ما هى أفضل سيارة 1600cc أو اقل ممكن اشتريها من السعودية ؟
السلام عليكم ورحمة الله وبركاتة
انا مصرى عايش فى السعودية ونازل نهائى آخر السنة إن شاء الله,
عايز اشترى سيارة جديدة وانزل بيها إن شاء الله واجمركها,
بس حتى الان مش عارف اختار ايه,
رغباتى فيها كالتالى:
1- انها تكون 1600cc أو اقل علشان اقدر ادفع جمركها.
2- انها تكون من افضل السيارات الخليجية عند مقارنتها بمثيلاتها المصرية, يعنى الزيادات الخليجية الى فيها باينة قوى ومميزة, وطبعا مواصفاتها مش اقل من المصرية .
3- ان سعرها بعد الجمرك ميكونش اكتر من 120 الف جنية مصرى.
4- انها تكون جامدة ومتجربة فى مصر, وبفضلها اوتوماتيك.
5- السيارات الى بفكر فيها حتى الان بالترتيب هى الابيزا والالنترا واللانسرEX , مع ملاحظة انهم الأولى أسبانى والتانية كورى والتالتة يابانى.
يا ريت اهل الخبرة يفيدونى برايهم وتجاربهم عامة, وخاصة فى السيارات دى مع العلم انى مش متمسك بيهم بس وممكن اغير لو نصحتونى بغيرهم, وعلى فكرة ده موضوع بيشغل بال معظم المصريين اللى هنا بس محدش فيهم بيسأل وكلهم بيشتروا تويوتا وبس.