عاوز اجيب فرش للكراسي

**dr.hany** · 01-03-2010 07:31 PM

انا عاوز اجيبه طقم جلد.ياترى تنصحونى بنوع معقول ايه , وتمنه كام ومصنعيته كام.

**محمد الشامي** · 01-03-2010 08:34 PM

المشاركة الأصلية كتبت بواسطة goldenfish7

انا عاوز اجيبه طقم جلد.ياترى تنصحونى بنوع معقول ايه , وتمنه كام ومصنعيته كام.

طيب ليه طقم جلد يا اخي ؟ الجلد في الصيف هيجننك وكمان مع الوقت الجلد نفسه بيبوظ بيتهيألي مهما كان نوعه غالي ؟

**zocor742** · 01-03-2010 08:47 PM

المشاركة الأصلية كتبت بواسطة mohammad_alshamy

طيب ليه طقم جلد يا اخي ؟ الجلد في الصيف هيجننك وكمان مع الوقت الجلد نفسه بيبوظ بيتهيألي مهما كان نوعه غالي ؟

مع حضرتك فى اللى بتقولة بس بردو من مميزات الفرش الجلد
سهولة التنظيف وشكلة شيك وموضوع الصيف والسخونية لو جبت عراقة هتقضى على المشكلة دى
لو استقريت على الجلد اعملة عمولة عند سروجى نظيف احسلك عشان يطبع على الكراسى

**ahmed_sharkawy** · 01-03-2010 09:05 PM

المشاركة الأصلية كتبت بواسطة zocor742

مع حضرتك فى اللى بتقولة بس بردو من مميزات الفرش الجلد
سهولة التنظيف وشكلة شيك وموضوع الصيف والسخونية لو جبت عراقة هتقضى على المشكلة دى
لو استقريت على الجلد اعملة عمولة عند سروجى نظيف احسلك عشان يطبع على الكراسى

لو لقيت حد ابقى قول لانى عاوز اعمل واحد جلد طبيعى بس يكون عمولة وانا معاك فى اللبتقولة

**Oushy** · 01-03-2010 11:45 PM

النهارده كنت عند دوس الي في مصر الجديده قدام أشرف فرغلي فا كنت بسأل عندو علي كسوه جلد لعربيه واحد صاحبي فا قالي في الجاهز بيبدأ من 350 لحد 450

وفي التفصيل علي قد كراسي عربيتك بالظبط ويتشد شده محترمه في جلد من 650 وفي جلد تاني خامته اتخن شويه بيبدأ من 850 وبياخد مقاس الكراسي وتسبلو يوم يفصل وتجيلو تركب بس أنا الصراحه شايفو غالي بس أسمع ان شغلو كويس ممكن حضرتك تروح عندو وتتفرج بنفسك

**ahmed_sharkawy** · 02-03-2010 09:50 AM

المشاركة الأصلية كتبت بواسطة oushy

النهارده كنت عند دوس الي في مصر الجديده قدام أشرف فرغلي فا كنت بسأل عندو علي كسوه جلد لعربيه واحد صاحبي فا قالي في الجاهز بيبدأ من 350 لحد 450

وفي التفصيل علي قد كراسي عربيتك بالظبط ويتشد شده محترمه في جلد من 650 وفي جلد تاني خامته اتخن شويه بيبدأ من 850 وبياخد مقاس الكراسي وتسبلو يوم يفصل وتجيلو تركب بس أنا الصراحه شايفو غالي بس أسمع ان شغلو كويس ممكن حضرتك تروح عندو وتتفرج بنفسك

شكرا جزيلا اخى الفاضل على اهتمامك
كان ليا بعض الاستفسارات هى الجلد دة طبيعى والمهم انه صناعه اية لانى لاقيت على المنتدى دة محل فى مدينة نصر منزل كذا تشكيلة جلد المانى بيقول انه طبيعى تفصيل بردوا للعربية
النوع الاول بعد الخصم لون واحد 850 ولونين 1000 وكمان فى نوع تالت 1300 بس الصورة اللى كانت موجودة تحفة لو حبيت تعرف العنوان قولى وكمان التفصيل والتركيب فى اربع ساعات وانت واقف بس كنت عاوز اوصل لكذا محل علشان نقدر نقارن فى الاسعار والخامات واحسنهم نعمل عندة ولو كدة ممكن نشوف ونعمل احنا الاتنين مع بعض اهو ممكن يعمل لينا خصم حلو لما يلاقى عربيتين هايعملوا الفرش

**maka** · 02-03-2010 10:48 AM

عليك و على اسبير كار

**FunnyMickey** · 02-03-2010 12:26 PM

المشاركة الأصلية كتبت بواسطة ahmed_sharkawy

شكرا جزيلا اخى الفاضل على اهتمامك
كان ليا بعض الاستفسارات هى الجلد دة طبيعى والمهم انه صناعه اية لانى لاقيت على المنتدى دة محل فى مدينة نصر منزل كذا تشكيلة جلد المانى بيقول انه طبيعى تفصيل بردوا للعربية
النوع الاول بعد الخصم لون واحد 850 ولونين 1000 وكمان فى نوع تالت 1300 بس الصورة اللى كانت موجودة تحفة لو حبيت تعرف العنوان قولى وكمان التفصيل والتركيب فى اربع ساعات وانت واقف بس كنت عاوز اوصل لكذا محل علشان نقدر نقارن فى الاسعار والخامات واحسنهم نعمل عندة ولو كدة ممكن نشوف ونعمل احنا الاتنين مع بعض اهو ممكن يعمل لينا خصم حلو لما يلاقى عربيتين هايعملوا الفرش

انا علي فكره عامل الفرش بتاعي في سبير كار
وام جيت اسأله علي الطبيعي

قاللي يعمل حوالي 2000 جنيه

كل اللي بيشتغلوا بيه صناعي
وانا عامله تفصيل ب650 جنيه
وشكله تحفه
بس بتسيبله العربيه يوم
وقبلها تفصيل حوالي 4 ايام

وكنت سمعت بردو عن محل اسمه جينز كار في شارع الطيران في مدينه نصر
بس ده انا مجربتش شغله صراحه