-
عاوز حقي .. ماليش دعوة
اولا السلام عليكم ورحمة الله وبركاته
انا كنت مسافر يوم الخميس اسكندرية ولسه راجع امبارح
وانا ماشي في حالي ومعايا الاسرة وكنت علي 90 تقريبا وكان ناقصلي حوالي 60 كيلو علي ما اوصل
والتحويلات طبعا مخلياني امشي علي مهلي
وفجاءة الطريقبقي وحش اوي
يعني تحس ان في طبقات اسفلت متشالة وحفر
ومرة واحدة لقيت حفرة قدامي جاي افديها لقيت مقطورة جاية طايرة ورايا والطريق حارتين بس وانا علي الشمال فا حاولت علي قد ما اقدر بس اخدت جزء منها مش نزلت فيها كلها
وانفجر الاطار الخلفي الي علي الشمال
واختل توازن العربية وبقيت بسيطر عليها بالعافية لحد ما اليمين فضي ورحت جاي علي الرملة الي علي الجنب علي طول وفرامل لحد ما وقفت
طبعا موقف سخيف
قولت خلا يعني اعمل ايه الحمد لله قدر ولطف
انها جت علي العجلة بس
المفاجاءة بقي اني بدور علي المفتاح الي بنفك بيه العجل مش لاقيه :Ka_che1[1]:
والكوريك بتاع الدايو ضعيف وانا واقف في الرملة فا بيغرز وخايف اجي علي الاسفلت لان المقطورات بتعدي اصلا سعات علي جزء من الرملة
فا ازاي اخاطر واقف علي الاسفلت اغير العجلة
طبعا بقيت عمال احاول اوقف اي عربية لحد ما وقفت ليا عربية ( شيفرولية الدبابة )
واداني المفتاح الكوريك وفك وركب معايا
وتمام ووصلت الحمد لله انا والاسرة تمام
اشتريت عجلة مستعملة بس نضيفة ماركة Good Year تبقي استبن بدل ما امشي كده من غير استبن ولا حاجة
والتانية البايظة ولا نفعت ببصلة لانها مقطوعة قطع كبير
المهم بقي انا حاسس اني اضربت علي قفايا جامد
انا ايه ذنبي في الي حصل دا ؟
بجد انا متغاظ اوي
ومش عارف اعمل ايه
-
ياراجل
لا قفاك ولا حاجة
انت تحمد ربنا انه محصلش اكترمن كده
-
قول الحمد لله ربنا يكفيك شر الطرق والحوادث
والف حمدا لله علي سلامتك انت والاسرة
-
الف سلامة عليك وعلى الاسرة
والحمد لله انها جت على قد كدة
-
والله انا بحمد ربنا وبشكر فضله عليا انها جت علي قد كده
دا فضل من ربنا
بس الي حصلي دا ممكن يحصل لغيري ويتلقب بيه العربية
مين هياخدله حقه
الي يقع عمود علي عربيته
مين ياخدله حقه
او هو ياخده منين
-
-
الحمد الله انك و الاسرة الكريمة بخير
و لو ركزت شوية هتلاقى ان احنا بناخد على قفانا من 30 سنة لحد ما قفانا نحس
-
الحمد لله
قضي اخف من قضي
بس الواحد مش عارف يعمل ايه لما يسمع ان عمر بن الخطاب رضي الله عنه كان بأمر بتسوية الطرق
علشان بيقول والله لو تعرقلت دابة في العراق لسئل عنها عمر
امال احنا نعمل ايه بقي
!!!!!!!!!!!!!!!!!!!!!!!!!!!!!!!!!!
-
أحمد ربنا والحمدلله أن ربنا نجاك وجت في عجله أنا من شهر العجلتين الأماميه والخلفيه اليمين أتقطعوا من حته حديده طالعه من فاصل من فواصل الكوبري اللي علي الدائري بس ربنا ستر وبعتلي ناس ولاد حلال واحد منهم كان معاه لانسر 1300 باردو وأداني الأستبن بتاعه وفضل ماشي معايا لحد ماوصلنا وأشترينا فردتين جداد بيرل 6000 ب800 جنيه الحمد الله قدر الله وماشاء فعل فعلا لسه في ناس ولاد حلال ومحترمين ربنا بيبعتهملك في الوقت المناسب الحمد لله ده بيبقي قضاء وقدر محدش له دخل فيه
-
قول ( حسبي الله ونعم الوكيل ) في المسئولين عن صيانة الطرق في مصر واكيد ربنا حيجيبلك حقك .....
Content Relevant URLs by
vBSEO 3.6.0 PL2