الديسك ؤقفش في الاسطوانه ومش عايز يسيبها

النهارده وانا راجع من القاهره حسيت بتقل في فتيس العربيه وعلي ما وصلت البيت وصلت لمرحلة ان مفيش غيارات قادر اخدها اتصلت بالميكانيكي وجالي الحمد لله كنت وصلت بلبيس وقاللي ان الديسك قافش وهيحتاج يتحل واحتمال كبير يتغير
العربيه بايته عنده وهيبتدي شغل من الصبح
الدلوقتي الحاله ان العربيه ما بتقبلشي غيارات لازم ابطل العربيه واديها اول او تاني واطلع علي طول وعلشان اوقف العربيه لازم ابطل الموتور
يعني مفيش فصل حركه نهائي وير الدبرياج سليم وشغال
لما اخلص شغل انا والميكانيكي هبقي احكيلكم علي اللي حصل معايا
ادعولي ربنا يجيب العواقب سليمه يارب

باذن الله العواقب سليمة

انا حصل لي نفس الموقف ده بالضبط من كام يوم في البيجو الـ 205

بس دواسة الدبرياج كانت وطيت أوي ,, و العربية مش عايزة تنقل ,, لآزم أبطل و أنقل و بعد كده أدور و أمشي

عليت دواسة الدبرياج بأيدي و العملية أتحلت الحمدلله

إن شاء الله تتطلع العملية بسيطة ولا تحتاج أنك تغير طقم الدبرياج .

تم حل الاسطوانه والديسك ولقيت السوست متكسره بتاعة الاسطوانه
وتم التغيير بجديد auto motor France
وسعره 425 جنيه والحمد لله الوضع اختلف كتير بالنسبه للسحب

الحمد لله جت سليمة والتكلفة معقولة

طيب الحمد لله انها جت علي اد كده بسيطه

شكرا علي ردود كل الاخوه الزملاء
بس المشكله ان الواحد ماكانشي عامل حسابه في المبلغ ده اتعورت فيه جامد دا انا لسه مغير كبالن الشهر ده
تعاطفك لوحده مش كفايه اتبرع ولو بجنيه :36_7_4[1]::36_7_4[1]::36_7_4[1]:

بس طلعت اصية ووصلتك ازاى لحد البيت وكويس انها جت فى الدبرياج لأنك كدا كدا كنت هتغيره
وانا من مكانى هذا بناشد الأعضاء للتبرع ومن قدم شئ بيداه التقاه وهنيالك يافاعل امممممممممممم خير حا ضر حاضر من عنيا
يا حضرة الظابط خد الناس ديه من هنا انا هتبرعلك بريال ياعم يلا مش جنية عشان تغنى وتقول معايا ريال معايا ريال ده مبلغ عال مهوش بطال ترم لم لمم لم لم لم
ههههههههههههههههههههههههه هههههههههههه

اقتباس:

---

المشاركة الأصلية كتبت بواسطة the-hero

بس طلعت اصية ووصلتك ازاى لحد البيت وكويس انها جت فى الدبرياج لأنك كدا كدا كنت هتغيره
وانا من مكانى هذا بناشد الأعضاء للتبرع ومن قدم شئ بيداه التقاه وهنيالك يافاعل امممممممممممم خير حا ضر حاضر من عنيا
يا حضرة الظابط خد الناس ديه من هنا انا هتبرعلك بريال ياعم يلا مش جنية عشان تغنى وتقول معايا ريال معايا ريال ده مبلغ عال مهوش بطال ترم لم لمم لم لم لم
ههههههههههههههههههههههههه هههههههههههه

---

من ناحية اصيله فهي فعلا اصيله مقدرشي انكر وانا من شهر ونص بس مليت الاسطوانه تيل ومن ساعتها وانا بسمع تكتكه من المكنه ولما ادوس دبرياج كانت التكتكه بتروح لذلك انا كنت شاكك في موضوع ملي الاسطوانه والعك بتاع الميكانيكي وروحتله قبل الموضوع ده بيومين وقلتله حل الاسطوانه والديسك انا قلقان منهم صحيح سحب العربيه كان كويس بس التكتكه دي ماكانتشي مريحاني وكنت قلقان علي المكنه و المهم الميكانيكي قاللي الدنيا زي الفل ورده شمعه منوره وحل التكتكه ده اننا نغير زيت الفتيس بزيت تقيل وفعلا راح جاب زيت انا اول ما شفته افتكرته شحم وحطه يادوبك يوم والتاني والتكتكه راحت والديسك راح والاسطوانه راحت والبوتجاز راح .......:stink[1]::stink[1]::stink[1]::stink[1]:
عموما الحمد لله انا مابحبش التلصيم في التصليح وانا كمهندس دايما في شغلي بدقق في الموضوع ده وصعب اوي ان عطل اصلحه ويبوظ تاني لأن شغلي فل الفل بس الظروف الماديه هي اللي ساعات بتخليني اتصرف والصم
المهم فيه ميزه جديده الدلوقتي في البيجو انه مهما الصنايعيه يعكوا العربيه ماشيه رغم انف الكارهين

وبعدين ايه الحكايه مش شايفين تبرعات يعني :unhappy::unhappy::unhappy:

من القاهره بتبرع ب 5 جنيه

بس انا العيز تبرع 10 الف جنيه عشان اكمل المشروع بتاع العربيه ده ههههههههههههههه

وانا كمان سعدونى اجيب 406 ديه رخيصة هنا اوى هههههههههههههههههههه
ونقلب اسم المنتدى يبقى منتدى متسولين بيجو
ونبعت لبيجو فرنسا يشوفلهم حل فالعربيات بتاعتهم اللى جننتنا وفلستنا دنا فى مصر كنت بحرم نفسي من العشا عشان تشتعشي

رقم الحساب 000000000
وده لكل مساكين و محتاجين بيجو

اقتباس:

---

المشاركة الأصلية كتبت بواسطة the-hero

وانا كمان سعدونى اجيب 406 ديه رخيصة هنا اوى هههههههههههههههههههه
ونقلب اسم المنتدى يبقى منتدى متسولين بيجو
ونبعت لبيجو فرنسا يشوفلهم حل فالعربيات بتاعتهم اللى جننتنا وفلستنا دنا فى مصر كنت بحرم نفسي من العشا عشان تشتعشي

---

بتعمل كم عندك ال 406 ؟؟

هى ال 406 لسه بتنزل يا هيرو ولا ال 407 هى البديلة ليها ...؟؟؟

الحمد لله ان تصليحات الاسطوانه ب 400 جنيه .. انا غيرتها فى ال 504 والمجموعه كانت 630 جنيه والحمد لله السحب جميل جدا والنقل سهل وكل حاجة تمام ...

ايه يا هيرو ..... لو انت نزلت باقل من 607 مش هندخلك مصر وانت حر بقى ...

مشفتش هنا 407 نهائيا
ال 406 هنا بتتباع مستعملة بس حالات بقي مقولكش واكترها ال 6 سلندر ال 3000 سي سي بتعمل فى حدود من 15 الى 18 الف

اقتباس:

---

المشاركة الأصلية كتبت بواسطة the-hero

مشفتش هنا 407 نهائيا
ال 406 هنا بتتباع مستعملة بس حالات بقي مقولكش واكترها ال 6 سلندر ال 3000 سي سي بتعمل فى حدود من 15 الى 18 الف

---

كتير اوي 6 سيلندر 3000 سي سي في عربيه زي ال406 دي تبقي عربية سباق رالي

اقتباس:

---

المشاركة الأصلية كتبت بواسطة the-hero

مشفتش هنا 407 نهائيا
ال 406 هنا بتتباع مستعملة بس حالات بقي مقولكش واكترها ال 6 سلندر ال 3000 سي سي بتعمل فى حدود من 15 الى 18 الف

---

خلى بالك يا هيرو .... فى الجمارك ممنوع تشترع عربية مستعمله وتنزلها مصر باسمك وتكون ملاكى ... فاهمنى ؟؟؟

بمعنى ان العربية اللى ينفع تنزلها مصر لازم تكون اول استعما يعنى زيرررررررووووو .... لو هتجيب حاجة مستعملة يبقى هتنزلها بيها مصر بلوحات جمرك بس ...


من رائى تشتغل الموقف وتشترى حاجة جديدة وتعمل فى حسابك ان دى هى العربية اللى هتنزلها معاك مصر وتركنها سنتين تلاته وتنزل بيها عشان تقلل الجمارك بتاعتها ...

ال 406 اول مانزلت كانت ب 45 الف ريال ....

على فكرة الموضوع خرج عن اسمه خالص ...

اقتباس:

---

المشاركة الأصلية كتبت بواسطة kisho55555

على فكرة الموضوع خرج عن اسمه خالص ...

---

يا راجل خلي الناس تسترزق بالمناسبه بقي انا قدامي بيجو 1900 سي سي
كامله اتوماتيك موديل 91 علي 42 دي تبقي حلوه ولا لا
وكمان هيه دي الmi16
هيه في منها اتوماتيك
ويا ريت ما تنسوش اسمي في التبرعات

اقتباس:

---

المشاركة الأصلية كتبت بواسطة tamer_a7

يا راجل خلي الناس تسترزق بالمناسبه بقي انا قدامي بيجو 1900 سي سي
كامله اتوماتيك موديل 91 علي 42 دي تبقي حلوه ولا لا
وكمان هيه دي الmi16
هيه في منها اتوماتيك
ويا ريت ما تنسوش اسمي في التبرعات

---

سعر معقول شرط الحاله لو فيها شغل تنزل بتاع 3 او 4 الاف
موضوع التبرعات ده هنفكر في