استفتاء راى مهم جدا لكل مالكى الماروتى

**manuel_jose** · 01-03-2010 10:13 AM

دلوقتى يا جماعه عايز راى كل واحد معاه العربية لان دلوقتى الماروتى بقى ليها اوتوماتيك يعنى بتشيل صندوق التروس وبتركب الاوتوماتيك بس الكلام ده بره التوكيل هل ده فيه مجازفة ولا ايه انا بصراحه الموضوع عاجبنى جدا لان لو ركبت الاوتوماتيك مع التكييف اعتقد كده العربية مش ناقصه حاجه تانى حاجه التكييف برده بره التوكيل بالف ومتين جنيه بس انا عايز اجازف واركب اوتوماتيك واجيب التكييف بس برده الواحد بيرجع يشك ايه اللى يخلى التكييف جوه التوكيل بتلاته ونص وبره بالف ومتين عشان كده انا عامل الاستفتاء ده وكل واحد يقول رايه هل اركب الاوتوماتيك ولا لا دى حاجه الحاجه التانية اجيب التكييف من التوكيل ولا براه واوفر الفرق الكبير ده

**Abdm** · 01-03-2010 11:14 AM

ألغى فكرة الآتوماتيك دى خالص من دماغك لأنة أقل حاجة يركب عليها 1100 سى سى الحاجة التانية مش عملى وكلة مشاكل ووجع دماغ
والناس بتفضل المانيوال عن الآوتوماتيك مع العربيات اللى تحت سعر 70000 علشان بيكون مش أقتصادى ومش عملى ولية مشاكل كتير
هو ممكن يكون كويس قوى وعملى مع العربيات العليا فوق 100000 جنية
لو عطل الآوتوماتيك العربية مش هتمشى
أنا مش عارف هو أنت جايب عربية أقتصادية وعملية علشان تعقدها وتبوظها . لو عملت كدة يبقى العربية أنتهت وأنساها وهتبقى فتحت على نفسك بيبان مقفولة كتير . ريح نفسك وكبر من موضوع الآوتوماتيك

نصيحة منطقية لو عايز عربية أتوماتيك ينصح تشتريها جاهزة لكن ما تحاولش تركبة أنت . دة غير أن السى سى بتاع العربية ضعيف علية قوى

بالنسبة للتكيف ممكن وعايز تركبة براحتك ودة يكون عند ناس متخصصة لكن ملحوظة صغيرة بيأثر شوية على سحب الموتور وبالذات جوة المدينة لكن على الطوالى ما فيش مشاكل
التكييف عايز تعملة برة التوكيل أو جوة التوكيل مش فارقة .هتفرق فقط فى تكلفتة . لكن فى ناس وشركات برة التوكيل ومتخصصة
والله المستعان

**manuel_jose** · 01-03-2010 03:13 PM

تمام يا Abdm شكرا عالكلام ده بس انا بصراحه فكرة الاوتوماتيك كانت داخلة دماغى بطريقة جامده لانها هتريح فى السواقة بطريقة فوق الوصف لان الماروتى اصلا سواقتها مفيش اسهل من كده تخيل بقى كمان اوتوماتيك بس انت قولت كلمه مهمه ان العربية اللى نازلة اتوماتيك خلقة احسن من اللى معمولها عشان كده حبيت اسال

**romeo_6887** · 01-03-2010 04:27 PM

انا موصيكش انك تعمل كده خالص
لا التكييف و لا الفتيس
هي كده كويسه

**manuel_jose** · 02-03-2010 02:33 PM

بس التكييف مهم جدا يا روميو خصوصا ان الحر هنا بقى لا يطاق والواحد مش بيسخن ده انا مش بقدر امسك الدركسيون ده غير ان السنة كلها بقت صيف تمان اشهر صيف والباقى شتا عشان كده اعتقد ان التكييف مهم جدا مش منظرة بس ضرورة فعلا حتى لو كانت ماروتى

**wsaa** · 05-03-2010 10:36 AM

الكاربتير
مخنوق فى ماشيه

**mmffor** · 05-03-2010 03:08 PM

فعلا العربيات اللي مواتيرها صغيره اللعب الكتير بيبهدلها

**abogogo** · 06-03-2010 09:26 AM

بلاش موضوع الفتيس لو عايز عربييه بالمواصفات الى في دماغك في البرادو كنشل عربية كويسة في حجم الماروتي وامكانتها وفي منها نازل اوتوماتك ومكيفه

**manuel_jose** · 07-03-2010 12:23 PM

بصوا يا جماعه انا هبداها الاول بالتكييف وبما انى بحب التجارب هجرب موضوع الاوتوماتيك بس اخلص من التكييف طلع كويس كان به ماطلعش هرجع تانى لمانيوال

**aymanay32** · 08-03-2010 09:21 PM

المشاركة الأصلية كتبت بواسطة manuel_jose

بصوا يا جماعه انا هبداها الاول بالتكييف وبما انى بحب التجارب هجرب موضوع الاوتوماتيك بس اخلص من التكييف طلع كويس كان به ماطلعش هرجع تانى لمانيوال

ابقى قولى التكلفة كام و فين المكان اللى هتركب فيه التكييف و رقم تليفونه و عنوانه انا كمان
لازم اركب تكييف للماروتى
لازم و ضرورى جدا جدا اركب تكييف
بعد ما تشوف التكاليف و فين ياريت تقوللى عشان اركب تكييف انا كمان

و لو السعر مهاود ممكن اجى معاك اركب معاك تكييف و ناخذ خصم
hdlk
ايمن
0119449863
aymanay32@yahoo.com