كله بيقوللى بلاش كورى اوتوماتيك!!!! ممكن تفيدونى

:E_braces[1]:بسم الله الرحمن الرحيم:E_braces[1]:

انا بفكر قوى فى [gdwl]الكارينز[/gdwl] او [gdwl]السيراتو[/gdwl] جميع الكماليات وناقل حركة اوتوماتيك

لكن كل ما اجيب سيرة الموضوع قدام حد يقوللى بلاش كورى اوتوماتيك بيقولو انها مش مضمونه لكن من غير اسباب اضافية.. يقولولى دور فى اليابانى احسن ..
لكن الحقيقة انا مهووس بالعربيتين دول ونفسى فيهم خاصة ان اليابانى غالى ما عدا النيسان اى نعم لكن تقفيلها مصرى والناس خايفه من الاوتوماتيك بتاعها برضه

فياريت الافادة ربنا يخليكو خاصة من الناس اللى جربتها وياحبذا لو لفترة طويلة

وشاكر ومستنى ردودكو عليا علشان بجد انا [blur]تهت[/blur]:I_angr1[1]:

ياااه الكلام دا قديم اوى

يا استاذى العزيز احنا فى 2010 والشركات الكوريه دلوقتى غير زمان

الكلام دا بقالنا سنين بنسمعه وانا مستغرب ان فى حد لسه بيقول كدا لحد يومنا هذا

انا شخصيا عمرى ماسمعت شكوى من فتيس السيراتو سواء الشكل الحالى او القديم

كذلك الكارينز

وكذلك الالنترا

ومن تجربتى الشخصيه فى عربيات بتاعتى

حاليا اوبترا 2008

وقبل كدا كيا سبكترا 2004 والنترا 98

كانوا كلهم اوتوماتيك وزى الفل

توكل على الله ماتقلقش من الحكايه دى خالص

متديش ودنك للنصائح اللي بدون تبرير.

ربنا يوفقك.

كان عندى ماتريكس 2006 اتوماتيك بصراحه حكايه مالهش حل
نعومه ايه وسحب ايه
بجد ولا تحس بنتش ولا بتاع وبعتها 120 الف كيلو والفتيس زى ما هو يادوب غيرت زيته والمصفاه على 70 الف كيلو
انسى الكلام القديم

الفكره دي ظهرت علي النوبيرا الوتوماتيك لان فعلا كان فيها مشاكل

و هي برضه اللي عملت سمعه وحشه للكوري

انا شوفت كتير من النوبيرا الاتوماتيك

ماتقلقش انا اخويا معاه فرنا 2004 اوتو وانا معايا سيراتو اوتو مفيش الكلام دا وبسم الله ما شاء الله مفيش اى مشاكل

الكلام ده .... رجعنى 10 سنين للخلف

اقتباس:

---

المشاركة الأصلية كتبت بواسطة moataz-shaheen

الفكره دي ظهرت علي النوبيرا الوتوماتيك لان فعلا كان فيها مشاكل

و هي برضه اللي عملت سمعه وحشه للكوري

---

كلام مضبوط فتيس النوبيرا هو اللى طلع السمعة دى

دي اول القصيدة يا باشا - امال لوجبت السيراتو حتسمع اية - اشعار يا باشا - لسة التقيل ورا


سيبك من الاشاعات والفتي وتوكل علي الله

شغال يا باشا ومفيش مشاكل ........
معايا اوتو 1100 و 1600 والحمد لله زي الفل

:E_braces[1]::E_braces[1]::E_braces[1]::E_braces[1]: مليون الف شكر لكل اللى ردو عليا
بجد طمنتونى قوى والله
ربنا يباركلكو
وعقبال ما تباركولى لما اجيبها بقه

مشكورين جدا جدا جدا [blur]جدا جدا جدا[/blur][blur1]جدا جدا جدا[/blur1] :rolleyes2::rolleyes2::rolleyes2:

بالنسبه حضرتك لقصه كورى ويابانى أنا سقت الانسر البومة 2006 والسيراتو 2010 والكورولا 2005 وقصدي بسقت انى كنت مالك للعربيات دى مش تجربة على الطاير وأقدر أقول لحضرتك مفيش فرق هتحس بيه بينهم أصلا. أتوكل على الله وسيبك من الفتايين :I_angr1[1]:

انا عندى النترا اوتوماتيك يقالها سنتين والحمد للة مافيش مشكلة بس انا بستعمل العربية من غير قرص
يعنى استعمال عادى

ده كان زمان و جبر

ايام فتيس الليجانزا و النوبيرا

بس خلاص بقى

انسى

يا باشا مافيش كلام من ده دلوقتي خلاص, الكلام ده كان زمان.... الكوري دلوقتي بقى غير زمان تماما...

انت دلوقتي تشتري الكوري اوتوماتيك و انت مطمن و عادي جداا و هتلاقي العربيه زي الفل و مافيش مشاكل ان شاء الله...

الفتايين بيشجعوا مصر واحنا معاهم :w6266d:shine[1]:

متسمعش كلام حد
الكارينز و السيراتو ممتازين

توكل علي الله
مشكلتنا كمصريين اننا بغباغانات
بنردد وبس
انا معايا سيراتو و كان معايا النترا و اكسنت و كورولا و فوكس
والله كلو زي الفل السيراتو متتخيرش عنهم

اقتباس:

---

المشاركة الأصلية كتبت بواسطة RUN

الفتايين بيشجعوا مصر واحنا معاهم :w6266d:shine[1]:

---

لأ مش معاهم...

بجد دي بقت حاجة تنرفز ... الناس كلها بقت عارفة كل حاجة كل حاجة ...

كنت بتكلم مع واحد برضه في نفس الموضوع... قاللي لأ لأ لأ ... شوف كل اللي بيجيب "هيدروماتيك" بيركب ياباني ... (مش عارف اية اللي جاب "هيدرو" هنا اصلاً ؟؟) و اللي بيركبوا كوري بيركبوا مانيوال... لأنه وحش و بيبوظ و و و و و و ...

طبعاً قابلت كلامه بإبتسامتي الـعريضة دي ... :shine[1]:

اتوكل علي الله يا باشا انا اي نعم السيراتو بتاعتي لسه جديدة لكني كنت راكب ماتريكس وبعتها وهيا عاملة 62000 كيلو متر وكانت تمام التمام فتيس وعفشة وموتور وكلو

ياااااااااااااه إنت رجعتني عشر سنين ورا بال topic ده بجد. أنا مش حاول حاجة بعد ماكل الناس قالت ال مفيد

توكل على الله وهات اوتوماتيك

اللي يعرف انترنت و بيخش علي مواقع و يدور و يقرا ملوش دعوه بكلام حد من الاخوة الفتايين

انت عندك الانترنت كلها بحر لف و دور و اأقرا براحتك مواقع عربي و انجليزي و شوف الناس بتقول ايه

لان الاخوة الفتايين اللي بتسألهم بيبقي اخر معلوماتهم عن العربيات هي معلومه واحدة ال 128 مفيش زيها عربيه صاج مش ورق زي بتاع الايام دي و قطع غيارها عن البقاليين اي عربيه تانيه متنفعشي

زى ما جميع الاخوه قالوا موضوع خد بالك من الكورى الاتوماتك ده انقرض تقريبا
الكورى الان منافس قوى جدا لليابانى
وعن تجربه توكل على الله ةهات كورى اتوماتك وانت مطمن مليون فى الميه ان شاء الله

كلام لا أساس له من الصحة أنا كنت سايق إلنترا 3 سنين و كان الأتوماتيك ممتاز

توكل على الله بس هات السيراتو علشان العربية دي جامدة آخر حاجة