أنا عاوز نصيحتكم بخصوص شراء كاوتش جديد
السلام عليكم ورحمة الله وبركاته،،،
أنا عاوز نصيحتكم بخصوص شراء كاوتش جديد
الكاوتش اللي مفروض يركب في عربيتي هو:
185/70/13h
بس الميكانيكي قال لي هات 195 هايكون أفضل شوية وهيديك نعومة أكتر وثبات للعربية
أنا بقى عاوز أجيب 4 فرد جداد طبعا بحيث إنهم يكونوا:
1- صناعه كويسه، عشان أبقى مطمئن إني مش هايحصلي مواقف مش كويسه مع الكاوتش.
2- ناعمين ومريحين لركاب العربية.
3- أنا مش فارق معايا أوي موضوع السرعات العالية عشان أنا لسه باتعلم أصلاً.
4- مش عاوزهم يكونوا غاليين أوي، عشان أنا زي ما قلت مش ناوي أطير بالعربية.
5- صوتهم ما يكونش عالي.
تنصحوني بإيه؟ وتنصحوني أجيب الكاوتش منين؟
أنا عربيتي هوندا سيفيك 1993 وأنا من سكان مصر الجديدة
جزاكم الله خيراًا