انا رايح بكرة ان شاء الله عند ميكانييكى هيغير جوان وش السلندر وهايبص على السيور هيشوف اللى هيتغير وكمان طلمبة المياة ويشوف الدنيا فيها اية وقالى هياخذ 200 جم كتير ولا لآ وشكرا واسف على الاطالة
____________________
يرجى مراعاة الدقه فى كتابة لفظ الجلاله والمشيئه
مشرف القسم
طيب هو ليه بيقاطع كدهاقتباس:
وقالى هياخذ 200 جم
قبل مايشوف الدنيا فيها أيه
حتحتاج روديه ولا لا
وهل حتغير سير كاتينه
ووووووو
يعنى المفروض ينتظر شويه فى تحديد مصنعيته
لحين معرفة حجم الشغل
جوان وش السلندر ب 25 جنية بس المصنعية هتكون عالية علشان هتاخد شغل شوية ....ولو على شغل طلع على الجوان بس مش اكتر من 100جنية
لو بقالك فترة معملتش صيانة للمحرك يبقى بالمرة تعمل الاتى وبنفس المصنعية اللى قال عليها
1 - طقم جوانات ماتور ( جوان وش السلندر - جوان فرن الشكمان - جوان غطا التكيهات )
4 - سير كاتينة وخلية يبص على الشداد بتاع الكتينة
5 - وياريت تغير بالمرة طقم كاوتش الصباب وتخلية يعملك روديه هيفرق معاك قوى
6 - وطبعا خلية يحدد حالة طلمبة المياة ولو انت مغيرتهاش من فترة غيرها بالمرة عشان تبقى مصنعية واحدة وتريح دماغك
7 - وطبعا طقم بوجيهات ngk جديد وياريت تغير سلك البوجيهات بالمرة
8 - فلتر هواء وفلتر بنزين وفلتر زيت وطبعا اكيد هتغير زيت
9 - ومتنساش تاخد معاك منظف كربراتير عشا ينظف المانفولد والبوابة وتاخد معاك جركن بنزين عشان يغسلك البلوك والاجزاء الداخلية للمحرك ويسلك المجارى الخاصة بمياة التبريد
10 - لو قالك وش السلندر هيروح للخراط ياريت تروح معاة وتشوف الخراط هيعمل اية
معلش هى عالقة بس هتتعب يوم وبعدين هترتاح فترة طويلة ولو محتاج اى مساعدة ابعتلى على الخاص
يا جماعة بجد فعلا ان مش عارف اقولكم اية فعلا ناس محترمة وموفع محترم ان بشكركم كتير -بالنسبة الى رد ا-astsaae - هل اشترى الحاجات دى الاول - واروح بيها ولا احتاجة خلية يعملة ويركبة من عندة هو بالمناسبة فى عمارات رامو خلف الشبراوى سيتى تارز وشكر خاص م-سمير عياد ولكل الاعضاء -
معلش ياباشا ممكن شرح أكتر للنقطة دية و يعني إيه روديهاقتباس:
المشاركة الأصلية كتبت بواسطة astsaae
لما يطلع رأس السلندر ويقلبها على وشهااقتباس:
بالنسبة الى رد ا-astsaae - هل اشترى الحاجات دى الاول - واروح بيها ولا احتاجة خلية يعملة ويركبة من عندة
ويشوف وضع تطبيع الصبابات على قواعدها بالرأس
حيقدر يحكم
هل أنت محتاج روديه ولا لا
ولو حتعمل روديه .....حتغير كاوتش الصباب
أما شغل منطقة الكاتينه فده حيتعمل عادى بنفس الوضع المشروح
الهدف الرئيسى من الروديهاقتباس:
المشاركة الأصلية كتبت بواسطة memoo305
هو أحكام تطبيع وغلق الصبابات على قواعد الصبابات على أماكنها برأس السلندر
وبالتالى الحفاظ على ناتج الأحتراق كاملا بعد أحتراقه داخل الغرف دون أى تفويت وهروب لبعض نواتج الحريق من مناطق حبك الصبابات على رأس السلندر الى مجمع العادم أو السحب والتأثير أيضا على كفاءة كاوتش الصبابات
وتحويله الى شغل ميكانيكى على عمود الكرنك
والأستفاده من كل الطاقه الحراريه الناتجه من أحتراق خليط الهواء والبنزين
أى رفع كفاءة المكنه
على فكرة يا باش مهندس .. حضرتك بتغريني لما أنزل إن شاء الله أروح أشيك على الصبابات عندي وأعمل روديه وأغير الجوانات .اقتباس:
المشاركة الأصلية كتبت بواسطة samirayad
بس مش عارف الليلة دي تكلف كام ؟
طقم كاوتش + روديه + جوانات + مصنعية
لا بلاشاقتباس:
المشاركة الأصلية كتبت بواسطة tompina
أحنا بنلجأ للروديه فى حالات خاصه
1- تلف كاوتش الصباب ( وده بيبان من شكل البوجيه لو كان معرق زيت على طول )
2- أنا حالل رأس السلندر لأى سبب
سير أنقطع فجأه وعوج صبابات - حغير جوان رأس وهكذا
بس طالما أنا مش حعمل شنبر وأمورى ماشيه
أسيبها ماشيه
عاوز برضه أوضح أنى ممكن أضطر أعمل روديه وأغير صبابات كمان ودلايل
لو أنا عملت أختبار كبس
وتبين أن فيه تفويت كبير من عند الصبابات
وده بيبان مع أختبار كبس المكنه
وكان واضح على المكنه الضعف والهزيان فى سحب العربيه
والله يا باش مهندس أنا عاوز أطمئن على المكنة عشان حسيت إنها (بعد ركنة شهرين) تعبانة شوية وفي صوت بيطلع لما باكبس بنزين جامد (هو ممكن يكون من عصفورة الشكمان اللي أنا مركبها) فرررررررروم !
وبحس إن في منطقة حيادية لما باكبس بنزين بعد كده الحريق بيزيد والسرعة بتعلى ببطء والاستهلاك بيعلى .
فكنت عاوز أروح لميكانيكي نكشف على الليلة ونعمل ما يلزم .
ماتشتريش حاجة الا لما هو يحتجها بالنسبة للاجزاء الداخلية للمحرك زىاقتباس:
المشاركة الأصلية كتبت بواسطة shesho
طقم جوانات ماتور ( جوان وش السلندر - جوان فرن الشكمان - جوان غطا التكيهات )
طقم كاوتش الصباب وتخلية يعملك روديه الحجات دى الميكانيكى هواللى بيحددها اما البوجيهات والفلاتر وتنظيف البوابة والمانفولد فدة انت ومزاجك
ومتنساش تاخد المياة الخضراء معاك عشان ميحطلكش مياة من الحنفية
المكنة دى عايزة مشوار محترم وتقرص على الغيارات شوية لاكن ان شاء الله مفهاش حاجة :S_thum1[1]:اقتباس:
المشاركة الأصلية كتبت بواسطة tompina
ماشي يا باشا .. إن شاء الله لما أنزل (كمان 3 شهور كده ) هافرمها !اقتباس:
المشاركة الأصلية كتبت بواسطة astsaae
انا رحت امبارح الى الميكانيكى وعمل الاتى :
1-غير جوان وش السلندر وركب واحد جديد
2-غير سير وبلى الكاتينة وغسل بالبنزين
ملاحظات :
اخذ على الليلة دى 425 جم بالبضاعة
البضاعة =135بلى الكاتينة
65 سير الكاتينة جيتز
25 جوان الوش
200 مصنعية
بدا الشغل الساعة 5.3 م خلص وقفل الساعة 8.5 م
على حسب كلامة قال ان سير الدينامو مش محتاج الى تغيير وكذلك شداد الكاتينة وايضا طلمبة المياة وقالى البوجيهات كويسة وبرضة جوان فرن الشكمان وقالى كان فى تقسيمة فى الكاتينة غلط وقال كمان ان مش محتاج تغير زيت ولا الفلتر عشان ترسيب الطحينة دة بخار فقط مش كمية كبيرة - بس فعلا قبل ما اغير سير الكاتينة كان فى اهتزاز فى الموتور دلوقت مفيش هز خالص فى الموتور يا ترى اللى فات كلة مظبوط ولا فى كلام وخصوصا بالنسبة الى الزيت
هو للاسف حط مياة من الحنفية بس انا مستنى يومين كدة اشوف اخبار التسريب اية وبعدين اروح البنزين اعمل غسيل ونظافة ومياة خضراء
كان لازم تغير شداد الكاتينة
MMamdouh
انا سألتة يا م-ممدوح وقالى مش محتاج يتغير - اية العمل؟ وهل حضرتك ليك تعليق اخر على اللى فات كلة
معنديش تعليقات تانية غير موضوع اليلية دة
MMamdouh
يعنى مغيرش زيت ولا فلتر
بص على حالة الزيت من مقاس الزيت... لو مش مطحن يبقى متغيروش و لو ناقص زودة
MMamdouh
هو فين الميكانيكى اللى عملك الشغل دة لان بدور على ميكانيكى كويس للدايو قريب من مدينة نصر
الميكانيكى دا تانى اول مرة اتعامل معاة كان من ترشيح نافع ( بتاع قطع الغيار اللى ش دمشق ) هو يعتبر كويس هو فى عمارات رامو خلف الشبراوى اللى امام سيتى ستارز
عندي نفس المشكله حاتيت مياه و العربه مش ديره تكلفه تغير جوان وش سلندر كام مع العلم انا عامل عمره من سنه
عاوز اعرف تكلفه تغير جوان وش السلندر مع العلم اني عامل عمره كامله من سنه فهل هحتاج اعمل حاجة مع تغير جوان وش السلندر