فين عبد الله اوبل (عنوانه) - فين الاقى ترس البندكس

انا عندى كام سؤال
الاول:
فين هو عبد الله اوبل اللى بتكلمو علين
الثانى:
انا عندى عربية كورسا 2003 1.6 عاملة حوالى 30 الف كيلو
فجأة جيت ادور العربية سمعت صوت ونة و المتور مابيدورش
روح لميكانيكى قال لى ترس البندكس عاوز يتغير سألت علية و جبت حوالى 3 تروس لكن مش هم الترس المناسب
فين الاقى الترس الصح
المكانيكى ركب لى مارش استيراد شغال على الكورسا 1.6 لكن هو مش بتاعها (تقريبا بتاع الكورسا القديمة 1.2) هو كدة فى مشكلة و لا ماشى الحال
الثالث:
انا حاسس ان فية صوت مستمر و العربية ماشية (صوت متهيفلى خشونة) ممكن يكون اية
و انا اسف اذا كنت طولت عليكم.

عبدالله اوبل مريوطية فيصل هتلف بعد فلفله و تخش من جنب محطة الخدمه
طالما راكب مستريح يبقى مفيش مشكله
ترس البندكس ممكن تلاقيه استيراد او عند حد شغال فى تصليح المارش و الدينمو زى ميمى موبينا اللى قدام مستشفى ام المصريين بالجيزة
الصوت ده من الموتور و لا طالع و انت ماشى و من انهى جنب و قدام و لا ورا

100 100 يا محمد
صوت الخشونة وانت ماشى ممكن يكون البلى بتاع العجل ممكن يبقا حجات كتير

تمااام يااساتزا

طيب لما يكون فيه صوت شخللة كدة من عند المتور مع الار بي ام العالى؟؟؟؟ مع العلم انى مركب بوجيهات ان جى كىه اريديوم 1 شمعة. اللى سنه عامل زى الدبوس. و مفتكرش ان الصوت ده كان موجود ارجو التعليق

ممكن حاجة مفكوكه او صاجة
مش شرط
بس غلط فى الأوبل الشمعه الواحده طبقاً لحوار سابق استقر على انه غلط و بيخرم البستم و الصح بتاعها 2 شمعه الكترونى و الأفضل جى ام

اقتباس:

---

المشاركة الأصلية كتبت بواسطة tananybasha

عبدالله اوبل مريوطية فيصل هتلف بعد فلفله و تخش من جنب محطة الخدمه
طالما راكب مستريح يبقى مفيش مشكله
ترس البندكس ممكن تلاقيه استيراد او عند حد شغال فى تصليح المارش و الدينمو زى ميمى موبينا اللى قدام مستشفى ام المصريين بالجيزة
الصوت ده من الموتور و لا طالع و انت ماشى و من انهى جنب و قدام و لا ورا

---

شكرا على ردك السريع
ما هو دة المركز اللى انا بروحة لانى اصلا ساكن فى كرداسة
هو الصوت متهيقلى جاى من ورا ( انا حاسس انة من بلى العجل الخلفى )
انا عندى سوال تانى
بحس وانا طالع على الاول العربية بتترج شوية ( ممكن تكون من تاثير بركة المية اللى مشيت فيها ولا اية)

اية موضوع البوجيهات الشمعة واحدة؟؟؟؟؟؟؟؟؟؟؟
انا لما روحت اعمل صيانة ال30 الف فى مقار
المهندس اللى هناك غيرلى البوجيهات و قال لى ان الاصلى بتاعة شمعة واحدة و هى كان راكب فيها شمعتين
اية الحكاية هى شمعة و لا شمعتين؟؟؟؟؟؟؟؟؟؟

هتفرق فى استهلاك الوقود الاصلى بتعها شمعة وحدة هى بتفرق فى معدل الاحتراق
الرجرجة ممكن تكون قواعد متور ممكن يكون الدسك بيرعش ودية مرحلة من مراحل عديدة من بوظان الدسك فى حجات كتير ممكن تسبب الرجرجة دية

اقتباس:

---

المشاركة الأصلية كتبت بواسطة tamertamer

هتفرق فى استهلاك الوقود الاصلى بتعها شمعة وحدة هى بتفرق فى معدل الاحتراق
الرجرجة ممكن تكون قواعد متور ممكن يكون الدسك بيرعش ودية مرحلة من مراحل عديدة من بوظان الدسك فى حجات كتير ممكن تسبب الرجرجة دية

---

هو ملوش حل بدل ما يبوظ
اصل هى ما ظهرتش إلا لما نزلت فى مية
و لما بزود بنزين شوية وانا طالع على الاول تقريب بتروح الرجرجة ده

اقتباس:

---

المشاركة الأصلية كتبت بواسطة tamertamer

هتفرق فى استهلاك الوقود الاصلى بتعها شمعة وحدة هى بتفرق فى معدل الاحتراق
الرجرجة ممكن تكون قواعد متور ممكن يكون الدسك بيرعش ودية مرحلة من مراحل عديدة من بوظان الدسك فى حجات كتير ممكن تسبب الرجرجة دية

---

أنا أعتقد ان دى اسطوانة دبرياج .. عشان ده عيب معروف فى الكورسا السيدان.. وانا لما رحت كشفت على عربيتى فى التوكيل المهندس اللى هناك قال لى خلى بالك عشان العربية دى بتحتاج اسطوانة و ديسك كل 70000 كيلو تقريبا
بس اللى محيرنى انت لسه 30000 كيلو بس... ممكن طبيعة سواقتك بتدوس دبرياج كتير

الرجة اسطوانه

اقتباس:

---

المشاركة الأصلية كتبت بواسطة tananybasha

ممكن حاجة مفكوكه او صاجة
مش شرط
بس غلط فى الأوبل الشمعه الواحده طبقاً لحوار سابق استقر على انه غلط و بيخرم البستم و الصح بتاعها 2 شمعه الكترونى و الأفضل جى ام

---

ايه يخرم البستم ده يا عم محمد انت كده هتخوفنى. ايه الموضوع ده, هو عموما الشمعة الواحدة الاريديوم بتوفر معايا جامد قوى على طريق السفر سرعة 90 ثابتة. بتعمل 400 ك فى الصفيحة بس العزم قل جامد

بص ياباشا مور العربيه ودوس بنزين جامد كأنك هتفصل بالعربيه لو سمعت صوت الحديح اللي بيتهز ده يبقي دي قاعده الاهتزازات بتاعت الموتور عاوزه تتغير علشان عندي نفس الحوار وجبتها ب70 جنيه استيراد

انا مش بافتكس الكلام ده قاله واحد فى التوكيل مرة لما كنت مركب 1 شمعه
و كنت مره عند الميكتنيكى بتاعى فاكك موتور استرا 1200 و البستم مخروم مكان البوجيه بالضبط
و انا مصور الموتور ده بس بدور على كارت الميمورى مش لاقيه