المشاركة الأصلية كتبت بواسطة m000dy
اييييييييييوه كرر العمليه مرتين وانت مش هاتلاقى الردياتير اصلا
ياباشا الموضوع ده ماتعملهوش الا لو فى عربيه ردياتيرها مفيهوش لحامات ومش قديم وحضرتك ادرى بحالة ردياتير عربيتك
انا جربت الموضوع ده قبل كده فى عربيتى الاولانيه وكانتالنتيجه كالتالى
تنظيف بالميه العاديه وانا اللى عملته لقيت تسريب من الخرطوم من دخلته وكان الصدا كاتمه وربطته بافيزين عشان يبطل بعد ماطلع عينى
ماتبتش قلت هاغسله غسيل كيماوى فى البنزينه وكقد كاااااااااااااانت الصدمه
كل الخرام اللى فيه والى كان ساددها الصدا والاخرام اللى كانت بتشاور عقلها اتفتحت وبقى مصفى واضطريت اشترى واحد جديد وقتى لان العربيه ماينفعش تمشى من غير ردياتير وده فى جميع الاحواللن يتعدى معاك ال 500 جنيه ان شاء الله
فنصيحه لو مش عارف حالة الردياتير بتاعك ماتغسلوش واكتفى انك تنزل اليه المصديه كل فتره
اول ماتمسك تمن ردياتير جديد خش على البنزينه بقلب جامد واغسل الردياتير كيماوى وحط بعدها ميه خضرا وانسى بعد كده بس قبل ماتحط الميه الخضرا اتاكدان عربيتك مش بتاكل ميه ومش محتاجه تتزود كل يوم او اتنين