الموضوع: الزيت بعد العمرة

مادمت مرتاح مع هذا الزيت كمل عليه وربنا يسهل

لا يعلي علي الزيوت الموبيل والاقتصادي من عائلة الموبيل هو xhp ودة افضل الزيوت وعن تجربة شخصية لمدة 21سنة

انا كنت بستخدم Mobil 1 والصراحة كنت بحس انه بيخف بسرعة ويبدأ يفقد لزوجته

حاليا باستخدم زيت مصر وبغيره كل 5000 وماشي معايا زي الفل

اعتقد ان الزيوت التخليقية مناسبة لعربية جديدة موتورها لسه بخيره غير كده بيكون إهدار للمال

أهم حاجة عدم التقصير في تغييرالزيت وتغييره بشكل دوري للحفاظ على الموتور.

بعض الأخوة في المنتدى كانو بينادو بعدم تغيير الزيت وانه ممكن يقعد 15000 او اكتر ومش مهم لونه بس انا الصراحة ضد الموضوع ده، ورأي الشخصي يعني ان الزيت لما لونه يبدأ يميل للسواد معنى كده انه جمع عوادم من الموتور غيرت لونه او بدأ يتأكسد ويتغير لونه وفي كلا الحالتين ده مؤشر أن الزيت بدأ ينتهي ويلزم تغييره قريباً.

وأحسن حاجة تتبع تعليمات المانيوال بتاع العربية حتى لو قديمة.

[marq="3;up;2;alternate"]تحياتي........[/marq]

المشاركة الأصلية كتبت بواسطة aymankader

لسة عامل طقم شنبر العربية hyundai excel 1998 عاملة 147000 كم

فى التليين الان: حاطط زيت التنظيف: كالتكس العادي ب 37 جنية و مغير فلتر

بعد ال1000 كم الميكانيكى قالى حط موبيل الاسود و دة تمام و 100 100 و امشى علية مشعارف لية

انا كنت بحط قبل العمرة: شل الاصفر ولما الموتور بدأ يتعب حطيت مصر للبترول 10000 ب 50جنية تقريبا
1. مشعارف أحط اية بعد الشنبر و أقعدة قد اية مع العلم العربية سحبها بقى زى الفل و بقى الموتور كانة جديد و الحمد لله و احد قاللى حط موبيل 1 و حيشتغل معاك زى الفل

2. و طبعا للظروف الاقتصادية انا بقول مصر للبترول 10000 و يقعد لغاية 4000 كم يبقى افضل .

اية رأيكم...

انا معايا نفس العربية وبحط دايما الموبيل xhp وعايز اغير لشل عايز اخد رأيك فية ؟

الناس هنا كتير بيشكروا فى شل الاصفر و انا معايا كان بيوطى صوت الموتور بس ماكانش بيقعد معايا كتير يعنى على 3500 بيحتاج يتغير ممكن عشان العربية كان موتورها تعبان شوية
بس معروف انة افضل من xhp بتجربة ناس كتير
-
http://www.nilemotors.net/Nile/20911-a.html

المشاركة الأصلية كتبت بواسطة aymankader

الناس هنا كتير بيشكروا فى شل الاصفر و انا معايا كان بيوطى صوت الموتور بس ماكانش بيقعد معايا كتير يعنى على 3500 بيحتاج يتغير ممكن عشان العربية كان موتورها تعبان شوية
بس معروف انة افضل من xhp بتجربة ناس كتير
-
http://www.nilemotors.net/nile/20911-a.html

بس انا قريت برضة ان شل بيقلل من سحب العربية شوية ياترى الكلام دة صحيح ؟؟؟؟؟؟