الموضوع: إلى صـــاحب العظمة !!! (وائل عطية)

السلام عليكم ورحمة الله وبركاتة
شكرا للأستاذ وائل عطية على هذا الموضوع
الكلام بكل بساطة يا جماعة ومش محتاج لا تحيز مع ولا ضد أى مبدا أن الفرق بينا و بين الدول المتقدمة حاليا كان هو نفس الفرق بيننا وبينهم من ألف سنة بس بالعكس طب لية؟
لو نظرتم من الف سنة مين اللى كان موجود فى بلاط الملوك (طبعا مش كلهم) كنا نلاقى العلماء موجودين تحت رعاية الملوك والأمراء . من ألف سنة كان هناك حرية فى الفكر حتى الفكر الدينى أكثر من الأن كان الناس دول عارفين دينهم ودنياهم اكتر من دلوقتى. احنا عمرنا ماحنتقدم اذا فضلنا معتبرين البحث العلمى رفاهية وأعتقد أن القيامة حتقوم واحنا متخلفين عن الدول المتقدمة ب 500 سنة. فى اسرائيل ميزانية البحث العلمى فيها 3 اضعاف ميزانية البحث العلمى فى الدول العربية كلها . انا كنت فى أمريكا سنة 2001 وقابلت هناك طالب من رومانيا يدرس الدكتوراة قال لى انت عارف لو اتقابلنا من الف سنة كنا حنتقابل فين؟ صراحة ما كنتش عارف هو يقصد اية. رد وقال كنا اتقابلنا عندكم (لا يقصد مصر بالتحديد) وكنت بأدرس بالعربى (دة كلامة هو). اللى انا عاوز اقولة ان دة كان تاريخ وانتهى ولا أحب صراحة التفاخر بية لكن أحب التذكير بأننا قادرين على أن نحققة مرة تانية لكن مش بالحالة اللى أحنا فيها دى. قد يكون ما يشعر بة الأخ nileheart هو شعور من الأحباط كلنا نشعر بة ولكنة قد يكون مؤثر فية أكتر لأنة يعمل أستاذ جامعة(his profile) والمفروض فى الجامعة أن تكون من منارات البحث العلمى اللذى لا وجود لة فى مصر
ولكى نكون موضوعيين اقول نعم أحنا كنا أحسن منهم بمراحل من 1000 سنة للأننا أخدنا بالأسباب وهم حاليا أحسن منا بمراحححححححححححل لأانهم أخدوا بألأسباب . أحنا دلوقتى للأسف لا دنيا ولا دين (حتى الدين أعتقد أن كثير منا وأنا منهم فاهمينة غلط وأنظر لحال المسلمين الأن)
أخوكم
اسامة عبد العزيز :roll: