بص ياباشا انا هقولك رأيى بكل صراحه
اولا صاحبك اللى صارحك بانه عاوز يجوزك اخته ماغلطش
لانه على كلامك صاحبك جدا وعلشان عارف انك انسان كويس
ماترددش لحظه انه يفاتحك فى حاجه زى دى
وده مش عيب ولا حرام ولا بيرخص اخته زى مابتقول
طالما انك عارف اخلاق صاحبك واخلاق اخته اكيد
ده كمان انت اكثر واحد المفروض تفهمه صح لانك فى نفس وضعه
وصدقنى انا لو عندى اخت فى سن جواز وشايف صديق يستاهل
ومحترم هعرض عليه وبدون تردد
وبعدين الرسول صلى الله عليه وسلم والصحابه كانو بيعملو كده
يبقى ايه اللى يخلينى اخجل اعمل زيهم
توكل على الله واعرض على صاحبك الزواج من اختك
ولو هو انسان عقلانى ومتفتح هيقدر ده كويس سواء بالقبول
لو عنده الرغبه او برفض دبلوماسى بدون حرج
وانت كمان لو شايف ان اخت صاحبك كويسه وعندك الرغبه
للزواج منها يبقى هى افضل من اللى ماتعرفهمش
الرسول صلى الله عليه وسلم قال
(اذا جائكم من ترضون دينه وخلقه فزوجوه)
وربنا يوفقك
المفضلات