ياجماعة انا كنت عايز اشترى عربية ومحتار بين سيريون اوتوماتيك و جراند بونتو مانيوال لان اسعارهم قريبة من بعض ياريت تفيدونى بالافضل بينهم :11:
عرض للطباعة
ياجماعة انا كنت عايز اشترى عربية ومحتار بين سيريون اوتوماتيك و جراند بونتو مانيوال لان اسعارهم قريبة من بعض ياريت تفيدونى بالافضل بينهم :11:
ياجماعة انا كنت عايز اشترى عربية ومحتار بين سيريون اوتوماتيك و جراند بونتو مانيوال لان اسعارهم قريبة من بعض ياريت تفيدونى بالافضل بينهم :11:
الإتنين كويسين وإن كنت بفضل الجراند كشكل لكن الإتنين كويسين وإعتماديين لأقصى درجة بس شوف الأول لو ظهرت مشاكل في السيريون ولا ﻷ (لإني معرفش) والمشكلة الوحيدة الي موجودة في الجراند والي هي في الباور تم تلافيها في الموديلات بعد ٢٠٠٤ فمفيش منها قلق
تقفيل وخامات وثبات وامان>>> الجراند بونتو
اعادة بيع وقطع غيار واوتوماتيك >>>سيريون
المواتير الاتنين كويسين وموفرين في استهلاك البنزين
انا لو مكانك مش هتنازل عن الاوتوماتيك خصوصاً لو انت عايش في القاهره
يبقى لو عرفت تجيب الجراند اوتو يبقى تمام لو معرفتش يبقى السريون محترمه جداً هي كمان
السيريون 1300 س س 91 حصان وواسعة من ورا ومريحة و 4 زجاج كهرباء.
الجراند 1400 س س 77 حصان وضيقة من ورا و 2 زجاج كهرباء فقط .
سيريون اوتو ب 85000 ج .
جراند اوتو ب 97000 ج .
انا بصراحه بيعجبني شكل البونتو طبعاااا عن السيريون والعربيات الاوروبي دايما تتفوق في الموضوع ده لكن الخامات اعتقد واحد في العربيات الصغيره
الثبات انا مسوقتش البونتو بس هي شكلها يقول انها ثابته بس اعتقد هتبقى نفس وزن السيريون اللي هو 960 كيلو باين يعني خفيفه برده
الامان السيريون فيها 2 ايرباجز استاندرد لاي موديل والميزه الجامده الصراحه انها كل موديلاتها فول اوبشن سواء مانوال او اتوماتيك وبيزيد فرامل abs +ebd وجنوط واسبويلر في الكامله سبورت Glx سواء 1300 او 1500
وكانتشار واعاده بيع السيريون اعتقد بقيت عامله زي النمل ومليت البلد
عكس الجراند اللي كل فين وفين لما تلاقي منها عربيه
بس هجبلك من الاخر
لو هتجيب الجراند الفول اوبشن جنوط وستيبترونيك وكده يعني يبققى ما تترددش
لو هتجيب الفاضي منها يبقى السيريون احسن
بس اعمل احسابك على شويه تعليقات سخيفه من بعض الناس اللي دمعهم خفيف
زي مبروك الكوتشي الجديد وماشابه
وربنا يوفقك
انا مش عارف اقول ايه على التجاوب السريع ده بجد شكرا قليلة عليكم
kmhbravo
انا شوفت اللينكات وبجد كلها مشاركات مفيدة جدا بس حسيت كدة من المشاركات دى ان العربية سحبها ضعيف مع العلم انى عندنا اصلا بيجو 307 1600cc
هى هاتبقى اضعف بكتير منها ولا ايه؟؟؟
اضعف في السحب لكن مش ضعيف قوي بس إستهلاك بنزين تحفة
شكرا يا جماعة على الردود السريعة دى وبصراحة كل كلامكم مقنع بس انا سمعت ان قطع غيار السيريون غالية شوية واستهلاك الجراند بونتو اقل فى البنزين ياريت تصححوا لى لو كنت غلطان او اللى سمعته مجرد اشاعات
السحب مش ضعيف هو قريب جدا من اى عربيه كورى 1400 فما فوق وصدقنى انا ركبت السريون ومعايا الجراند الجراند تكتسح من كل الوجوه وهذا ليس تحيز اركب الاثنين وقارن
طيب وقطع الغيار والصيانة ظروفها ايه؟ هلى اسعارها معقولة ولا زى كل الجديد؟
ومراكز الصيانة بتاعتها فين لانى مش من القاهرة
ومعلش لو كانت اسألتى كتير بس بجد انا محتار اجيب ايه هما الاتنين جامدين وعاجبنى ياريت تساعدونى يارجالة
انا ما جربتهاش بس أعتقد فى ناس جربوا الإتنين بس إتأكد إن السيريون المتجربه كانت 1000 و الا 1300 والا 1500 سى سى عشان هاتفرق كتير بس فى عوامل كتيره غير السحب والجرى وكلها فى صالح الجراند بونتو من وجهة نظرى
انا ما جربتش السيريون الحقيقة انا كنت بتكلم عن البيجو 307 1600cc الاستيبترونيك
معلوماتي أن الدايهاتسو كلة قطع غيارة غالية جدا
عربية كويسة و قطع غيارها معمرة، لكنها غالية، انا قبل ما أشتري الأونو فكرت اجيب ميرا أو سيريون قديمة
لاقيت قطع الغيار استهباااااااااااااااااااا ال و حاجات كتير منها مش موجودة اصلا
ياباشا قطع غيار السيريون اعتقد حتى لو غالي هتبقى اقل من الجراند بونتو
على الاقل السيريون موجود لها قطع استعمال استيراد الخارج يعني مش لازم توكيل
عكس الجراند اللي قطع غيارها توكيل فقط على ما اعتقد نظرا لقله انتشارها
بالنسبه للاستعلاك انا مركبتش الجراند
لكن السيريون 1300 سي سي يعني اكيد موفره لو بتمشي طبيعي بدون حرق هتلاقي الكومبيوتر بتاع العربيه بيوصل ل 4.5 لتر لكل 100 كيلو وده اقل رقم وصلتله
lممكن حضرتك تدينا نماذج لقطع الغيار الغاليه جدااااااااااا في الديهاتسوا لاني معايا السيريون الجديد و دي نماذج لبعض اسعار قطع الغيار في التوكيل و كل حاجة متوفرة في التوكيل و عند الشركه المصريه اليابانيه في الحرفيين
دي اسعار بعض قطع الغيار في التوكيل انا معرفشي الجراند بكام فممكن حد من الاخوة يحط الاسعار برضة علشان تقارن
اكصدام امامي 600 جنيه
فانوس 650 جنيه
مرايات جانبيه كهربا 430 جنيه
جير بوكس اتوماتيك كامل ب 4000 جنيه
دي راي من ناحيتي في السيريون و الاخوة هنا اكيد هيفيدوك في الجراند يعني دي مش مقارنه لاني مركبتش الجراند لكن معلومات ممكن تفيدك
التوكيل : توكيل ديهاتسوا محترم جدااااااا وواضح ان اوماترا برضة علي الطريق الصح من كلام الاخوة هنا
الشكل : اكيد شكل الجراند اجمل بكتير معن انا من ملاك السيريون بس رايي ان الجراند اجمل
الاداء : موتور السيرون ال 1300 محترم جدااااااا و مش هتصدق قوته اد ايه حتي مع الاتوماتيك و العربيه 91 حصان و وزنها حوالي 950 كم
الوسع : السيريون واسعه جدااااااااااااااا من جوة و صغيرة من برة يعني بتحس انك مستفاد من كل سم في العربيه
العتماديه : السيريون اعتماديه جداااااااااا كعربيه مدينه و كمان حمارة شغل
قطع الغيار : انا قلت بعض الاسعار في المشاركه السابقه
رايي البلد مش مستحمله مانيوال الا لو انت بتحب سواقه المانيوال فلو عرفت تجيب الجراند الاتوماتيك هتبقي احسن طبعا لو لما تقارن اتوماتيك بمانيوال في مصر بظروف السواقه بتاعتنا دي يبقي الاتوماتيك يكسب
لما كنت حشتري ميرا و كلمت التوكيل، العربية كان فيها مراية مكسورة و اكصدام مشروخ و المسطرة اللي ورا اللي بتبقي فوق النمر و فيها النور اللي علي النمر كانت مكسورة، فقولت اتصل اسأل اشوف اية الأخبار ... انا من الصدمة فاكر الأسعار لحد دلوقتي
مراية جانبية عادية 960 بدون ضريبة
إكصدام أمامي مش مرشوش 1100 جنية
المسطرة من موجودة
الفانوس الأمامي عامل 860
قلت يمكن توكيل، نزلت عند راجل اسمة فاروق جنب سنترال باب اللوق بسألة علي المراية ... قالي ححاول اجيبلك واحدة بس مش حتعمل اقل من 350 !
و طبعا اول ما سمعت السعر دة صرفت نظر عن العربية تماما
رغم ان العربية اللي شوفتها كانت ممتازة فابريكة برة و جوة و كاملة، باور تكييف و سنتر بس علشان سواقة ست فكانت مدغدغة فيها شوية الحاجات اللي بقولك عليها دية
شكرا يا باشا على الرد بس الجماعة بتوع الفيات بيقولوا ان حاجات السيريون اغلى من الفيات وانتوا هنا بتقولوا ان حاجاتها ارخص من حاجات الفيات على العموم انا استقريت الحمدلله على السيريون الاوتوماتيك 1300cc وربنا يوفقنى فى اختيارى ان شاء الله
ماشى يا باشا بس فى للسيريون قطع غيار استيراد بره التوكيل يعنى هاتبقى ارخص
شكرا يا جماعة على الاقتراحات والارااء الكتير الجميلة اللى فادتنى بجد و احب اقولكم انى خلاص استقريت على السيريون مع انى معجب جدا بالبونتو بس للاسف الظروف المالية تحكم انا شايف ان السيريون هاتبقى اوفر ليا فى حاجات انا محتاجها دلوقتى مع ان عينى هاتطلع على البونتو بس يلا ربنا يوفقنى بقى فى اختيارى
هو فرق السعر كام يا فندم؟؟
وصوتي للبونتو طبعا... مع اني باعتز جدا جدا بالسيريون .. العربية دي تحفة فعلا .. وركوبتها هايلة ... بس برضوت الجرند بونتو تكسب
وممكن الفرق يستاهل .. تصبر شوية وتجيبها ؟؟
انا عن نفسي احب الجراند بونتو وكفايه شكلها
لكن في بلدنا العزيزه مصر خليك مع الياباني والكوري وابعد شويه عن الاوروبي للاسف :(
وان شاء الله ياباشا مش هتندم في اختيارك وصدقني السيريون موتورها جامد جدااا 1300 صح بس ممتاز (عربيتي اتوماتيك وبشد مع عربيات اعلا مني كتيير وبسد معاهم ) نصيحه بس لو تعرف تغيير اكاوتشات بتاعتها لانها رفيعه قوي وده منشف العفشه شويه والنقر والزلط بيسمع في العربيه بتنزل 14 175/65
ولو عايز اشد هات ال 1500 كامله سبورت وبرده ارخص من الجراند بونتو !!
تقريبا ب 91000 ودي بقه الكاملله المكمله (الكمال لله وحده طبعا )
1500 سي سي 103 حصان/6000 لفه موتور
عزم 138/ 4400 لفه موتور
كامله اتوماتيك(تككيف باور EPS 4 زجاج كهربه مرايات كهربه سنتر كاسيت سي دي جنوط سبور فرامل ABS+EBD +2 airbags اسبويلر خلفي )
وزنها 965 كيلو وهي فاضيه
الموتور ال 1300 سي سي 91 حصان/6000
عزمه 120/4400
نفس الكماليات فول GL يعني اتوماتيك مع وجود فئه ال GLX اللي هي زياده عليها انظمه الفرامل والجنوط وسبويلر
وربنا يوفقك ان شاء الله
السيريون اعتمادية وسوقها منتشر وسعر اعادة بيع وقطع غيار وسحب ممتاز واستهلاك نزين رائع لكن خفيفة وبلاستيكية نوعا ما وثباتها متوسط او محدود
الجراند بونتور صاج اقوى تقفيل اكثر احكاما صناعة افضل وضع القيادة اريح واجمل استهلاك بنزين رائع خصوصا المانوال الثبات ممتاز لكن يعيبها عدم انتشارها وصعوبة اعادة بيعها ويمكن قطع الغيار وجايز السحب لايرضيك
الشكل البونتو شكلها اجمل بكتير
بص خلينا واقعيين العربيتين قريبين من بعض جدا
خلينا فى السعر دلوقتى
دا سعر البونتو دلوقتى 2010
جراند بونتو 1.4 m/t 2010 89000
جراند بونتو 1.4 f/o m/t 2010 99000
جراند بونتو 1.4 a/t 2010 99000
جراند بونتو 1.4 f/o a/t 2010 109000
لاحظ ان الاوتوماتيك الفاضية ب 99 الف
الكاملة ب 110 الف
المانوال هكذا برده فاضية ب 89 وكاملة ب 99 الف
تعالى نشوف السيريون
سيريون 1.3 m/t 2009 80500
سيريون 1.3 a/t 2009 85000
سيريون 1.3 f/o a/t 2009 90000
سيريون 1.0 f/o m/t 2009 73000
فى فرق 10 الاف جنيه كما تلاحظ
وهو منطقى لان البونتو زى ما قلتلك احسن نوعا ما بس دا مش معناه ان السيريون وحشة
فا حسب ميزانيتك
والغالى ثمنه فيه
والايطالى حاجة واليابانى حاجة والكورى حاجة تانية وهكذا
واستخير ربنا
الجراند بونتو افضل حيث انها خد عندك ايطالى 5 نجوم أمان فرامل abs ebd فى كل الفئات و2 ايرباج ومش فاكر الباقى وكفاية انها فيات
أولا: مبروك مقدما على السيريون وبجد مش هتندم على اختيارك.
ثانيًا: البونتو أعلى في الأمان(5 نجوم - السيريون 4 نجوم) , فرق التجميع مش هيبقى شاسع , في رأيي 100 cc مش حاجة يعني , الثبات اعتقد هيبقى للبونتو مع إن السيريون ثابته جدا بالنسبة للفئة ديه.
ثالثا: الواسع الداخلي - للسريون, وسع الشنطة - للبونتو, شكل الصالون - للبونتو , مساحات التخزين والعملية - للسيريون, فرق الخامات والتقفيل تقريبا متقارب .
على فكرة أنا بحب الفيات جدا , بس لما جيت اشتري اخترت السيريون.
يا ريت تشوفوا اللينكات ديه عشان تعرفوا الفرق بين عربية أوروبى وعربية يابانى أما الإثنين يعملوا حادثة وربنا يبعد عننا كلنا الحوادث امين يا رب
http://www.nilemotors.net/Nile/128994-a.html
http://www.nilemotors.net/Nile/106551-a.html (تقريرعن فيات لينيا تربو الفئة الثانيه)
http://www.nilemotors.net/Nile/110568-a.html (تقيمي لللينيا بعد ٢٧ يوم و٢٥٠٠كم)
http://www.nilemotors.net/Nile/113260-a.html (قدر الله وما شاء فعل -عملت حادثة باللينيا-)
لو انا مكانك هجيب الياباني
لا يعلي عليه
ده لو مكانك :)
[frame="7 80"]
اخوانى مين اللى قال ان الجراند بونتو فاضيه بصوا بقى على الفاضيه
فيها ايه عدد 2 ايرباج+EBD+ABS
مالتى فانكشن جنوط سبور+طاره الدريكسيون ومقبض الفتيس جلد +سى دى+مريات كهرباء +زجاج امامى كهرباء+سنتر لوك+مصابيح قابله للتعديل+دريكسيون قابل للتعديل+باور ستيرينج+cityوهو باور اضافى يجعل الدريكسيون اخف مايمكن +كمبيوتر اعطال وحساب استهلاك البنزينزالخخخخخخخخ وقياس حرارة الجو
ده غير الفرش وجودة الخامات وكل ده والناس بتقول فاضيه ممكن اعرف اللى مش فاضيه فيها ايه وعلى فكره انا بتكلم على الفئه الاولى الل ب89000 الف جنيه
[/frame]
استهلاك البنزين فى الجراند بونتو لا يذكررر .. موفرة بشكل غير طبيعى