-
الاستيشن ولا السيدان؟؟!!
السلام عليكم يا وحوش
عندي سؤال محتاج فيه لخبرتكم...
أنا بفكر أجيب ميجان مستعمل بانوراما...وكنت بفكر اجيبها ستيشن...
وسؤالي هو هل فارقة شنطة الاستيشن...ولا شنطة السيدان تكفي...
مع العلم إن عندي طفلين وطبعا في السفر الشنطة بتتردم :eee:
والسؤال بشكل اخر هل السيدان تكفي الاحتياجات العائلية ام لا؟! ويا سلام لو شوية امثلة على استخدامتكم للشنطة...
وشكرا ليكم مقدما
-
لو تسمحلي كمان ازود سؤال علي سؤال حضرتك
هل فية اختلاف بين الهاتشباك الفرنساوي والسيدان التركي في اي شيء من جودة الخامات وقطع الغيار وجودة التقفيل والكماليات .
يعني انهو احسن استغنا عن الشنطة في مقابل اية ولا مش فارقة واجيب السيدان واستفيد بالشنطو لان الاتنين واحد
وشكرا ليكم مقدما
-
حلو الموضوع ده =) متابع ...
-
ايه يا جماعة...مفيش حد عنده ميجان سيدان و عنده عيلة و أطفال في المنتدى :36_3_10[1]:
-
شنطة السيدان واسعة جدا و تكفى احتياجات الأسرة بالمرتاح
و أنا شفتها بعينى شايلة 4 فرد كاوتش مقاس 16 بوصة و طبعا مقفولة تماما
و من أحد أسباب فاعلية استخدامها وجود الأذرع الهيدروليك للفتح و الغلق بدلا من وجود مفصلة كبيرة ( راجع شنطة الفلوانس مثلا و شنطة الميجان )....
ال eSTATE فرنسية الصنع....قليلة الأعداد فى البيع و المستعمل منها قليل جدا...هتتعب كتير على ما تلاقيها....و كان أثير من فترة مسألة هل التكييف كويس فى ال Estate بعد ما مساحة الصالون زادت و لا التكييف مختلف ؟؟؟....
الهاتشباك مناسبة لاحتياجاتى جدا...لكن الفارق فى المساحة بين شنطة السيدان و الهاتشباك كبير و لا يمكن إغفاله ( و لا أستطيع حمل و لا فردة كاوتش واحدة و لا 15 بوصة حتى....لكنها أفضل بكتير من شنطة البيجو ال 307 مثلا....
بالمناسبة مافيش ستائر للنوافذ فى الهاتشباك.....أعتقد موجودة فى ال estate
الهاتشباك أسرع حاجة بسيطة أوى و بالذات فى التحرك من الثبات من السيدان
عندى الدركسيون أخف من عند الوحوش إللى عندهم سيدان و جايز علشان جنوطى 15 بوصة...!!
مافيش فى الهاتشباك مكان لحقيبة إسعافات أولية :-)
Content Relevant URLs by
vBSEO 3.6.0 PL2