تتخيلوا التيجو طلعت بكام هنا في السعودية؟؟؟!!!

السلام عليكم.........

من كم يوم جه على بالي أعدي على صالة عرض ماركة شيري هنا في العاصمة السعودية الرياض و أشوف كده التيجو أخبارها ايه و أتفرج عليها و أختبرها لو فيه تيست درايف من باب الفضول و نتيجة لكل الأصوات المنادية بجودة السيارة و اعتماديتها و ما الى ذلك بصراحة ملاكها عاملينلها احلى شغل و متحمسين لها جدا..........ربنا يباركلهم فيها و يبعد عنهم كل شر و حسد اللهم أمين........

المهم الفئة الوحيدة المتوفرة فل أوبشن بالكامل موتور 2400 سي سي أربعة سلندر معرفش كام حصان و جيربوكس استيب ترونك و فرامل abs و اتنين ايرباج و جنوط نفس اللي بتنزل مصر و كاسيت أم بي ثري و يو اس بي بورت و مزايا بالهبل و طبعا اسمها شيري و ليس اسبرنزا زي مصر......

الغريبة بسأل الشاب المصري اللي شغال في المعرض بكام دي قالي ب ((((50)))) ألف ريال !!!
يعني 75 ألف جنيه بالتمام و الكمال.....لا تنسوا 2400 سي سي ستيبترونك قل كامل.....!!! و مفيش تيست درايف ليها حاليا فيه بس للعربيات الصغيرة الكيو كيو و التانية اللي شكلها غلط دي أم عيون قدام مش عارف 213 باين.......

نفسي أفهم ليه بيعملوا فينا كده يعني حتى لما العربية تتجمع في مصر يصبح سعرها أغلى من المستوردة مع العلم ان توكيلات السعودية تعتمد نسب ربح متفاوته و عالية و بيدفعوا رسوم تخليص جمركي و الدليل السيارات أغلى من قطر و الأمارات !!!

و بهذه المناسبة الللطيفة أحب أهدي مصلحة الجمارك أغنية سعد الصغير الجديدة _ربنا هيأخدلي حقي_ و شكرا للجميع....................

في أمان الله..........

برغم ان فى اى مكان فى العالم بتبقى السلعه فى بلد الفرد ارخص من خارجها الا فى مصر سرقة المواطن واجب قومى
حسبنا الله ونعم الوكيل

باشا لو العربيات رخصت مش ها تلاقى طريق تمشى فيه لان الشوارع بتكون جراج احنا دلوقتى وماشيين من 10-20 كم فى الساعه وكمان سنتين السرعه صفر

انا ما قلتش ترخص زي برة بس حاجة مستفزة انه المصري 1600 سي سي و مانيوال و سعرها 83 ألف جنيه و بالحجز كمان!!!و المستوردة اهه موتور 2400 سي سي و ستبترونك تعادل 75 الف جنيه!!!
و كذلك ال2000 سي سي المصري شوف سعرها فوق ال100 ألف!!
أمال لو مش متجمعة في مصر كانت هتبقى بكام!!!ربع مليون!!

هنقول ايه بس!!عالعموم ألف شكر عالمشاركة.......

اقتباس:

---

المشاركة الأصلية كتبت بواسطة raedegypt

باشا لو العربيات رخصت مش ها تلاقى طريق تمشى فيه لان الشوارع بتكون جراج احنا دلوقتى وماشيين من 10-20 كم فى الساعه وكمان سنتين السرعه صفر

---

ياباشا مع احترامى الشديد لسيادتك بس دة كلام تضليل من الحكومة
ياعم انا عايش فى الوادى الجديد ومليش ذنب فى زحمة القاهرة ومحتاج عربية زى التيجو تنفعنى هناك
لية بقى تساوينى بمواطنين القاهرة ولاهى مصر كلهاااا القاهرة وبس:I_angr1[1]::I_angr1[1]::I_angr1[1]::I_angr1[1]:

التيجو في مصر
1600 و فتيس مانيوال ب 83000 جنيه

التيجو في السعوديه
2400 و فتيس استيبترونيك ب 75000 جنيه

و نعم البلد اللي احنا عايشين فيها :majd(4):

و ياريتها عاجبة يا شئيئ و يعتبر مجنون اللي يشتريها.....هتركب صيني وسط وحوش امريكا و اليابان و ألمانيا!!!!!منظرها مش ولا بد برضه

هنقول ايه لله الأمر من قبل و من بعد.........

على فكره ال الكروز في السعوديه ب 53 الف ريال فمعنى كده ان التيجو هناك سعرها قريب من الكروز

و معروف طبعا ان فرق الاسعار هنا عشان الجمارك و الضرايب و السرقه

دا غير فرق الاسعار دور على فرق المرتبات و الشوارع بين مصر و السعودية او مصر و اى دولة عربية .

عظيمة يا مصر

اقتباس:

---

المشاركة الأصلية كتبت بواسطة market_profile

على فكره ال الكروز في السعوديه ب 53 الف ريال فمعنى كده ان التيجو هناك سعرها قريب من الكروز

و معروف طبعا ان فرق الاسعار هنا عشان الجمارك و الضرايب و السرقه

---

الكروز المانيوال هيه اللي تبدأ من 53 الف بطاسات لكن الأوتوماتيك لسه عاملها تيست درايف من كم يوم 1800 سي سي ستبترونك جير فيه فئتين واحدة ب 57 و واحدة فل أوبشن بطارة مالتي فانكشن و سنسور ورا ب 63 ألف ريال........و الاتنين بجنوط.........و السيراتو كمان لسه شايف فئة منها هاي لاين بجنوط 16 و سمارت كي و ستبترونك و فوجات و نواكل ولكن بدون فتحة سقف كانت ب 61500 ريال و السول كانت فل أوبشن جير ستبترونك و فتحة سقف كانت ب 75 الف ريال........

شكرا لجميع الردود الطيبة من الجميع...........

انا كنت بردو هناك و الله يوم الاحد اللي فات ..... بس في الخبر .
على فكرة الشركة الاولى للسيارات اخدت توكيل الفولفو.
انا اخدت كام صورة كده بس مش عارف ارفعهم ... هحاول .

أمال الوزير إياه بتاع الجمارك و الضرايب و الذى منه يعالج عينيه فى أمريكا بمليون جنيه إزاي يعنى

اقتباس:

---

المشاركة الأصلية كتبت بواسطة ashraf229

الكروز المانيوال هيه اللي تبدأ من 53 الف بطاسات لكن الأوتوماتيك لسه عاملها تيست درايف من كم يوم 1800 سي سي ستبترونك جير فيه فئتين واحدة ب 57 و واحدة فل أوبشن بطارة مالتي فانكشن و سنسور ورا ب 63 ألف ريال........و الاتنين بجنوط.........و السيراتو كمان لسه شايف فئة منها هاي لاين بجنوط 16 و سمارت كي و ستبترونك و فوجات و نواكل ولكن بدون فتحة سقف كانت ب 61500 ريال و السول كانت فل أوبشن جير ستبترونك و فتحة سقف كانت ب 75 الف ريال........

شكرا لجميع الردود الطيبة من الجميع...........

---

الكروز المانيوال ب 106 الف جنيه في مصر على كده ابو الفتوح مش سارق اوي بس منصور مولعها

ههههههههههه

الهوندا اكورد هنا فى السعودية ب 125000 جنية
فى مصر الحبيبة ب 440000 جنية

عمار يا مصر

اقتباس:

---

المشاركة الأصلية كتبت بواسطة market_profile

الكروز المانيوال ب 106 الف جنيه في مصر على كده ابو الفتوح مش سارق اوي بس منصور مولعها

ههههههههههه

---

لأ الموضوع مش كده

الكروز المانيوال 1800 سي سي ب 53 ألف ريال يعني حوالي 79.5 ألف جنيه......الفكرة بئى انه لسه فيه جمارك و حوارات و كده ما تنساش ان دي كمان 1800.......الموضوع انه التيجو مجمعة في مصر يعني ما دفعش عليها جمارك زي المستوردين و جمارك المكونات كقطع غيار أو قطع للتجميع كسيارة أقل بكتير من استيراد السيارة ككل.......

فلما تلاقي دي تيجو مستوردة من بلدها 2400 سي سي جير ستبترونك و فل أوبشن برضه أرخص من ال 1600 مانيوال مجمعة محلي في مصر .....يبئى فعلا الناس دي بتقلبنا جامد أو ان التجميع بيتكلف أكتر من الاستيراد!!وما تنسوش وكلاء السعودية هم تقريبا الأغلى غالبا على مستوى الخليج رغم تساوي قيمة العملات الخليجية مقابل الدولار بالظبط يعني ممكن في دبي أو الكويت تلاقي العربية دي ارخص!!فيه حاجة مش مظبوطه في الموضوع و احنا مجبرين ندفع و لنا الله......:b4_611:

الموضوع فى كلمة واحدة"الفســـــــــــــــ� �ــــــــــــــــــــــــ� �ـــــــــــــــاد"

مليش دعوة بالكلام ده.......و على فكرة انا هأقول كده في التحقيق برضه.........