كام سؤال صغيووور عن الميكانيكا .....
عندى كام سؤال عن عربيتى ( مرسيدس 200 موديل 81)
1- عندى دواسة الدبرياج (الدبرياش) عالية اوى يعنى بادوس مسافة كبيرة جدااا علشان اجيب الغيار فهل دة لية حل يعنى تبقى واطية بدل ما ارفع رجلى لفوق اوى واضغط جامد ؟
2- سعات باشوف ناس فاتحة الكبوت وبتلف مسمار معين بتظبط بية صوت الموتور بتعلية وتوطية بس انا دورت على المسمار دة عندى ومش لاقية حد يعرف هوة فيين او ازاى ؟(اقصد صوت الموتور وهوة فى السلانسية مش صوت البنزين لما يتزود)
3- الفتيس عندى كويس بس لما اجى اجيب الغيار الاول او ال r (المرشيدير) باحس ان العربية مش راضية تاخد الغيار وان فية حاجة منعاة مع انى باكون دايس كويس على الدبرياش والزيوت كلها جديدة علما بان (حلوة علما بان دى هههههه تحس انة امتحان فيزياء) الغيارت التانية كويسة جدااا والr فوق الاول بالسوستة ومش كل مرة بتحصل الحركة دى سعات بتاخد الاول بسهولة جدااا وسعات بتستهبل ؟؟؟ حد عندة فكرة ؟
4- اة ...العربية 2000 سىسى بس السحب عندى ضعيف مع ان فلاتر البنزين والهواء والزيت جداد حد عندة فكرة؟
5- ماتعرفوش لو حبيت اربط العفشة هادفع كام للميكانيكى (لانة ماليش فى الماليات اوى )
معلش طولت عليكم بس فيكم الخير
