هو ليه مافيش و لا سيريون في شوارع القاهرة؟

**OlaOsman** · 01-02-2008 08:03 PM

دلوقتي بقيت أشوفها بصورة شبه منتظمة كل يوم تقريبا في أماكن متفرقة.. شكلها ابتدت تنتشر بالفعل :)

**MoToRiZeR** · 02-02-2008 12:50 AM

شارعنا بقي فيه اتنين سيريون .. واحد في عمارة تانية اشتري سيريون سماوي Xl برده
هي احسن حاجة في عدم انتشارها ان اما حد يعرفني في المنطقة بيشوف سيريون لونها احمر ماشية بيعرف انه انا

**OlaOsman** · 02-02-2008 12:57 AM

هو المنتشر من ألوانها الأخضر البستاج.. اللي في الصورة عندي تحت.. و السماوي شفت منه واحدة.. انما الأحمر على جماله مش منتشر اوي.. و النبيتي برضه فيها تحفة اوي :)

**MoToRiZeR** · 02-02-2008 01:39 AM

فعلا النبيتي بتاعها لون حلو .. انا كنت هجيبه لولا اني بحب الالوان الصاحية

يعني اللي كان عاجبني (الاخضر - السماوي - الاحمر) من غير ترتيب .. و كان عاجبني النبيتي لأنه شيك اوي بس قلت اجيب اللي متفق مع ذوقي احسن

**eng_mkhalaf** · 03-02-2008 10:59 AM

:-) أول مرة اشوف موضوع أسمة شفتها أو ما شوفتهاشى - على العموم العربية دية غالية على الفاضى ومش عايز حد يزعل أنا بقول رأى وممكن يكون غلط بس أنا لو معايا سعرها كنت جيبت حاجات تانية أنا شايفها أفضل

**أبو عبدالله** · 03-02-2008 01:39 PM

المشاركة الأصلية كتبت بواسطة eng_mkhalaf

:-) أول مرة اشوف موضوع أسمة شفتها أو ما شوفتهاشى - على العموم العربية دية غالية على الفاضى ومش عايز حد يزعل أنا بقول رأى وممكن يكون غلط بس أنا لو معايا سعرها كنت جيبت حاجات تانية أنا شايفها أفضل

مسالة ان حضرتك يا بشمهندس مش عاجباه دي شئ وانك تقول انها غاليه دي شئ تاني
العربيه ارخص عربيه ياباني 1300 سي سي موجوده في السوق كله وارخص قطع غيار ياباني في السوق ايضا كمجمل وليس كقطع معينه

فأنت لا ترى انها مناسبة لك ولكن هناك من يرى انها مناسبه له بالسعر ده
كل واحد وله احتياجاته وما يهتم به
فمش معنى اني شايف ان المرسيدس مش ملبيه لأحتياجاتي اني اقول عليها غاليه

**LUX** · 03-02-2008 02:01 PM

انا شفتها 3 او4مرات بس و كانت نبيتي

و كانت حلوة اوووووووي :D
__________

**eng_mkhalaf** · 03-02-2008 02:04 PM

مع أحترامى لكلام حضرتك بس أنا شايف أن بتمنها ممكن أجيب حاجة أحسن من وجهة نظرى - ومسألة أنها أرخص حاجة فى اليابانى فدة بيدل على أنها أسوائهم - طب ما الأنسر فى نفس سعرها وأنا شايفها عملية عنها بكتير - وكان كلامى واضح هية غالية علشان كدة مش عجبانى لكن لو سعرها نزل حبة كانت هتبقى جامدة - لأن متنساشى أن السعر مقابل الجودة هو دة الحكم النهائى ومش معنى أنها غالية تبقى كويسة والعكس صحيح - وشكرا للرد
ومن الواضح أن عدم أنتشارها يا أما يدل على عدم وعى الناس أو عدم قبول العربية وأنا هسيب الحكم ليك

**أبو عبدالله** · 03-02-2008 02:22 PM

طيب والتقرير ده اقول عليه ايه لما هيا اسوأهم

**أبو عبدالله** · 03-02-2008 02:37 PM

المشاركة الأصلية كتبت بواسطة eng_mkhalaf

مع أحترامى لكلام حضرتك بس أنا شايف أن بتمنها ممكن أجيب حاجة أحسن من وجهة نظرى - ومسألة أنها أرخص حاجة فى اليابانى فدة بيدل على أنها أسوائهم - طب ما الأنسر فى نفس سعرها وأنا شايفها عملية عنها بكتير - وكان كلامى واضح هية غالية علشان كدة مش عجبانى لكن لو سعرها نزل حبة كانت هتبقى جامدة - لأن متنساشى أن السعر مقابل الجودة هو دة الحكم النهائى ومش معنى أنها غالية تبقى كويسة والعكس صحيح - وشكرا للرد
ومن الواضح أن عدم أنتشارها يا أما يدل على عدم وعى الناس أو عدم قبول العربية وأنا هسيب الحكم ليك

أولا انا لسه على راي انها ليست غاليه وانا لم اقل انها غاليه علشان كده تبقى كويسه

اما عن انتشارها فأنا ان العربيه خلال سنه ونص اتباع منها عدد كبير جدا
صحيح لا يقارن ببعض العربيات السيدان ولكن لا تنسى انها عربيه هاتشباك وليست سيدان لأن مبيعات الهاتشباك دائما اقل بكثير عن السيدان ولا تقارن بها

ومتهيالي اني طول ما انا في القاهرة شايفها امام عيني راحه جايه
اما في المنصوره عندنا فهيا موجوده كل ما تنزل الشارع

انا شايف بس تحامل زايد لأن العربيه موجوده في الشوارع بوضوح وبتقارن بالسيدان وهذا من الخطأ

وبذلك انا ارى ان العربيه اتباع منها عدد كبير مقارنة بان هيا نازله من سه ونص
وكمان الوكيل القديم كان مموتها خالص يعني بمعنى اخر العربيه عملت لها سوق جديد في سنه ونص ومسمعناش ان علبة الدركسيون فيها مش عارف ايه ولا العربيه مش عارف بتعمل ايه ولا حاجه من كده

انا نفسي بس نبقى ندي لكل حاجه حقها مش اكتر ولا نتحامل بهذا الشكل بدون موضوعيه
ولازلت اقول لك
العربيه اقل سعر لعربيه 1300 سي سي معموله ومتقفله بأيدي يابانيه
وده له ناسه حتى لو غاليه فكل واحد حر
في واحد بيحب يشتري عربيه متقفله ياباني ووواحد متفرقشي معاه
اما اني اقوله لأ كده غالي فده سعر بيحدد السوق العالمي
والعربيه على فكره لو شوفت سعرها في اوروبا هتلاقيه اغلى من هنا والفرق الوحيد في عدد الوسائد الهوائية فقط
وشكرا

الموضوع: هو ليه مافيش و لا سيريون في شوارع القاهرة؟

LinkBack

أدوات الموضوع

عرض

-

-

-

-

-

-

-

المواضيع المتشابهه

دودج رام اخبارها اية مع المرور في شوارع القاهرة؟؟

تاكسي لندن يسير في شوارع القاهرة

الركن في شوارع القاهرة واسكندرية

اسكندرانى فى شوارع القاهرة

الكلمات الدلالية لهذا الموضوع

المفضلات

المفضلات

ضوابط المشاركة