اخر تعديل لجلب مقصات النوبيرا
الاول انا معرفش ان كان حد فيكم يعرف التعديل دة ولا لأ
بس بناء على انى مسمعتش الكلام دة قبل كدة فى المنتدى قولت افيدكم وانقلكم الموضوع بعد ما سمعت وشوفت بعينى.
دلوقتى زى ما كلنا متفقين ان عيب النوبيرا جلب المقصات ومفيش غير جديد واستعمال وجلب والجلب مضروبة
وكان الحل المقصات الاسبانى اللى بتركب للنوبيرا ثمنها غالى بس بيقضى على المشكلة ب 400 ل 450ج ( وانا عن نفسى مركبها عندى وتمام الحمد لله).
المهم النهاردة كنت عند الميكانيكى عشان كان فية تنقيط زيت وتم معالجة الموضوع بتأكيد الربط على الكارتيرة
كان فية واحد جاى يغير مقص وعارف ان الجلب فى السوق بايظة فا بيسأل اجيب جديد ولا استعمال الميكانيكى قالة لادة ولادة هنجيب جلب بس نظيفة , هتجيب جلبتين تويوتا عيون وجلبتين نوبيرا صغيرين .
جلب التويوتا العيون من مكان تثبيتهم ضعف جلب النوبيرا فا بيتشال منهم الزيادة بصفيحة منشار ويركبوا فى المقص ونركب الجلب الصغيرة اللى هما بتوع النوبيرا ونركب المقص وخلاص على كدة.(ملحوظة الميكانيكى شغال ميكانيكا وحداد عافشة)
سألت الميكانيكى على التعديل دة قالى انا شغال بية من زمان وكل اللى بيجيلى على مقص بعملة كدة والحمد لله محدش اشتكى من حاجة .
اية رأيكم واية رأى الخبراء بالموضوع دة