيصة و منتشرة - اعتمادية عالية - اعادة بيع جيدة - كماليات جيدة - عفشة رياضية للخدمة الشاقة - ثبات جيد (140 كم / س ).
عيوبها : صالون ضيق نسبيا - عدم وجود عوامل امان باستثناء قضبان فولاذية فى الابواب - عفشة ناشفة الى حد ما .
بلاش تيجو
وبلاش افيو
اكسنت و ماتركيس مصر كلها راكبه العربيتين دول
وقطع غيارهم زى الفل
والبيع اخر حلاوه
التيجو فيها مشاكل كتير اوى
والافيو مش بتعجبنى هى مع واحد صاحبى بس مش عجبانى
وىز ما قال اول واحد انا معاه فى اللى قاله بس مش معاه فى حتة التيجو ده مشاكلها كتير ابعد عنها بجد
يا ريت تقوليلنا استخداماتك علشان نقدر نساعدك أكتر...
لكن بشكل عام انا وجهة نظري ان المقارنه تنحصر بين الماتريكس و الأكسنت... و متطلباتك هي اللي هتحدد
أكسنت
ثم تييجو
احسن عربية فيهم بدون نقاش النيو اكسنت طبعا
بدون تفكير اساسا
لكن احيانا احتياجات المشتى بتفرض عليه امور اخرى
شكرا جدا على ردكم المفصل
بس انا سمعت ان قطع غيار الاكسنت غاليه
طيب هتعبكوا معايا وندخل في مقارنه تانية بما ان الاكسنت هي اللي كسبت
لو هنعلي السعر شويه بس برده ( مانيوال )
- اكسنت
- سيمبول
- كارنز
- جن 2
ممنوع استخدام اللون الأحمر فى الكتابه
مشرف الساحه
بس انت هتدخل الكازينز ازاى فى المقارنه ده
يعني ايه هدخل الكارينز ؟؟؟؟؟؟
انا مجربتش الماتريكس او الاكسنت
بس بالنسبة للتيجو تعتبر اكتر من ممتازة بالنسبة لسعرها و على فكرة هى اعلى من الماتريكس و الاكسنت و الكارينز كمان و صاجها اقوى كمان من كل دول
و معتقدش ان فيه منافس ليها فى نفس الفئة لحد اكتر كمان 50/60 الف جنيه
على فكرة معظم اللى بيتكلم بالسلب عن العربية بيبقى مجربهاش و بيتكلموا من منطلق انها صينى فقط متناسيين انها اخدت المركز الاول فى العالم سنة 2009 فى انتاج السيارت
زى ما فى صينى فيه عيوب فيه يابانى و اوروبى فيه عيوب كمان
مش كل الصينى و حش زى ان مش كل اليابانى او الكورى او اوروبى كويس
ممكن حضرتك تدخل على اللينك ده فيه تقييم للتيجو عن تجربة
http://www.nilemotors.net/Nile/103690-a.html (تقييم مبدئى للتيجو-مميزات و عيوب)
و على فكرة مش كل الصينى سعر اعادة بيعه سئ
يعنى التيجو و اسبرانزا A516 سعر اعادة بيعهم كويس و بيتحسن كمان مع الوقت و زيادة الانتشار لانهم اثبتوا نجاح كبير فى الفترة الاخيرة