السلام عليكم أنا رحت الناهردة منصور الفي ال طيران عشان بدور على عربية المهم لقت الاسترا be-135 000 والكورسة high line be-133 مع العلم إن الكورسة طلعت تقريبا نفس واسع الالسترة بس فيها فتحت سقف وجنوت 17 وطرة ملتي function إيه رايكم من أحسن ؟ أنا محتار قوي الاتنين كل واحدة فيها مميزات عن التانية يعني الاسترا فيها el-start engine وكايسم بحسها ليها برستيج عن الكرسه بس عيبها إن الشكل هيتغير في في آخر السنادي في حين الكورسة لسة الشك ده جديد أنا محتار قوي ياريت تسعدني ولكم جزيل الشكر
وعليكم السلام ورحمه الله وبركاته
باشا اولا الاسترا اللى شوفتها عند منصور دي مش موديل السنه وبعدين الشكل الجديد دا نزل من ال 2009 بس منصور مش عارف ينزلها عشان غاليها اوي ومش ح يعرف يلعب بيها زي باقي العربيات عشان دي الماني مش اسباني ولا غيرو
وحكايه الكورسه اللى شوفتها دي سعرها مبالغ بي عشان دي مش موديل 2010 دي موديل ال 2008 ويمكن 7 كمااان فا حضرتك بتقارن بفئتين مش فئه وحده
فالنصيحه لو عجبك الاسترا اللى هيا موديل 2008 او الموديل اللى قبلي مش 2010 ممكن تختاره هيا حلوه اوي بس مش موديل السنه دي
رأيى الشخصى الأشترا .. موتور أقوى .. شكل أحلى .. منتشرة نوعا ما و غالبا الكورسا دى منصور هيخللها جنبه طالما هو منزلها بسعر مبالغ فيه كده و على فكرة الشكل الجديد بتاع الأسترا لما هينزل هتبقى غالية قوى و الله أعلم ممكن توصل لـ 190 ألف
على العموم شوف ايه يناسبك أكتر و صلى استخارة و ربنا يوفقك
أخوك محمد عبود:ma:
تمااام يا محمد باشا
بس االاسترا 2010 سعرهاا ح يكون اعلى من كدا دي اقل فئه بيها ب 210 تقريبا الى 250 الف
شكرا بجد حضرتك أفدتني جدا بس معلش كمان سؤال الاسترا ولا فرد فوكوس أنا عارف إن ده مش منتدى فرد بس في ناس بتقولي الفوكس أحسن من السترة يا رطة تقولي رأي حضرتكاقتباس:
المشاركة الأصلية كتبت بواسطة n.a.j.d
شكرا يا أستاذ محمد على ردك وهي فعلا الكورسة مبالغ في سعرها قوياقتباس:
المشاركة الأصلية كتبت بواسطة midozot
عايز رايي لو حضرتك خارج مصر كان بقولك اوبل بس ف مصر بنصحك تبعد عن منصور مش اوبل
الفورد فوكس الصراحه شكله مش عاجبني ومش بحبه بس دورع حاجه الماني
ممكن تشوف الفلوكس جولف او بولو
الأسترا اشد من الكورسا
خليك فى الاسترا ودى وجهة نظر
طيب يا باشا ما تشوف السيات ليون - الكيا سيراتو كوبيه - فيات برافو - مازدا 3
هتلاقى كل العربيات دى ف نفس السعر تقريبا
شوف كده و قول لنا هتعمل ايه و ربنا يوفقك
خليك مع الماني احسن
أنا رأيي الاسترا أحسن
السلام عليكم
موضوع إن الاسترا و الكورسا موديل قديم، الكلام دة في بلد برة مصر لكن هنا في مصر والوكيل بتاع العربية، بينزلها موديل السنة وتوقيت الافراج الجمركي عليها يعني ممكن بعض الناس عرفة إن في أشكال جديدة من الاسترا بس مش لازم تنزل دلوقتي عندنا ممكن تنزل في ٢٠١١ أو ٢٠١٢ فاكيد التوكيل حيفضل يكمل بالاسترا اللي هي موجودة عندنا وتفضل تنزل موديل السنة، زي ماطول عمر منصور بيعمل ومثل تاني زي الانسر ومازدا ٣ وأكيد في حاجات تانية بس أنا مش فاكر دلوقتي.
نهاية الموضوع انها موديل السنة والرخصة حيتكتب فيها ٢٠١٠ . والله منصور نزل الشكل الجديد في ٢٠١١، حتفضل دي موديل ٢٠١٠. إنت عجبك الموضوع كدة خلاص خير وبركة اشتري، مش عجبك. ممكن تشوف فيات برافو أو جراند بونتو، سكودا ميني فابيا، أنا أعتقد إن دوول في نفس السعر اللي معاك. الفورد فوكس هاتشباك شكلها جامد جداً وأعتقد التوكيل كويس عشان أنا كنت حجبها قبل عربيتي.
استرا ولا كورسا، دي حاجة ترجع ليك ، بس شايف إن الكورسا سعرها عالي شوية بالنسبة انها كورسا وشكلها حلو بس مش واو يعني. يعني كتصميم أنا شايف إن ميني فابيا وجراند بونتو أشد بكتير وأكيد إنت حتحافظ عليها.
هي العربية الحضرتك بتقول عليها دي كويسة بس أنا مش بحب الcerrato عشان مش بستريح للكوري بالنسبة سيت ال;ليون في ناس بتشكرلي فيها بس مش عارف حاسس إني مستريح للاسترا قوي أما المزدا 3 دي عربية تحفة بس عيبها إن ملهاش وكيلاقتباس:
المشاركة الأصلية كتبت بواسطة Midozot
أنا بصراحة عجبني الاسترا كفاية إنها الماني وفيها options كويسة هي كان نقصها جنوت 17 بس مش مشكلة ممكن اغير الجنوتاقتباس:
المشاركة الأصلية كتبت بواسطة Moustafa_Farouk
أنا برده بأقول كده :verygood:اقتباس:
المشاركة الأصلية كتبت بواسطة N.a.j.d
خلاص أنا قررت استرا إن شاء الله بس أصلي صلاة استخارة وربنا يسهل ادعولياقتباس:
المشاركة الأصلية كتبت بواسطة ohw27
أمال فين تخفيض الجمارك 10 % على العربيات الأوروبى
بس بالنسبة للإختيار فأختار الأسترا عشان الكورسا سعرها عالى جدا
تمااام وربنا يوفقك ف الاختيار الصح
يا جماعه منصور نزل كورسا موديل ال 2008 دي مشكله
وفوق كل دا رفع سعرها اوي بحجه انها الماني ودي المصيبه التانيه
الكورسا اللى شوفتوها ف المعرض تحتلف عن الكورسا 2010 خاالص محدش يبص عليها نصيحه
يا باشا المازدا خلاص خادها غبور و هيبدأ ان شاء الله ينزلها من آخر السنة دى و قالوا هيضمنوا العربيات الموجودة مقابل مبلغ بسيطاقتباس:
المشاركة الأصلية كتبت بواسطة a_abulnasr
عربية تحفة و الله
طبعا في اجماع علي الاسترا.. و بصراحة اختيار موفق جدا..
و المازدا فعلا محمد بك عبود جاب المفيد..
بس انا عندي استفسار..
الاسترا الكاملة الانجوي تمنها بقي 135؟؟!!!!!!!!!!!!! ولا الاسنشيا هي اللي سعرها كده؟
الله ينور يا علاوي باشا
السلام عليكم ورحمة الله
بانسبة لموضوع أسترا ولا كورسا فطبعاً مافيش وجه مقارنة أساساً الأراءوالترشيحات والمواصفات وكل حاجة بتقول أسترا جه لو إنت عايز الألمانى
إنما لو إنت بتفكر فى غير الألمانى فعندك ال سيات وال فيات عربيات أوبشنز عالية جداً وأسعار قريبة من الأسترا
أخوك فى الله هانى
فعلاً فيات بالذات فجرت قوى
البرافو بصراحة بهرتني لما اتفرجت عليها.. و كل ده من غير ما اسوقها لسة..!!
والله أنا مش عارف هي الانجوي ولا الاسنشيا بس هي فيها جنوت 15 ومريت كهربا وشاشة كمبيوتر we-sport drive و start engineاقتباس:
المشاركة الأصلية كتبت بواسطة Ahmad Allawy
يا جماعه أنا محتاج رايكم في ناس بتقولي الاسترا رخصت عشان فيها عيوب !! :majd(4): ياريت لو حد معاه العربية يقولي إيه رأيه فيها
دي يا باشا الانجوي..
و حاجة جميلة جدا انها بقت بالسعر ده..
شوف بقي.ز اللي بيقولك رخصت عشان فيها عيوب يبقي مش فاهم السوق ماشية ازاي..
لو حضرتك تاخد بالك ان الجولف 5 في اواخر ايامها كانت بتتباع في التوكيل ب 145 الف جنيه.. ليه عشان شكل قديم.. و نازل عليه شكل جديد.. و التوكيل عايز يخلص الاستوك اللي عنده..
عادي يعني.. الاسترا دي انتهت تماما برة مصر من موديل 2009 اعتقد.. و منصور عايز ينزل بالشكل الجديد تقريبا علي 2011..
عادي ماهو عامل كده في الفيكترا عشان يخلص الاستوك بتاعها لحد دلوقتي.. وصل تمنها ل 140 الف جنيه.. الايزي ترونيك.. بس عشان موديل 2008.. مينفعش تقعد عنده اكتر من كده..
توكل علي الله.. و اشتري.. ولو اني متوقع انها ترخص تاني عن كده.. و تبقي بتتباع برة التوكيل ب 125 الف مثلا.. بس عشان مفيش حاجة مضمونة.. لو انت نويت استخير و توكل علي الله..
اختيار صائب جدا..
شكرا ياباش إنت ريحتني إن شاء الله حصلي استخارة وربنا يكرم , وحتت إنها ممكن ترخص تاني عن كده متهيألي صعب تبقى ارخص من الكورسة ولو إن كل شيء وارد في مصر :w6266dاقتباس:
المشاركة الأصلية كتبت بواسطة Ahmad Allawy
حكايه العيوب دي ورخصت مفيش الكلامم دا العيب مش من العربيه العيب ف الوكيل نفسه هوا اللى بطلع العيب دا فيها ودا معروف عن منصور واللاعيبه
السلام عليكم ورحمة اللهاقتباس:
المشاركة الأصلية كتبت بواسطة ahmad allawy
دة فى بقى ياباشا البونتو إيفو ودى نازلة قريب حاجة كدة وهم
موتور جبار تقريباً 124 حصان وتكنولوجى عالية جداً أنا بصراحة مستنيها تنزل لأنى كنت ناوى على الجراند بونتو وبعدين لما شوفت الإيفو غيرت رأيى تماماً
بس اللى مقلقنى منها أوماترا توكيل فاشل بمعنى الكلمة دة ياراجل مالهموش ويب سيت
ولا توكيل فى الإسكندرية يادوب معرض بيع على قد حاله فى سيدى بشر
و الصيانة هنا مع الطارق وما أدراك من هو ا لطارق
الله المستعان
أخوك فى الله هانى