لو واحد صاحبك قاللك تتجوز اختى هترد تقول له ايه

**Khaled_Nowaihy** · 01-03-2010 01:36 AM

المشاركة الأصلية كتبت بواسطة mohamed_alshafie

السلام عليكم يا جماعه
انا بصراحه اول مره اعمل موضوع هنا بس فى حاجه عاوز اناقشكوا فيها
انا ليا واحد صاحبى محترم جدا و ابن ناس جدا و دمو خفيف و شخصيه من لاخر لازم تحبها و تحترمها فبصراحه تمنيت انه يكون جوز اختى و خصوصا ان اختى فى سن الجواز و بيتقدملها عرسان و هو بيدور على عروسه اليومين دول فكنت هتجنن و اقوله يتجوز اختى بس طبعا ما ينفعش اقولهاله كده قعدت المحله ان اختى بيتقدملها عرسان و هى مش موافقه عليهم و احكيله مثلا ان كان فى عريس متقدم امبارح و كده و هو ما بيتحركش قلت جايز مكسوف او محرج و قلت هو عنده حق ما هو ما شافهاش قبل كده فعملت معاد كده بالصدفه من غير لا اختى و لا هو يعرفوا الموضوع ايه بالظبط و كان معايا والدتى و كانت عارفه كل حاجه و شافها بس طبعا ما كانش فى بينهم اى كلام و بالتالى هو ما خدش باله منها تقريبا فمش عارف اعمل ايه بجد انا مستختر صاحبى ده لانه بجد انا عارف ان اختى هتبقى ان شاء الله سعيده معاه بس مش معقوله هقوله تعالى اتجوز اختى
فمش عارف انتوا ايه رايكوا و ايه رايكوا فى المثل اللى بيقول اخطب لبنتك و لا تخطبش لابنك
حاجه تانيه باه حصلت واحد صاحبى لقيته بيتكلم معايا عادى و بيقوللى مش ناوى تتجوز باه عادى زى ما بيقوللى كل فتره و انا بقوله لسه شويه مش لاقى بنت الحلال لقيته مره واحده بيقوللى ما انا اختى اهى موجوده و مش هلاقيلها حد احسن منك و حتى مامته عماله تزن على الموضوع ده من فتره انا بصراحه اتاخدت و ما بقتش عارف ارد اقوله ايه و توهت فى الموضوع بس استغربت من الجراه بتعته هو صاحبى اوى بس برضه ما تجيش كده عشان ما يرخصش اخته و ساعتها فكرت فى صاحبى اللى عاوزه يتجوز اختى و قلت الحمد لله انى ما قلتلوش بصراحه كده كان اكيد حس بنفس احساسى
يا ريت يا جماعه اعرف رايكوا فى الموضوع ده ايه و بما انى ده اول موضوع ليا ياريت تستحملونى
وشكراا

فى الغالب هو فاهم كل حاجة ويبدو أنه لايفكر فى ذلك .. والله اعلم
طالما هو مؤدب يبقى أكيد حايحترم هذا العرض .. لعل وعسى
بعد استئذان أختك طبعاً

**zalpany2000** · 01-03-2010 02:42 AM

اولا قبل اي شئ

حضرتك لازم تكون عقليتك متفتحة جدا جدا وعندها القدرة علي استيعاب رد الفعل
يعني لا قدر الله لو ماحصلش قبول ... هايبقي وضعك ايه انت وصاحبك ؟؟؟ لو جواب السؤال ده كان صعب عليك يبقي لازم تتخلي عن الفكرة من الاساس .
و لو انت شايف انك مش هاتخسره ايا كان الوضع -وده مش سهل - يبقي تفكر في التنفيذ

رأي أستاذ محمد سمير عجبني جدا .. ان حد يكون كبير في السن شوية او صديق تالت ليكم اجتماعي ...او مثلا صديقة مشتركة لو موجوده لان البنات بتقدر توصل الموضوع ده لو هي حد ثقة وفاهمة
ده هايرفع عنك الحرج في العرض
وهايرفع عنه الحرج في الرفض

بس عايز اقولك اني مش عاجبني تشبثك بالموضوع ... يعني انت شايف انه فرصة .. ده جميل مافيش مانع .. بس مش تبقي متضايق ومتشبث قوي بيه ...

وربنا يرزقها بالزوج الصالح ... ويرزقه بالزوجه الصالحة و لو ليهم خير مع بعض .. ربنا يوقك في نيتك

تحياتي

**medo_2060** · 01-03-2010 03:11 AM

هو الموضوع صعب شويه بس زى ما الاخوه قالولك لازم تعرف اختك عن موقفك الاول عشان يمكن مش هتوافق عليه يبقى متتعبش نفسك وتزعله منك لانك هتحطه فى موقف بايخ لو قبل
وكمان الموضوع دا مش عيب بس بصراحه عن نفسي لو فى موقفك مقدرش اعملها يمكن تكون انت اجرأ منى
ربنا يوفقك للافضل

**M.Alshafie** · 01-03-2010 01:53 PM

انا متشكر جدا لكل اللى ردوا على الموضوع و بصراحه انا بقيت محتار جدا و مش عارف اعمل ايه هو انا متمسك بيه لان هو بصراحه شخصيه تستحق انى اتمسك بيها و بالنسبه لاقتراح صديق تالت ده هيبقى صعب شويه لان كل اصحابنا المشتركين مش متجوزين فهيبقى فيها حساسيه انى اقوله على حاجه زى كده ممكن بينه و بين نفسه يقول طب و ما قاليش انا ليه
و موضوع الامهات ده هما اصلا ما يعرفوش بعض فمش عارف ممكن يتعرفوا على بعض ازاى
بتهيالى موضوع ان المحله ده احسن اسلوب مع انى لمحتله قبل كده ان اختى بيتقدملها عرسان كتير و هى بترفض و مش عارف اعمل ايه و اختار ازاى بس ممكن المرادى ازود عليا بهزار ان الواحد عاوز واحد زيك زى ما احد الاعضاء اقترح او افكر فى موضوع السينما ده او اى خروجه و لو ان الموضوع ده بالنسبالى بجد محرج جدا و مش عارف هجيبله جراه منين زى ما حد عبلق و قال بس لو عرفت بجد الشخص ده لازم تجيب جراه تقوله انا هستعين بالله و استجمع قوايا و احاول اقولهاله بهزار و ربنا يستر و لو حصل ان شاء الله كلكوا معزمين طبعا
و متشكر تانى بجد على اقتراحاتكوا

**ابوهاشم** · 01-03-2010 02:18 PM

بص بقى ياسيدى انت ممكن تقترح عليه اولا خروجه عائليه
بحجة انك عاوز تفسح اختك ووالدتك ومش عاوز تتربط بيهم طول النهار
وانه ممكن يجيب والدته معاه ولو فيه اخوات بنات عنده كمان
وتبقى فرصه ليه هو كمان يفسح اسرته
وبكده ممكن يتم تعارف جيد بين الاسرتين اولا
وان شاء الله هتكون بدايه كويسه والبقيه تأتى

**tahayt** · 01-03-2010 02:37 PM

انا حصل معايا الموقف دة تلات مرات مرتين منهم مع اثنين اصحابى عرضوا عليا انى اتقدم لاخواتهم و دة كان بالتلميح مثلا واحد منهم قاللى انت عاوز تتجوز واحدة مواصفاتها اية و بعد اما قولتلة قاللى انت تقريبا بتتكلم عن اختى و الثانى مرة كدة لقيتة بيتكلم عن اختة و نيقولى انة نفسة يجوزها لواحد زييى ,و بصراحة الاثنين كانوا ممتازين لولا انى كنت حاطت واحدة تانية فى دماغى (مراتى الحالية) كنت ممكن اوافق على اول واحدة فيهم بس ساعتها اضطريت اخلع بذوق و لم يحدث اى زعل و الاثنين اتجوزوا ناس احسن منى و الحمد للة
الحالة التالتة كانت ان اخويا قال لواحد صحبة على اختى و قعدوا مع بعض و ماحصلش نصيب و ايضا لم يحدث اى زعل
اللى عاوز اقولو لك ان مش اى صاحب كويس بيبقى زوج كويس
يعنى المقياس اللى تقيس بة صاحبك دة مش لازم يبقى هو كويس معاك ولا لأ انا مثلا اعرف ناس مافيش فى حياتهم غير اصحابهم لكن مع زوجاتهم بتظهر حاجات تانية مثلا البخل,الامبالاة,العصبية و هكذا
لو انت قريب من صاحبك لدرجة انك مطمن منة تماما يبقى لا تتردد فى مفاتحتة و صدقنى مش حيحصل مشكلة بشرط تكون انت مستعد لتحمل رفضة للموضوع
اما بقة حكاية ان انت تقول لاختك الاول انا شايف ان دة غلط لان لو هو رفض بعد كدة اختك هتزعل منك لاحساسها بالاحراج و خللى بالك البنات فى الموضوع دة غير الرجالة خالص...و ربنا يوفقك للخير

**mr_sameh** · 01-03-2010 02:44 PM

انا بقي راي مختلف مع كتير من الناس انا شايف انك مش تفاتحه في حاجه لانه اكيد عارف ان ليك اخت في سن زواج وهو لو كان عاوز يتقدم كان مستناش او اكيد كان ممكن يلمحلك واكيد حاسس بانك عاوزه لاختك لاننا قبل الجواز اتعرضنا لحاجات زي دي كتير وفي الاخر الجواز ده نصيب

**kemoelord** · 01-03-2010 03:19 PM

المشاركة الأصلية كتبت بواسطة tahayt

انا حصل معايا الموقف دة تلات مرات مرتين منهم مع اثنين اصحابى عرضوا عليا انى اتقدم لاخواتهم و دة كان بالتلميح مثلا واحد منهم قاللى انت عاوز تتجوز واحدة مواصفاتها اية و بعد اما قولتلة قاللى انت تقريبا بتتكلم عن اختى و الثانى مرة كدة لقيتة بيتكلم عن اختة و نيقولى انة نفسة يجوزها لواحد زييى ,و بصراحة الاثنين كانوا ممتازين لولا انى كنت حاطت واحدة تانية فى دماغى (مراتى الحالية) كنت ممكن اوافق على اول واحدة فيهم بس ساعتها اضطريت اخلع بذوق و لم يحدث اى زعل و الاثنين اتجوزوا ناس احسن منى و الحمد للة
الحالة التالتة كانت ان اخويا قال لواحد صحبة على اختى و قعدوا مع بعض و ماحصلش نصيب و ايضا لم يحدث اى زعل
اللى عاوز اقولو لك ان مش اى صاحب كويس بيبقى زوج كويس
يعنى المقياس اللى تقيس بة صاحبك دة مش لازم يبقى هو كويس معاك ولا لأ انا مثلا اعرف ناس مافيش فى حياتهم غير اصحابهم لكن مع زوجاتهم بتظهر حاجات تانية مثلا البخل,الامبالاة,العصبية و هكذا
لو انت قريب من صاحبك لدرجة انك مطمن منة تماما يبقى لا تتردد فى مفاتحتة و صدقنى مش حيحصل مشكلة بشرط تكون انت مستعد لتحمل رفضة للموضوع
اما بقة حكاية ان انت تقول لاختك الاول انا شايف ان دة غلط لان لو هو رفض بعد كدة اختك هتزعل منك لاحساسها بالاحراج و خللى بالك البنات فى الموضوع دة غير الرجالة خالص...و ربنا يوفقك للخير

+1111111111

**misoalex** · 01-03-2010 05:16 PM

بص انا حقولك حاجه واحده عشان انا تقريبا اتحطيت فى نفس الموقفين لكن مش بنفس الطريقه
صاحبك ده لو كويس ومحترم
استحـــــــــــــــــــــ ـــــــــــــــــــــاله هو حيكلمك عن اختك لانه حيتكسف وغير كده ممكن هو فاكر انكم ممكن ترفضوه وساعتها حتبقى اخر كلام بنكم ويخسرك
فحاول تجبهالو انت بطريقه غير مباشره وتاخد رأى اختك برضه
والموضوع مفهوش عيب لان الصاحب الكويس عمله نادره اليومين دول
انا اتحطيت فى نفس الموقفين زمان