سكودا اوكتافيا فى مصر وعلى موقع الشركة

عند مراجعة السيارة سكودا اوكتافيا على موقع سكودا على النت السيارة نازلة tsi والجير بوكس الحديث dsg السبع سرعات هل السيارة تنزل فى مصر بنفس المواصفات وشكرا جزيلا

لا بنتزل بالفتيس القديم والماتور الـmpi القديم أيضا 1600 سى سى

شكرا على الرد ولكن الموتور الجديد والفتيس الجديد يعتبروا ثور فى عالم التقدم فى السيارات هل عند احد معلومة عن نزول الاسكودا الجديدة اقصد هل ينوى الوكيل نزول السيارة بهذه الكيفية ابتداء من العام القادم مثلا وشكرا جزيلا

معتقدش ان حد عنده معلومات وانا واحد من الناس نفسي ينزلوها بالفتيس الجديد والموتور ال tsi لانها هتبقي معادلة حلوة اوي موتور اقوي من القديم وكمان تكنولوجيا فتيس مختلفة واستهلاك البنزين هيبقي اقل

مفيش شك أنها نقلة وثورة كبييييييييييييييرة بس للأسف
مفيش نيه حاليا أنهم ينزلوه وده على لسان مهندسينهم وبتوع المبيعات عندهم

تسارع السيارة بالفتبس الاوتوماتيك الجديد اقوى من الفتيس المانيوال العادى اعتقد ان شركة اودى اول من اطلق هذا الفتيس والفتيس موجود فى سيارات الان مثل فيات برافو ويعمل فى سيات ليون منذ خمس سنوات وموجود فى السيارة بولو الجديدة والفتيس يعتبر فى نفس الوقت فتيس مانيوال و الافلام الموجودة على اليوتيوب للفتيس ال dsg تفوق الخيال فى النعومة والتسارع وانا فى نظرى ان كل انسان يملك سيارة ويريد الجديد ينتظر ان تعمم هذه التكنولوجيا فى السيارات الحديثة

http://video.google.com/videoplay?do...99378890000134

فيلم اخر على التسارع الخرافى مع النعومة فى النقل ويكفى ان يكتب احدكم على جوجل DSG وسوف يرى على اليوتيوب كم من الافلام

DSG

هل فكرته زي فتيس التيوتا mmt او الاوبل؟ لانه لو زيهم يبقي ياريت ما ينزل مصر

لا طبعا هذا الفتيس ليس مثل ال mmt اليابان حلهم كان خايب جدا لانى سقت السيارة الكورولا الفتيس الاوتوماتيك الاربع سرعات احسن من هذا الفتيس ولكن الفتيس الذى اخترعته شركة اودى وشركة فولكس فاجن ده حاجة وهم تسارع ونعومة ولا تحس بالنقلات ولا بعلو صوت الموتور بازعاج واسمه DIRECT SHIFT GEAR وعيبه هو غلو تمنه وبالتالى السيارة التى تحتوى على الفتيس غالية مثل الفولكس بولو الجديدة ب 220 الف جنيه ولكن اعتقد ان الفتيس موجود فى الفيات برافو وده سعرها يبتدى ب136 الف والامور فى جديتها غالية علشان اختراعم يعنى سامحنى فى الكلمة مثل الفياجرا كان القرص ب32 جنية وبعدين بقى بثلاتة جنيهات