السلام عليكم
كنت عاوز اعرف اية ارخص طريقة للحج غير القرعة,مش مهم الراحة و الرفاهية
يا ريت يا جماعة لو حد عندة فكرة يقولنا...و شكرا
عرض للطباعة
السلام عليكم
كنت عاوز اعرف اية ارخص طريقة للحج غير القرعة,مش مهم الراحة و الرفاهية
يا ريت يا جماعة لو حد عندة فكرة يقولنا...و شكرا
ممكن عن طريق الجمعيات بتطلعها بسعر القرعة وفيه تبع الشيخ ياسين وده مشهور اوي في الحاجات دي بيطلعها تقريبا ارخص من القرعة.
شكرا يا باشا على الرد و لو ممكن حضرتك تقوللى اعمل اية و امتى بالظبط عشان لنا ماعرفش اى جمعيات من دى وعلى فكرة انا من الجيزة(العمرانية) ربنا يجازيك خير
الله يبارك فيك يا باشا ,منتظر رد حضرتك بشدة
ممكن تطلع بفيزا عمل.
ممكن تجيب فيزا سائق ..بسعر مناسب
وتكون أرخص من القرعة
والله أعلم
شكرا يا جملعة على الاهتمام بس الحقيفة انا عاوز اروح بشكل قانونى من غير تغيير مهنة او السفر عن طريق بلد تانية و الحاجات دى
غير كدة الواحد ممكن ينام فى اى مكان و ياكل اى حاجة
أنا عارف ده كله
بابا جرب يطللع كام مرة في القرعة ..بس لم يُصبه الدور
فقرر يجدد رخصة السواقة بتاعته(كانت رخصة تالتة عملها من 32 سنة ..علشان يسافر بيها الكويت..كان مطلوب مهندس معاه رخصة سواقة..وكان عاملها للغرض ده)
روحت أنا وهوا النهاردة علشان نجددها
طبعا بعد لما عمل الكومسيون الطبي
وهيجيب عليها فيزا عمل سائق...ويسافر إن شاء الله
علشان مش عاوز يستنى القرعة تاني
علشان هوا مصمم يطلع السنة دي
فى ناس بتجيب فيزا السعوديه ب 2000 و3000 جنيه لغرض العمل فقط بدون اى عقود
بس المشكله ان انت الى حتبقى متحمل مسؤليه نفسك فى السفر والاقامه وكل حاجه
الاحسن تشوف جمعيات وتكون مضمونه تتكفل بكل حاجه
ربنا يكتبهاله إن شاء الله يا دكتور بس المشكلة إن الموضوع ده بيكون صعب انه يعرف يدخل مكة وخصوصا فى موسم الحج محدش بيعرف يدخل غير اللى معاه تصريح حج من وزارة الحج السعودية وبيكونوا مشددين قوى على الموضوع ده ودايما بيكون فى حملات تفتيش على الطريق وبيرجعوا الناس اللى معهاش تصريح حج .
ف ناس كتير بتطلع عمرة رمضان و بيستخبو هناك لحد الحج و ايلي بيسافر العمرة بيبقي عامل حسابة ع كدة و كمان السكن ايلي هيستخبي فية هناك بيبقي جاهز قبل م يسافر ل السعودية
جمعيه الشيخ ياسين مشهورة ومشهود ليها بالفاءة بس للاسف نظام قرعة برضة
أحمد باشا كمال ..
في الحقيقة مش السلطات السعودية اللي بتحرمنا، اللي بيحرمنا الحكومة المصرية اللي بتاخد 10 آلاف جنيه على كل تأشيرة بدون أي مبرر!!
بالإضافة لكدة تقنين عدد الحجاج من جانب الحكومة السعودية هدفه بالأساس تنظيم عملية الحج وتوفير الحماية والسلامة للحجاج
مش كدة ولا أيه ..
طيب حتي المقيمين في السعوديه غير السعوديين بيحجو عادي !
الناس كلها بيحجو عادي جداا ! بس الفكره في اللي بيهربو , انهم بيضرو أهل البلد , و بيضرو نفسهم و بيضرو سمعه بلدهم !
انا والدي حج من ألمانيا و كانت أسهل و "أرخص" مايكون ف الاجرائات ! المشكله عندنا مش عندهم !
طلع فيزا تجاريه
سهله
كبيرها 7000 او 8000 جنيه
ممتده ل 6 اشهر ودى احسن ميزه تروح قبل الزحمه وترجع بعد الزحمه