الموضوع: sunny or optra??

المشاركة الأصلية كتبت بواسطة ahmed_nubira

استاذ حسام احترم رايك بشده ولكن....

النيسان بتتقفل تحت عين خبراء يابان...زى بالظيط ما المرسيدس بتتقفل تحت خباراء من المانيا....يعنى مش بتتقفل فى ورشه...وبعدين انا شايف ان النيسان مفهاش اى عيوب تقفيل....مقابلنيش اى عيب تقفيل فعلاااااا ولو كان قابلنى اى حاجه كنت هعمل حاجتين....هروح التوكيل اهزئهم بالاضافه ان هعمل موضوع هنا بالتفصيل عن العيب ولكن زى ماقلت مفيش اى حاجه غلط.....وعايز اضيف حاجه كمان...متفتكرش ان التقفيل الكورى وهمى يعنى......احنا بنقفل عربيات كويس....ومعاك فعلا ان التيل والحجات دى من المستهلاكات ومش هتفرق اوى....بس التيل اليابنى مثلا مش هيبقى زى الكورى مش هيبقى زى الالمانى...الصناعه بتفرق طبعا....
نقطه بقا ان ممكن لاقدر الله الايرباج مينفتحش وال abs ميشتغلش والكلام دة اعتقد انه ممكن يحصل فى اى عربيه....ولو فضلنا نقول الكلام دة فعلا مش هنشترى اى عربيه حتى لو كانت كاديلاك....
هو موضوع الصاج دة مش عارف مش مهم ازاى بالنسبه لحضرتك...دى نقطه مهمه جدا فى العربيه....الصاج لما يكون كويس العربيه هتكون ناشفه... مش هتطبق بسهول...وهتبقى ماسكه نفسها على الطريق اكتر....عشان كده الالمانى بيبقى ماسك نفسه مع الوقت وحتى يقلك العربيه دى صاج محترم...يعنى موضوع الصاج مهم...
تقبل تحياتى

بيتهيألى انت تتفق معايا ان التقفيل المصرى حظوظ صح ؟ عربيتك الحمد لله تمام بس فى غيرك عنده عيوب تقفيل واضحه

وبعدين الاستاذ kapci ماقالش حتى ان التقفيل المصرى زى الكورى , ياريت دا بيقول احسن كمان مع ان انا باشوف غير كدا الحقيقه

قطع الغيار اكيد فى فرق , بس مش الفرق الجامد , مع مراعاة ان سعر الاوروبى اغلى من اليابانى واليابانى اغلى من الكورى , يعنى هى هى

انا عارف ان اكيد عوامل الأمان مهمه جدا , انا بس حبيت اوضح ان الموضوع فى الاول والاخر قضاء وقدر , لان الاستاذ kapci كان بيشدد اوى على ان عوامل الامان اهم شئ ومن غيرها ماينفعش واللى بيجيب عربيه من غير عوامل امان يبقى مابيخافش على نفسه

موضوع الصاج بصراحه مايفرقش معايا

يعنى مثلا الانسر بوما صاجها انشف من الاوبترا , مابحسش بتأثير الموضوع دا على احساس السواقه , اللى بيفرق معايا الوزن الاجمالى للعربيه وابعادها وقاعدة العجلات ومقاس الجنط والكاوتش

شكرا لردك يابشمهندس

المشاركة الأصلية كتبت بواسطة kapci

استاذ حسام اوبتراوى
مع خالص تحياتى ليك فى ارائك اللى عارف ان جزء كبير منها ناتج عن امتلاكك للأوبترا ولكن انا معنديش نيسان صنى لحد دلوقت وانا بدافع عنها لأن انا بشتغل فى مجال بويات السيارات ورحت مصانع السيارات اللى فى مصر كلها من واقع مركزى كمدير بحوث وتطوير بويات السيارات فى اكبر شركة منتجة للبويات فى مصر وخلت مصنع نيسان وخلت البافارية وشفت تقفيل المرسيدس بكل فئاتها وشفت تقفيل البى ام دبليو وشفت تقفيل النيسان وبأؤكدلك ان النيسان لا تقل عنهم نهائيا وطبعا مش معناه انها زيهم لكن الخبراء الموجودين كلهم يابانيين والعمال المصريين مهرة جدا
انا مش بافع عن نيسان-مصر مقابل كوريا لكن مش ممكن نتقبل العيبة من الغريب ومانتقبلهاش من نفسنا - شركات العالم كلها فيها عيوب بما فيهم بى ام دبليو - فورد - تويوتا - هيونداى وكتير غيرهم وانت بتقول للأخ الفاضل صاحب النيسان اللى رد عليك بعدى تبقى محظوظ ان عربيتك مفيهاش عيوب- هل ده منطقى؟؟ الكوريين يا استاذ حسام مش احسن مننا فى اى شىء وده اللى لازم تعرفه كويس
النقطة التانية ان عوامل الأمان هى اهم شىء فى العربية وده صحيح لأنى كمالم للعربية يهمنى فى المقام الأول انى اتنقل من مكان لمكان وانا حاسس بالإمان فى العربية اللى راكبها ولو مش كدة كان كل واحد اشترى توك توك احسن وأوفر وميهمنيش الكماليات الفارغة زى العدادات اللى مش عارف ايه والشكل اثورى والخزعبلات دى - احنا عاوزين عربية عملية قطع غيارها متوفرة وبتعمر وصناعة محترمة وعمر ما فيه شركة كورية فى مجال السيارات تفوقت على الصناعة اليابانية اللى قربت فى مواصفاتها من المواصفات الأوروبيةوالألمانية
العمر الإفتراضى يا استاذ حسام معناه ان لو تساوت نفس ظروف الركوب بين عربيتين واحد يابانى وواحدة كورى بيبقى اليابانى اكيد اطول فى العمر ولو عاوز تتأكد من اللى بقوله بص فى الشوارع ع العربيات الكورى اللى بقالها 10 سنسن وشوف حالتها وبص ع اليابانى اللى من نفس السنة وشوف سعر دى كام ودى كام
انا مش ضد اى عربية لكن انا حصللى حادث قبل كدة وعارف يعنى ايه معاملات الأمان فى العربية وطبعا احنا متفقين ان الحذر لا يمنع القدر لكن عوامل الأمان اهم من الكماليات والأوبترا مفيهاش عوامل امان

يا استاذ kapci

يعنى بعد كل اللى قولتهولك وأثبتهولك سواء بالأرقام او المواقع او الصور او غيره

يعنى ماجبتش سيرة ان الاوبترا معايا , ولا اصلا لحد دلوقتى قولت انها أحسن من الصنى

تقول لى ان جزء كبير من ارائى ناتج عن امتلاكى للأوبترا ؟؟

لأ خالص

كل الفكره ان حضرتك عملت مقارنه مش مظبوطه وطلعت الصنى السما ونزلت الاوبترا الأرض وقولت بعض المعلومات الغير صحيحه

فانا بس حبيت اصححها مش أكتر

ثانيا مع كامل احترامى لرأيك اللى بيقول ان تقفيل النيسان لا يقل عن بى ام انا غير مقتنع بالكلام دا لان انا ليا اللى باشوفه بعينى

والكوريين فعلا أحسن مننا , وطبعا كل الشركات ليها أخطاء وعيوب بس فى حاجه اسمها نسبه

تقفيل برا نسبة الخطأ فيه أقل بكتير من تقفيل بلدنا

ثالثا عوامل الأمان انا ماختلفتش ان عوامل الأمان من أهم الحاجات فى العربيه عشان سلامة الركاب أهم حاجه

رابعا العمر الافتراضى انا قولت لحضرتك سابقا انى جربت بنفسى عربيات يابانى وكورى لفترات طويله , مش محتاج أبص لعربيات فى الشارع , وشايف ان الاتنين واحد مع المعامله الواحده

وفى النهايه عايز أقول حاجه , بس متاخدش الكلام دا على حضرتك بشكل شخصى

انا من يوم ما اشتركت فى المنتدى والغالبيه بيفضلوا الصنى عن الاوبترا

ولو حضرتك بصيت للموضوع اللى بنتناقش فيه دا هاتلاحظ ان 4 مثلا قالوا اوبترا والباقى صنى

والاغلب مابيقولش اسباب , ولو قال اسباب مابتبقاش مقنعه , يعنى بيدور على مميزات عشان يميز الصنى عن الاوبترا وخلاص

حتى قبل ما الصنى تغير شكلها وتنزل ال Abs والايرباجStandard فى كل الفئات , برضه الصنى تتفوق

يعنى الموضوع مش موضوع عوامل امان وبس

لأ الموضوع نفسى تقريبا والسبب ان العربيه يابانى

والاوبترا كورى يعنى اى كلام يعنى نوبيرا يعنى مفيش عمر افتراضى يعنى مفيش عوامل امان يعنى ........... الخ

هى طبعا اراء وتحترم وكل واحد حر فى طريقة تفكيره

بس اشمعنى لما انا اقول رأيى واقول كلام مظبوط بالدلائل , ابقى متحيز لعربيتى يا اما شغال فى التوكيل يا اما مابفهمش يا اما مركبتش الصنى , يعنى لازم اطلع كلامى مش مظبوط

والباقى عشان هما رأى الاغلبيه لازم اكيد يبقوا هما الصح

عموما انا اصلا كنت واخد قرار انى ماتكلمش عن الاوبترا تانى عشان دايما اللى يبص لكلامى بيشوفه من جهة انى معايا اوبترا ومتحيز لها وبادافع عنها

بس لما لقيت مقارنة حضرتك كان لازم أرد

مع انى عارف ان ردى دا مالوش اى لازمه بالنسبه لناس كتير , وبكره الاقى موضوع جديد بيقول صنى ولا اوبترا برضه هاتلاقى 90 واحد بيقولوا صنى بدون اسباب مقنعه

تحياتى ليك

المشاركة الأصلية كتبت بواسطة Abo.Mayyam

حسام باشا ... حبيبى

أنا بس عايز أوضح حاجة بالنسبة لعوامل الأمان ... المفروض الواحد ياخد بالأسباب ويتوكل على الله ويجيب العربية اللى فيها عوامل أمان طالما الكيزانية تسمح وكل اللى ييجي بعد كده بيبقى قضاء وقدر وربنا يسترها معانا جميعا يارب

والصاج مهم إنو يكو ناشف شوية والكلام ده فى مصر بس

ليه بقى ... عشان لو العربية إتخبطت خبطة بسيطة أو ترييحة كده وصاجها مش ولابد ... الغربية هيبقى شكلها وحش وهتضطر تخش فى قصص وحوارات بقى مع التلفيات...

بس لو العربية ضاجها ناشف شوية الصاج بيمتص الصدمة والموضوع بيبقى أحسن شوية

وصلو على النبى بقى يا رجالة وخلو الراجل يستخير ربنا وإن شاء الله ربنا هيوفقو للخير بإذن الله

ازيك يا استاذ ابو مييم :) يارب دايما تكون بخير وصحه

انا مقدرش اختلف معاك فى اهمية عوامل الأمان

بس هى فى الاول وفى الأخر وجهات نظر

وبتفرق حسب احتياجات الشخص اللى بيشترى

يعنى مثلا انا واحد من الناس

لو خيرتنى بين عربيه اوتوماتيك بدون عوامل امان وعربيه مانيوال بعوامل امان .... هاختار الاوتوماتيك

عربيه اعادة بيعها كويسه ومتخسرش كتير ومفيهاش عوامل امان وعربيه تخسر 50 60 الف وفيها عوامل امان ..... هاختار اللى مابتخسرش

ممكن اكون مش صح .... بس ليا اولويات معينه وعوامل الامان مش اولها

وصدقنى لو كانت الاوبترا فيها عوامل امان والصنى هى اللى مفيهاش

والله ناس كتير برضه هاتقول صنى طبعا

اصل دى يابانى , دى أفخم , دى معمره , والكلام دا

زى مابرضه ناس بتفضل الصنى على الجين والبيرسونا عشان الصنى يابانى

وانا واحد من الناس شايف العكس جين 2 وبيرسونا أفضل

بالنسبه لموضوع الصاج , كل العربيات الجديده صاجها ضعيف , والاوبترا صاجها زى اغلب العربيات الجديده , هو بس ضعيف وطرى فى السقف والكبوت

وبصراحه انا مش شايف ان دا سبب يخلينى افضل عربيه عن عربيه , يعنى مش معقوله الاقى عربيه فيها كل احتياجاتى ومجبهاش عشان صاجها ضعيف مثلا , واجيب واحده مش مرتاحلها ولا حاببها ولا مقتنع بيها عشان صاجها ناشف

وصلو على النبى بقى يا رجالة وخلو الراجل يستخير ربنا وإن شاء الله ربنا هيوفقو للخير بإذن الله

عليه أفضل الصلاة والسلام

انا بس كنت باقول رأيى ولو فى حاجه اتقالت غلط باوضحها

وياريت لو حد شايف حاجه فى كلامى غلط سواء على الاوبترا او الصنى ياريت يقول لى

لان خلاصة الكلام , الصنى لو بتتفوق على الاوبترا فى حاجه تتفوق بال Abs وال Air Bags

فى باقى النقاط يا الاوبترا تتفوق يا اما متساويين

شكرا لمناقشتك ياباشا