محتاج رايكم يا جماعة بجد اجيب 128 ولا 205 والناس كلها بتقولي 128 ياريت تفيدوني ضروري

الموضوع ببساطة انا عايز اجيب عربية في حدود 15 الي 16
دورت مالقيتش غير 128 والناس كلها نصحتني بيها وخلاص كنت بدور علي 128 في الحدود دي
الي ان شوفت عربية 205 عجبتني اوي فسالت الناس عيها كلو خوفني منها فمش عارف اعمل ايه

انا قدامي عربيتين 205
1- موتور 1100 نايم ودي بيتكلم في 15500
2- موتور 1300 نايم بردو ودي بيتكلم في 16000

الحيرة في الموضوع ان كل الناس قالتلي العربية ها
1-تدوخك عند الميكانيكية وعلشان تصلح اي حاجة في الموتور لازم يتشال بالكامل من مكانة وده بياخد وقت وفلوس كتير وانا بشتغل من 9 الي 8 باليل فمش ها ابقي فاضي لو في اي حاجة من دي

2-تا ني حاجة بيقولي ان العربية بيعها تقيل اوي لو لتزنقت في فلوس مش ها اعرف ابيعها بسرعة

3- قطع غيارها غالية بالنسبة للفيات طبعا وصعب الحصول عليها وانك تلاقيها

اما لما بيتكلمو عن 128بيقولو انها
1- عربية قطع غيارها متوفرة ورخيصة جدا يعني مش ها تعطلك ابدا
2- اي ميكانيكي بيشتغل فيها بسهولة
3- لو حبيت تبعها هتبيعها تاني يوم وبسهولة وممكن تكسب فيها كمان

انا مش عارف اعمل ايه وبردة لازم تشوفو ظروفي ياتري لو العربية حصلها حاجة هتقرفني جنبها ولا عادي بتتصلح بسرعه ولو جيت ابيعها مش ها اعرف وها اخسر فيها جامد انا مش عارف اعمل ايه يا ريت تساعدوني علشان انا مش لاقي حل
بس بامانة انا حابب ال 205 اوي اوي بس خايف منها
ياريت تردو عليا وبسرعه ومن غير تحيز وبعقلانية علشان اعرف اخد القرار السليم

خلاصة الكلام فى الموضوع دا روح لتجار قطع الغيار فى المكان او المحافظة الى انت فيها و اسئل بنفسك على قطع الغيار
و اسئلهم على الميكانيكية الى بيشتروا منهم ورشهم فين و روح لهم الورش و اسئلهم

كل محافظة تفرق عن التانية و كل مكانيكى و خبرته

لقيت كل قطع غيارها و لقيت ميكانيكية بيفهموا فيها توكل على الله

ملقتش يبقى عليك بال128

انا هنا فى اسكندرية ال 405 كتييييييييييرة و ال 205 قليلة على عكس محافظات تانية زى القاهرة

اقتباس:

---

المشاركة الأصلية كتبت بواسطة atamim

خلاصة الكلام فى الموضوع دا روح لتجار قطع الغيار فى المكان او المحافظة الى انت فيها و اسئل بنفسك على قطع الغيار
و اسئلهم على الميكانيكية الى بيشتروا منهم ورشهم فين و روح لهم الورش و اسئلهم

كل محافظة تفرق عن التانية و كل مكانيكى و خبرته

لقيت كل قطع غيارها و لقيت ميكانيكية بيفهموا فيها توكل على الله

ملقتش يبقى عليك بال128

انا هنا فى اسكندرية ال 405 كتييييييييييرة و ال 205 قليلة على عكس محافظات تانية زى القاهرة

---

شكرا ياباشا علي الرد وعندك حق فعلا
بس لو في حد من القاهرة يديني خبرتة تبقي مفيدة جدا ليا وانا علي العموم من مدينة نصر

ايه يا جماعة فين رجالة المنتدي

شوف يا اخي انا كنت زيك كده محتار من موضوع اني اجيب 205 او 128 والكل يقول دية قطع غيارها غالية والحمد لله ربنا كرمني وجبت 205 اقولك انا والله بلاقي كل حاجتها بكل سهولة ومكانيكية كتير بيشتغلوة فيها وانا الايام دية بشد فيها وممكن اقولك علي اسعار الاشياء الية جبتها كمان بكل سهولة
مثلا فوانيس استراد سعر الفانوس 75 اشارات 35 رفارف جانبية عشان كانت الرفارف عندي مش عجباني وانا بشدها جبت الر فرف 100 اكصدام امامي 240 جديد صناعة تركي كساحة امامية 50 طقم مسعدين استراد 300 من ناحة المكانيكية عادي جدا والله عربية محترمة جدا بس للاسف الناس علي طول بتفتي من غير ماتعرف شيء 128 دية عربية بصراحة كلها مشاكل في الشاسية واعطلها كتير وكل يوم بتروح عند المكانيكي وترجع لية تاني واغلب قطع غيار ال128 مضروبة عشان كده رخيصة يعني اشتري وارمي بعد شهر بس تعمل اية للعقول المصرية الكل مش فاهم ويقول دية رحيصة

انا لسه جايب عربيه 205 من 20 يوم كده

ب 15 الف موديل 89 و موتور 1100

بصراحه حاجتها مترميه في الوكاله و قطع غيارها موجوده و زي الفل

و ميكانيكيه كتير شغالين فيها

بس فعلا الموتور الناسم مشاكله كتير لو لقيت الموتور العدل يبقي احسن بكتر و خليك في الموديلات القريبه من 89 الي فوق

شكرا يا تيسسير انته ونور علي رايكم
بس انا مش قدامي غير الموتور النايم مش لاقي العدل خالص

و كان حالتها ايه يا استاذ نور

ال 205 احسن من ال 128 فى كل حاجة
بس ال 128 تتفوق فى سرعة اعادة البيع وكبر الحجم الخارجى بس وقطع غيار رخيصة جدا بس مبتعدش
يعنى لو قطع غيار ال 205 أغلى بس فرنساوى هتعيش أضعاف اضعاف الفيات وهتكون اوفرلك
لكن ال 205 اسرع اقوى اشيك اثبت واعتمادية عالية فى السفر وشد وجرى وكلو
ومتنساش انك بتقارن بيجو بفيات يعنى لامجال للمقارنة

العربية الـ 205 دي كانت مع قريب لي وكانت ما شاء الله جميييييييييلة جداً وعفشتها ماتحسش بمطبات وكانت على الطريق جميلة جداً ولكن هو باعها من حوالي شهر ونصف وجاب جولف 2 ولحد دلوقتي بيشكر فيها جداً بس هو كان قال لي معلومة أن الموتور بتاعها كان ألامونيا مش حديد ولكن من أسفل الموتور كان في حديدة واقية لمنع احتكاك الموتور بالمطبات

بس يا جماعة هو في من الـ 205 موتور محطوط عدل مش بالعرض ولا لأ؟

لا مجال للمقارنة بينهم من حيث الماتور والعزم ال205 من حيث الاعتمادية ال205 تحط اى قطعة غيار وتنساها ومن حيث الشاسية ال 205 و من حيث الشكل ال 205 شكلها اشيك واحدث لكن لو عايز تشترى عربية تتعلم فيها وشوية وتبعها انصحك ب 128 :M_yes[1]:

السلام عليكم و رحمه الله و بركاته
فعلا ما خاب من استشار
و الناس هنا ما شاء الله قالوا الخلاصه بس انا هقولك رأيي
بص يا سيدي
كل شيء و له صفات منها الحلو و منها الوحش
بص يا سيدي بالنسبه لل128 صدقني بلا تحيز العربيه مشاكلها كتير صحيح قطع غيار متوفر و صيانه في كل مكان بس ربنا ميجعلك تحتاجلها قطع غيار سيئه غير اعتماديه ( ماركة شهر و اقلب ) العربيه نفسها تحس ماتورها و عفشتها مش متينه و تسد
و حكايه اعاده البيع يعني انت ناوي تركبها سنه و تبيع و لا عاوز عربيه تركبها و تصرف عليا و يبان عليها المصاريف ؟
و حتي يا سيدي لو البيجو اتقل من ال 128 في البيع اقولك شيء
تجيب بيجو و تريحك طول منتا راكبها و تتعبك وقت بيعها بس
و لا تجيب 128 و تطلع روحك طول منتا راكبها و تبيعها بسهوله؟؟؟؟؟


ثانيا البيجو 205 عربيه لذيذه شكلها شيك مهما قدمت بردو بيجو قطع غيار اصليه ( جديد و استيراد ) بس موجوده و متوفرة اي مليم هتصرفه عليها هيبان عليها و كمان عربيه سريعه بس عيبها انها صغيره
انت صاحب القرار بس صدقني في المجمل حتي لو عاوز عربيه تتعلم فيها او تجيبها شويه و ترميها او تبعها هات عربيه كويسه تصرف عليها يبان فيها مش عربيه زي الجردل مهما صرفت عليها بردو تحس انها مش اد كده
اسف للاطاله و اتمني ربنا يرزقك بعربيه مريحه

اقتباس:

---

المشاركة الأصلية كتبت بواسطة medo84eg

السلام عليكم و رحمه الله و بركاته
فعلا ما خاب من استشار
و الناس هنا ما شاء الله قالوا الخلاصه بس انا هقولك رأيي
بص يا سيدي
كل شيء و له صفات منها الحلو و منها الوحش
بص يا سيدي بالنسبه لل128 صدقني بلا تحيز العربيه مشاكلها كتير صحيح قطع غيار متوفر و صيانه في كل مكان بس ربنا ميجعلك تحتاجلها قطع غيار سيئه غير اعتماديه ( ماركة شهر و اقلب ) العربيه نفسها تحس ماتورها و عفشتها مش متينه و تسد
و حكايه اعاده البيع يعني انت ناوي تركبها سنه و تبيع و لا عاوز عربيه تركبها و تصرف عليا و يبان عليها المصاريف ؟
و حتي يا سيدي لو البيجو اتقل من ال 128 في البيع اقولك شيء
تجيب بيجو و تريحك طول منتا راكبها و تتعبك وقت بيعها بس
و لا تجيب 128 و تطلع روحك طول منتا راكبها و تبيعها بسهوله؟؟؟؟؟


ثانيا البيجو 205 عربيه لذيذه شكلها شيك مهما قدمت بردو بيجو قطع غيار اصليه ( جديد و استيراد ) بس موجوده و متوفرة اي مليم هتصرفه عليها هيبان عليها و كمان عربيه سريعه بس عيبها انها صغيره
انت صاحب القرار بس صدقني في المجمل حتي لو عاوز عربيه تتعلم فيها او تجيبها شويه و ترميها او تبعها هات عربيه كويسه تصرف عليها يبان فيها مش عربيه زي الجردل مهما صرفت عليها بردو تحس انها مش اد كده
اسف للاطاله و اتمني ربنا يرزقك بعربيه مريحه

---

والله يا أخي أنت جبت المفيد
أنا عن نفسي اشتريت الـ 128 لمدة 40 يوم وكانوا من أسوأ 40 يوم في حياتي برغم أن العربية كانت حالتها مقبولة ومتجنطة وكاوتشات كلها تيوبلس، وموتورها كويس، بس كانت فيها حاجة غريبة جداً كان الكوتش بيتآكل بطريقة غريبة مش عارف إزاي وحاولت أظبط زوايا ومبتظبطش ورحت لسمكري علشان يعملي زرجينة للاستعدال العجل ولم يتم تظبيطها برده ده غير ان كل شوية قطعة غيار تبوظ، زي تيل فرامل، عطل بالكربراتير لحد ما زهقت، حاجات في الشاسيه مش مظبوطة، مش عارف أركب معايا حد في الكنبة، ولو ركب معايا شخصين ورا ألاقي العربية تحك في العجل وكانت حاجة صعبة وتخنق... والحمد لله لما بعتها وركبت عربية تانية حسيت إن الـ 128 دي مش عربية تتركب خالص
لكن الـ 205 دي عشرة كويسة مع أعذ أقاربي وهي والله عربية محترمة جداً وجميلة لأبعد الحدود وأمان في كل حاجة

والله يا جماعة انا مش عارف اشكركو ازاي انتو بحد رجالة وانا ان شاء الله احتمال اجيب واحدة خلال الاسبوع دة وهعرفكو باي جديد
وعلي فكرة انتو شجعتوني واقنعتوني بدون اي تحيز وجزاكم اللة خير

ربنا يوفقك يا باشا :)

خليك طبعا فى البيجو وحجتها متوفرة كتير جدا

ربنا يوفقك بجد الناس هنا ميه ميه