الموضوع: هى المواضيع الدينية مالها كدا

مش المواضيع الدينية فى المنتدى بس .

لا ده عموما اصلا الناس نسيت دينها , مبقوش يعرفوا منه غير لا اله الا الله و كده تمام ..

انا مش عايز اقول حاجات بشوفها و بسمعها يوميا لان مش ناقص حرقة دم , ده لما بقيت اقول لحد اتقى الله او بطل حاجة وحشة بتعملها , اسمع بقي التعليقات الحلوة .

انت هتعملنا عم الشيخ :) انت عايز تجيبلنا اكتئاب :) انت خنيق :) و ألـــــخ .

مفيش حد مبيعملش ذنوب مهما كان , لكن اللى بيقلل منها او يبطلها و يتقى ربنا فى كل حاجة فى حياته هيتحسن بلا شك .

القيامة قربت و زى ما معروف لن تقوم القيامة الا على شرار الخلق و العياذ بالله فبالتالى الناس لازم سلوكها يوم عن يوم يبقي للاسوء , ربنا يحفظنا .

لا الاسوا ان بقى فى اتجاه منتشر (وللاسف موجود فى بعض الاعضاء هنا) اول متفتح بقك بكلمة بسيطة عن راى الدين فى موضوع اقتصادى او سياسى تلاقيهم اتفتحوا فيك واللى يقولك اهو حنبدا بقى مبررات دينية (كانها شتمة) واللى يقولك (نفسي اناقش حد من غير ميدخل الدين فى الموضوع علشان يسكتنا)

كان الدين خلاص بقى مكانه الجامع فقط (مليش دعوة ان فى مجموعة متخلفين لا فاهمين دين ولا عارفين حاجة فى الحياة وبيحاولوا يفرضوا علينا ارائهم...مليش دعوة ان فى جهلاء تانين حافظين ومش فاهمين ...مليش دعوة ان الخطاب الدينى متاخر ...مليش دعوة ان البعض بيستخدم الدين لاغراض اخرى...)

ربنا يلهمنا الصواب جميعا

يارب اغفر للمسلمين والمسلمات الاحياء منهم والاموات

والله عندك حق

المشاركة الأصلية كتبت بواسطة ahmed samy

ثانيا : مش زي مادرش قال ان الناس نسيت دينها بالعكس في ناس تعرف اكتر من اللي بيطرح هنا

ثالثا في ناس بتغالي و ناس بتسفه في الكلام يبقى المعلومة الدينية ليها مكان صريح وواضح وموثوق وهو الكتب , امهات الكتب تحديدا و اللي كتير مننا عنده منها ما يكفيه كدليل لمعيشته

مقصدش الاعضاء و الله ده انا بتكلم بشكل عمومى بعيدا عن المنتدى .

بس الدين المعاملة , الدين النصيحة يا دوك .

ليه تبخل بنصيحة على حد غافل عن اللى بيقوله او فكرته عن شيء ما .

لما حد يقول حاجة غلط عن الدين او عنده معتقد خظأ عن حاجة معينة و يقولها و ميلاقيش حد بينصحه و كل واحد محتفظ برايه لنفسه اكيد هيقتنع بفكرته ..