انا عربيتي لانوس 2009 عامله 22500 كيلو اتسعرت ب 45000 مع العلم انها كانت عمله حادث من الامام بس من غير تأثير على الموتور
ممكن حد يفيدني السعر ده كويس ولا لأ
ارجوكم:_Alshmokh23[1]:
عرض للطباعة
انا عربيتي لانوس 2009 عامله 22500 كيلو اتسعرت ب 45000 مع العلم انها كانت عمله حادث من الامام بس من غير تأثير على الموتور
ممكن حد يفيدني السعر ده كويس ولا لأ
ارجوكم:_Alshmokh23[1]:
ليه مفيش حد بيرد عليا
:_Alshmokh23[1]:
لو سمحتم حد يرد عليا
السعر ده حرام علي عربيه 2009 بعدد كيلوات قليل كده
بس ايه ظروف الحادثه واثرت علي ايه وكانت واصله لفين؟؟
لان موضوع الموتور ده مش مقياس
A.Yakout
كانت في الاكصدام وكسر الفوانيس والكبوت اترش بره وجوه
رش الكبوت من الداخل ( وبمعنى أصح )
الغرفه وتغيير الستاره الأماميه بينزل تمن العربيه كتير أوى
بسبب ثقافتنا العقيمه تجاه حوادث السيارات ( داخل المجتمع المصرى )
فلو وضع العربيه معاكى تمام فى التوجيه والقياده
فخساره أنك تبيعيها بالتمن البخس ده
طيب ممكن حد يقيمهالي لو سمجتم
:_Alshmokh23[1]:
زي ما قال لحضرتك باشمهندس سمير
العربيه كده اسمها رشت حوض (الي هوا المكان الي بيبقي فيه الموتور)
بس انا عايز افهم من حضرتك حاجه
انتي بتقولي رشت كبوت
الكبوت ده هوا غطاء المحرك بس
هل رشت كبوت بس ولا رشت حوض بالكامل؟؟؟؟؟
A.Yakout
تقييمها حيكون فى الحدود المشار اليها
ولكن يجب عدم التسرع فى عرضها للبيع
وطالما النيه موجوده للتخلص منها
يجب دراسة تقييم سعرها فى سوق العاشر مثلا
ولدى المعروضه عليهم
ووقت الساعه
سيتم قبول أكثر الأسعار تقييما
لأن دى سياسة السوق ( تجاه السيارات المستصلحه بعد الحوادث وبالذات الرشه حوض )
لالالا كبوت بس
يبقى اللى مقيمها بالسعر ده حرامى للأسف
والعربيه تجيب 55 ألف ( من وجهة نظرى )
كفايه أنها لسه بتقول
بسم الله الرحمن الرحيم
اقتباس:
انا عربيتي لانوس 2009 عامله 22500 كيلو
متهيألي السعر ده مظبوط ممكن يزيد 3آلاف
الي بيشتري منك العربيه دي بيشتغلك
غالبا وتحليلي للموقف كالتي
انتي عربيتك رشت صدر امامي وغيرتي اكصدام وفوانيس وطبعا الخبطه حصلت الكبوت فبلتالي اترش هوا كمان
عربيتك بالميت علي الحاله دي تعملها 52 لـ 53 الف
بس انا بقول علي كلامك لان في احتمال تكون راشه حوض وانتي مش وصلالك يعني ايه رش حوض والكلام ده
لان رش الحوض هيوصلها فعلا للـ 45
عموما اتاكدي من حد يكون بيفهم من قرايبك هل العربيه رشت حوض ولالا
لو مرشتش يبقي عربيتك تستاهل زي ما قلتلك 52 او 53 الف
لو راشه يبقي كده تشوفي هل تعباكي وفيها مشاكل ولا ماشيه وكويسه
لو ماشيه وكويسه خليها معاكي انتي اولي بيها لان فعلا مش هتجيب اكتر من الـ 45
وده سعر بخس جدا جدا علي عربيه موديل عالي بكيلوات قليل كده
بس هيا دي ظروف السوق ونظريتنا (كشعب مصري) تجاه تتمين اي عربيه مستعمله
A.Yakout
هي مش رشه حوض
عموما انا نتشكره لكم جميعا
افدتوني جدا
جزاكم الله كل خير:S_thum1[1]:
على فكرة أنا كنت عملت حادثة بعربيتي والكبوت اتخبط وغيرت رفرف يمين وإكصدام وفانوس يمين ومراية يمين .
عربيتي اشتريتها بـ41 ألف ولو ـ لا قدر الله ـ بعتها مش هاتنازل عن السعر اللي جبتها بيه .. لأنها معايا زادت مش نقصت
السعر زى مقال باشمهندس سمير
الموديل عالى وطالما الدواخل سليمة يبقى مافيش داعى للتسرع بالبيع .