سكودا فيفوريت

**mmmm1977eg** · 01-03-2010 11:35 AM

لو سمحتم يا رجالة عايز اعرف مميزات و عيوب سكودا فيفوريت

**crazylambada** · 02-03-2010 06:21 PM

هي نفس مميزات و عيوب الفيليشيا
تفرق في حاجات بسيطه في العفشه بس اعلى من الارض الفيفوريت
الفيلشيا اشيك من الخارج و الداخل
بس

**mmmm1977eg** · 04-03-2010 02:19 PM

المشاركة الأصلية كتبت بواسطة crazylambada

هي نفس مميزات و عيوب الفيليشيا
تفرق في حاجات بسيطه في العفشه بس اعلى من الارض الفيفوريت
الفيلشيا اشيك من الخارج و الداخل
بس

شكرا يا باشا على الرد

**شطا** · 09-08-2013 02:32 AM

معايا فيفوريت 1994 وعندى فحص أكتوبر 2013 المهم الموتور بقاله سنة كاملة بياكل منى زيت وبنزين وأوقات كنت بغير بوجيهات الميكانيكية أتفقوا على إن ده عايز طقم شمبر وممكن لما نفتح تحتاج عمرة قولت أجيب موتور إستعمال أحسن المهم بدأت من شهر فى التحضير لعمرة خفيفة للعربية عشان الفحص روحت لميكانيكى قالى العمرة أحسن أقتنعت المهم يومين وقالى موتور السكودا ألومونيا وقافش لدرجة إن المسامير مش عايزة تفك كلها وواحد منهم إتقطم والتانى عايز حوار قولتله أنا مش مستريح خلينا نغير الموتور أحسن نزلنا صلاح الدين فى إسكندرية جبن موتور أورمة فقط ب 2200 جنيه المهم فضلت العربية عنده يومين للتجربة أخدت العربية منه ركنتها الصبح قبل المغرب بصيت عالزيت لقيته مجير قالى عادى أنا غيرتلك زيت وفلتر وطبيعى عشان ركنة الموتور يبقى فيه شوايب ومطلوب منك بعد أسبوع نغير زيت تانى قولت ماشى مفيش ربع ساعة وأنا ماشى فالطريق لقيت الحرارة زادت عن النص ! وقفت بسرعة لقيت مروحة الريداتير مقطوع سلكها من جوة المنة المتبرشمة غيرت المروها بماتورها ومشيت وصلت للمكيانيكى على أساس كان فيه تقطيع وأنا ماشى قالى بص عالمية كده لقينا زيت كتير فى إربة المية ! قالى ربنا يستر ومتبقاش جوان وش سلندر ! أنا فحيرة نعالج مشكلة الموتور إللى إشتريته ده وأخليه فالعربية ولا أرجعه للى إشتريته منه وأجيب موتور تاني غيره بنفس الطريقة ولا أجيب الموتور الكامل إللى شفته بيتباع فى نص كامل وكان شكله فبريكة ؟؟؟؟ أفيدونى ربنا يجازيكم خير بسرعة

**kabo_dody** · 09-08-2013 03:09 PM

المشاركة الأصلية كتبت بواسطة شطا

معايا فيفوريت 1994 وعندى فحص أكتوبر 2013 المهم الموتور بقاله سنة كاملة بياكل منى زيت وبنزين وأوقات كنت بغير بوجيهات الميكانيكية أتفقوا على إن ده عايز طقم شمبر وممكن لما نفتح تحتاج عمرة قولت أجيب موتور إستعمال أحسن المهم بدأت من شهر فى التحضير لعمرة خفيفة للعربية عشان الفحص روحت لميكانيكى قالى العمرة أحسن أقتنعت المهم يومين وقالى موتور السكودا ألومونيا وقافش لدرجة إن المسامير مش عايزة تفك كلها وواحد منهم إتقطم والتانى عايز حوار قولتله أنا مش مستريح خلينا نغير الموتور أحسن نزلنا صلاح الدين فى إسكندرية جبن موتور أورمة فقط ب 2200 جنيه المهم فضلت العربية عنده يومين للتجربة أخدت العربية منه ركنتها الصبح قبل المغرب بصيت عالزيت لقيته مجير قالى عادى أنا غيرتلك زيت وفلتر وطبيعى عشان ركنة الموتور يبقى فيه شوايب ومطلوب منك بعد أسبوع نغير زيت تانى قولت ماشى مفيش ربع ساعة وأنا ماشى فالطريق لقيت الحرارة زادت عن النص ! وقفت بسرعة لقيت مروحة الريداتير مقطوع سلكها من جوة المنة المتبرشمة غيرت المروها بماتورها ومشيت وصلت للمكيانيكى على أساس كان فيه تقطيع وأنا ماشى قالى بص عالمية كده لقينا زيت كتير فى إربة المية ! قالى ربنا يستر ومتبقاش جوان وش سلندر ! أنا فحيرة نعالج مشكلة الموتور إللى إشتريته ده وأخليه فالعربية ولا أرجعه للى إشتريته منه وأجيب موتور تاني غيره بنفس الطريقة ولا أجيب الموتور الكامل إللى شفته بيتباع فى نص كامل وكان شكله فبريكة ؟؟؟؟ أفيدونى ربنا يجازيكم خير بسرعة

اولا علشان منظلمش الماتور والبائع الحراره عليت لحد كام
ثانيا اتاكدت انه وش سلندر ؟
لو عليت بعد 3/4 المؤشر وقربت من الاحمر يبقى وش السلندر منك
اما لو موصلتش لكده يبقى تروح ترجع الماتور وتجيب ماتور بداله وياريت يكون ماتور فليشيا موديل عالى لو فيه امكانيات لو مفيش يبقى هات ماتور النص بس عمتا البائع مش هيرجعلك الفلوس هو هيبدلك بس بماتور تانى واكبسه فى بنزينه او خده على التجربه ومتخليش الميكانيكى يفتح لو متفق على كده فى الضمان من البائع ... متابع لو فيه اى سؤال

**sakr_skoda** · 09-08-2013 07:19 PM

المشاركة الأصلية كتبت بواسطة mmmm1977eg

لو سمحتم يا رجالة عايز اعرف مميزات و عيوب سكودا فيفوريت

الفيفوريت بالنسبة لى افضل من الفليشيا من ناحية المتانة والصاج لاكن الباقى كله واحد موتور وعفشة وبيفرق طبعا الطابلوه ....

فى النهاية الفيفوريت حمالة اسيه بس تحبها تحبك واتكون متابعها واتحافظ عليها....

قطع الغيار متوفرة ورخيصة ومعمرة....

البنزين 80 بتحمد ربنا وتمشى فله بيه لسة مجربتش السولار!!!!!!!!!!

**شطا** · 10-08-2013 03:03 AM

أستاذ صقر أولا أنا عايز أشكرك على إهتمامك بالرد ربنا يرضى عنك وعننا ... بالنسبة للحرارة أنا بالظبط دورت العربية لمدة 3 دقايق ملحقتش تسخن وكنت مستعجل ومشيت مفيش بعد 10 دقايق بالدقيقة لقيتها وصلت لتقريبا 60 % من المؤشر لأنى حريص جدا وعينى عالتابلوه ديما وأنا من النوع إللى ببص كتير عالتابلوه وودنى بتفضل تلقط أى صوت غريب وكده ما علينا حالا وقفت العربية .. بالنسبة للموتور أنا النهاردة كلمت الميكانيكى بتيعى إللى جابهالى قالى عادى مش حنشتغل فيها وحنرجعهاله بغلاسة ! قولتله طيب ينفع أزود مبلغ وأجيب إللى فالنص قالى براحتك . على فكرة الماكنة إللى فالنص برده فيفوريت 1300 سى سى كاملة بس شدتنى فى شكلها إللى كأنها زيرو ! بس الناس بتقولى متثقش . كلمت واحد ميكانيكى تانى قالى إنسى الراجل يرجعهالك إنت إفتحها وظبطها وبكده تبقى عارف إيه إللى فيها . نورنى يا أستاذ صقر أنا رايح إن شاء الله يوم الإثنين الجاى صلاح الدين نجس نبض البايع ؟