استفسار بخصوص كربراتير الفيليشيا

**Meshfaker** · 28-02-2010 04:44 PM

السلام عليكم
معايا عربية فيليشيا 1997 glx كنت عايز اجيب ليها كربراتير جديد
المهم روحت لواحد فى طنطا قالى الجديد منه بـ 2900 جنية ( مش فاهم ليه بصراحه )
بس عنده حاجات تانية استيراد
الاول كربراتير عادى خالص زى الاصلى بتاعها وده عامل 750 جنية
والتانى واحد جديد كده قال عليه عامل زى اللى بينزل فى الـ bmw نفس نظام شغله يعنى وده بيكون بالضفيرة بتاعته وبيقول ده كمبيوتر ومفيهوش البك بتاع السلانسيه والحاجات دى
وهو بيشكر فيه قوى والراجل صاحب المحل نفسه معاه فيليشيا وناوى يحط واحد منه وده سعر 1250 جنية ونقول 200 جنية تركيب كمان يعنى الموضوع هيدخل فى 1500 جنية
فانا مش عارف اعمل ايه بصراحه مع العلم انى بحب التكنولوجيا يعنى انا دماغى رايحه اكتر للتانى اللى ب1250 بس زى مانتوا عارفين العربية سعرها دلوقتى تعمل بتاع 33 الف بالنسبة لعربيتى يعنى عشان كاملة وحالتها نضيفه وانا مدلعها فمش عارف لما احط 1250 جنية كمان فى كربراتير ولوحبيت ابيع اللى هيشترى ده هيقدر الحاجات اللى معموله فيها والا عليه العوض
افيدونى
وشكرا

**amrelsaqqa** · 28-02-2010 04:53 PM

والتانى واحد جديد كده قال عليه عامل زى اللى بينزل فى الـ bmw نفس نظام شغله يعنى وده بيكون بالضفيرة بتاعته وبيقول ده كمبيوتر ومفيهوش البك بتاع السلانسيه والحاجات دى

-----

ده بيركب لاي عربية ؟

**Meshfaker** · 28-02-2010 05:39 PM

للفيليشيا هو لما قال زى اللى بينزل فى ال bmw كان قصده ان حاجه شديدة يعنى وتكنولوجيا جديدة بس هو فى الاصل بتاع الفيليشيا مش بتاع bmw

**youngdevil** · 28-02-2010 07:10 PM

انا معايا فيليشيا 97 بردو..
لو انت بتحب التكنولوجيا و متاكد ان الكربيراتير دة مفهوش مشاكل و لا يؤثر على السحب اشترية حصوصا انك بتقول مفهوش بك و ظبطة و قرف
انا جبت منظف كاربيراتير رجع الكاربيراتير كالجدبد

**Meshfaker** · 28-02-2010 07:32 PM

هو بالنسبه للسحب الراجل قالى انه هيفرق كتيررررررررر
هيبقى احسن بكتير وهيوفر فى البنزين كمان

معلش ايه منظف الكربراتير ده ؟؟؟؟

**hysagm** · 28-02-2010 10:54 PM

المشاركة الأصلية كتبت بواسطة Meshfaker

السلام عليكم
معايا عربية فيليشيا 1997 glx كنت عايز اجيب ليها كربراتير جديد
المهم روحت لواحد فى طنطا قالى الجديد منه بـ 2900 جنية ( مش فاهم ليه بصراحه )
بس عنده حاجات تانية استيراد
الاول كربراتير عادى خالص زى الاصلى بتاعها وده عامل 750 جنية
والتانى واحد جديد كده قال عليه عامل زى اللى بينزل فى الـ bmw نفس نظام شغله يعنى وده بيكون بالضفيرة بتاعته وبيقول ده كمبيوتر ومفيهوش البك بتاع السلانسيه والحاجات دى
وهو بيشكر فيه قوى والراجل صاحب المحل نفسه معاه فيليشيا وناوى يحط واحد منه وده سعر 1250 جنية ونقول 200 جنية تركيب كمان يعنى الموضوع هيدخل فى 1500 جنية
فانا مش عارف اعمل ايه بصراحه مع العلم انى بحب التكنولوجيا يعنى انا دماغى رايحه اكتر للتانى اللى ب1250 بس زى مانتوا عارفين العربية سعرها دلوقتى تعمل بتاع 33 الف بالنسبة لعربيتى يعنى عشان كاملة وحالتها نضيفه وانا مدلعها فمش عارف لما احط 1250 جنية كمان فى كربراتير ولوحبيت ابيع اللى هيشترى ده هيقدر الحاجات اللى معموله فيها والا عليه العوض
افيدونى
وشكرا

ايه ده ياريس حاسب انت بيتنصب عليك فوق يا استاذ انا جيب مكنه كامله بالفتيس وانجكشن بدينمو والسبرتير ب3000 جنيه تقلى كربرتير استيراد ب1200 ليه المكنه اكلت كربراتيره ولا ايه هههههههههه

**Meshfaker** · 01-03-2010 12:43 AM

موشكرين يا hysagm على النصيحه
بس قولى انت جايب موتور 1300 ؟؟ والا 1600
وجايبة منين ؟؟ ومن امتى ؟

**awaad8760** · 02-03-2010 04:17 AM

السلام عليكم يا شباب

بص يا أخ Meshfaker , الماتور الألومينيوم ال1300 بتاع الفيفوريت والفيليشيا ليه 3 طرق لإدخال خليط الهوا والوقود إلى المحرك:

1- الكاربيراتير > وده إبتدى مع الفيفوريت وكمل مع الفيليشيا 95 و96 وبعدين إتعمل عليه شوية تعديلات بسيطه فى الفيليشيا 97 و98 وعامة كل العربيات ماقبل 99 بتاعة أرتوك كلها كاربيراتير.

2- نظام حقن الوقود الأحادى المركزى > وده يا سيدى نظام إخترعته شركة BOSH الألمانيه وإتحط فى عربيات ألمانى كتير فى الثمانينيات والتسعينيات . ولذك لما سكودا بقت فولكس حبوا يحطوا النظام ده فى الفيليشيا من 95 حتى 97.

3- نظام حقن الوقود متعدد النقاط > وده إبتدى فى الفيليشيا 98 حتى 2001 بس للأسف أرتوك ماجابهوش مصر إلا فى 99 حتى 2001 .

وأظن إن اللى بتتكلم عنه هو نظام حقن الوقود الأحادى المركزى لأنه فعلا ليه وحدة تحكم (كمبيوتر) وليه حوالى 7 حساسات زى أى إنجكشن عادى وفكرته ببساطه إن فيه رشاش واحد علوى ويتم توزيع الخليط على الأربع إسطوانات خلى بالك إن طرمبة البنزين لازم تكون كهربا

النظام ده عادة مش بنشوفه فى مصر إلا لو واحد جايب عربيه من بره أو مركبه إستيراد, والوحيد اللى أعرفه عنده النظام ده هو زميلنا hanyreload من الأسكندرية معاه فيليشيا 95 جايبها معاه من ألمانيا , كنا بنتكلم فى منتدى سيارات آخر وحط صوره للماتور بتاع عربيته ومن أول نظره علطول تلاقى إختلاف رهيب سواء فى العمه أو الكمبيوتر أو الفلتر الكربونى للبنزين وده لينك للموضوع ده

http://www.masrmotors.com
/vb/showthread.php?t=14683

أنا مستغرب إنت ليه عايز تغير الكاربيراتير وياريت تخلى بالك إن 90 % لما الصنايعى يقولك عايزيين كاربيراتير جديد يا بيه بيبقى فلس وفشل لأنه مش عارف يظبطه فنصيحه روح لمتخصص أو قول على المشكله يمكن حد يلاقى حل.

بس لو إنت خلاص هاتشترى وعايز رأيى خليك فى الكاربيراتير العادى علشان:-

يبقى عندك قطع غيار

مش حاتتطر تغير طرمبة البنزين وتقعد تدور على الحساسات والرشاشات والكمبيوتر والعمه و......... .

المردود ماأظنش هايبقى رهيب وكمان عربيتك هاتبقى غريبه ومش أى حد يمد إيده فيها

ده غير السعر العالى وكمان ياعم لو إنت عايز التغيير غير للحقن متعدد النقاط وهنا الموضوع هايستاهل تعبه ولا حتى تسقط ماتور 1600 زى crazylambada

وربنا يوفقك

عواد 8760

**Meshfaker** · 02-03-2010 11:46 PM

اشكرك بشدة يا awaad8760 على المشاركه الرائعة
واقولك بقى يا باشا على المشكله اصلا اللى عندى
هى فى الكربراتير زى مانتوا عارفين فيه بوابة فى فيه بيعدى منها البنزين و البوابة دى باظت ومابقتش تفتح وتقفل اتوماتيك فالراجل الميكانيكى علقها خلاها مفتوحه على طول دى اول نقطه
تانى نقطه ان العربية بتتأخر فى الدوران الصبح (مش شرط الصبح بس المقصود فى الدوارة الأولى لليوم ) يعنى مش بتلقط غير بعد خامس مره تقريبا غير كده خلاص بطل ودور تانى فى اى وقت من اليوم هتدور على طول مع العلم انى مغير البوجيهات مخليهم 3 شمعه وبغيرهم بإنتظام بنوع NGK اليابانى والمارش سليم

وعشان انا بقى بحب التكنولوجيا كنت فكرت ابيع العربية دى واجيب فابيا 2001 1400 cc واهو الفرق هيبقى مش كتير بتاع 5000 جنية وهيبقى فيها كل الانظمه دى بس المشكله اللى لقيتها بقى ان الفابيا مش منتشره يعنى الواحد هيستنى شويه حلوين كده على ما يوقع على واحده حلوه

وشكرا

**hanyreload** · 05-03-2010 05:19 PM

السلام عليكم ورحمه الله وبركاته

فى البدايه احب اشكر awaad8760 على المعلومات الحلوه دى .
ثانيا انا من راى انك اولا تغير الميكانيكى بتاعك ولو تقدر تيجى اسكندريه اولى وانا اوصفلك واحد مشهور ومتخصص فى الكاربراتير وبسهوله جدا يقدر يعملك بوابه الكربراتير البايظه الى عندك .
طيب لو متقدرش تيجى يبقى انا راى تجيب الكربراتير العادى لان العربيه حتكون متاقلمه معاه اكتر من التانى الى حيعوز تغيير جزرى فى ضفيره وتقسيمه العربيه.ولو عاوز العربيه تفرق فى السحب فعلا فيبقى بالمره تسقط مكنه 1600 واستمتع بالفارق الرهيب.