عرض للطباعة
مش لاقي كلام اقولو
ايه الحلاوة دي
العربية اتغيرت 180 درجة
بس ياترى دي كونسبت ولا تجارية وهتنزل امتة ؟؟
وشكرا على الصور
لا ياباشا مش كونسبت
بس لسه ماتتحدش ميعاد نزولها
اتمنى يبقى فى منها كورى وتنزل مصر
واعتقد ان سعرها هايكون أقل من الكروز
ساعتها هاتحقق نجاح كبير
الف شكر يا حسام باشا على الصور ..
بس معلش ممكن تجبلنا صور كمان ليها من بره ؟ .. عشان الصورة الاولانية شكلها فوتوشوب اوي :)
بالمناسبه فى مواقع كاتبه على الصور 2011 ومواقع كاتبه 2012
ودى صور أكبر وأوضح شويه
http://img34.imageshack.us/img34/384...roletaveo1.jpg
http://img297.imageshack.us/img297/7...roletaveo2.jpg
من قدام شبه لانسر شارك أوي
بس يا رب يبقى فيه فرق في التكنولوجيا والماتور مش الشكل بس والأهم انها تنزل مصر بيهم ... انا كنت في الكويت ورحت شفت الافيو الكوري هناك ( اللي شبه بتاعتنا ) والمفاجأه اني لقيت الماتور غير اللي بتنزل بيه هنا ... 1400 سي سي وهورس باور أعلى من ال 1500 الأثري اللي هنا
الف شكر على الصور
شكرا يا باشا ع الموضوع
بس انا حاسس انها فئة اعلي م الافيو
بس بجد تحفة
ما شاء الله تحفه بس السؤال
الحاج منصور حينزلها زى ماحنا شايفيين ولا حايفضيها كالعادة من الكماليات:khd:
زى الكروز المسكينة أعلى فئة فاضية وكل شوية ناس تشتكى يروح منزلهم حتة كماليات على الماشى:B4_237: عموما العربية تصميمها جميل جدا وحيخاطب فئة لا بأس بها من المستهلكين
فعلا من قدام شبه الشارك
واكيد فى فرق فى التكنولوجيا والموتور
مش معقوله عربيه بالمنظر دا
وعلى ما تجيلنا هاتاخدلها سنه ولا اتنين
ونلاقيها مثلا 1500 سى سى 8 صباب !!!!
وبرضه مش معقول نلاقيها 2 زجاج كهربا
اعتقد مش هاتنزل اقل من الكروز واقل فئه هاتبقى زى اقل فئه فى الكروز
يعنى سى دى اصلى واكيد ازاز كهربا ومرايات كهربا وفوج لايت وريموت وانذار اصلى
الفئات اللى بعدها تلاقى الجنوط وال Abs وال Air Bags
ربنا يسهل بس وتنزل مصر اصلا
فعلا شكلها يوحى بكدا
اكبر وأفخم بكتير من الأفيو الحاليه
يارب تنزل مصر بعد سنه ولا سنتين مع الكروز
ويلغوا الافيو القديمه
زى ماقولت فى الرد اللى فوق
اعتقد انها هاتتعامل معامله الكروز من حيث التجهيزات والكماليات
والله اعلم بعد سنه ولا اتنين ايه اللى هايحصل جايز نشوف عربيات كامله باسعار كويسه
وجايز ماتنزلش مصر خالص :)
من جهت هتنزل فهي ان شاء الله هتنزل لأن منصور مش هيضحي والله اعلم مش هيضحب بعربية خصوصا زي دي ينافس بيها في السوق بس اتوقع انها اكيد اعلى من الافيو الموجودة والا هيفضيها على الجنط وساعتها العربية هتبوظ ..
بس الهعربية كشكل وهمية .. وفعلا دا الشكل ومش كونسبت لأن لو لاحظنا انها اخده شويه من الكروز .. الشبكة الأمامية والعلامة وسط الشبكة وسحبت الجنب علي الشنطة والفنوس الخلفي بارز مع ان مفيش صورة للظهر
بجد شكلها جامد جيبه من الشارك والفولفو .. ومن غير ضحك لو شيلنا لفت الفنوس على جنب العربية هتحس انها فوانيس شلبي كمان والا دي وسعه :d:d
بجد انا حاسس ان شيفروليه تصميمتها بتتطور جامد
معاك حق
ومن الواضح ان شيفروليه عايزه يبقى ليها شكل مميز ومعروف سواء من الداخل او الخارج
زى ما كيا وهيونداى ابتدوا يعملوا برضه
بص دا انتريور الكروز
http://img638.imageshack.us/img638/5...e2011800x6.jpg
انتريور الأفيو الجديده
http://img442.imageshack.us/img442/7...roletaveo2.jpg
انتريور الافيو هاتش باك الجديده
http://img714.imageshack.us/img714/4...rsconcept2.jpg
انتريور السبارك الجديده
http://img246.imageshack.us/img246/4...k2010800x6.jpg
على فكرة اصلا الانتريور بتاعهم متشابه .. بس بجد اجمد حاجة فكرة العداد الاكترونيك .. بجد شكله وهمي بس يارب ميبوظوش دا بالخمات . بس ماعتقدش انهم بعد تكليف الرسومات دي كلها يجيبوا خمات وحشو وبلاستيك تعبان .. بجد انا بقيت من عشاق الافيو . بس يا رب كمان الاداء لأني سمعت ان اداء الكروز مش حلو
ملاك الكروز بيشكروا فى ادائها ومحدش قال عليها مش حلوه خالص
بس يمكن عشان اول ما حد يعرف انها 107 حصان ووزنها 1310 كجم فبيقول اكيد هاتبقى تقيله
لكن هى مش تقيله خالص والفتيس ال 6 نقلات حكايه
فى النهايه متعتبرش عربيه قويه وسحبها عالى زى الالنترا والسيراتو
وفى نفس الوقت مش تقيله
يارب بقى الافيو تنزل بموتور اعلى من بتاع الكروز شويه
تسلم ايدك يا حسام باشا
دايما مواضيعك في الجون
بس معتقدتش ان
العربيه دي هتنزل مصر
و تسلم ايدك علي
الصور الجميله دي
تسلم أيدك يا حسام باشا على الموضوع
بس لو منصور عنده مسحه ذكاء "شىء مستبعد :)" ينزل العربيه دى بكماليات محترمه و سعر تنافسى
لأنه لازم يصلح سمعه الافيو الى بقت فى الوحل :))
شكرا يا حسام مره تانيه
الصناعه الكوريه فى السيارات بقت حكايه
فعلاً شكلها اختلف عن الموديل القديم و شكراً على الصور يا باشا
حلوة جددا
وياترى هنشوفها عندنا امتى
شكرا يا حسام باشا
شكرا هلى الصور وانا ملاحظ ان شيفورلية عملت تعديل كامل على عربياتها بشكل ملحوظ
صور جامدة قوووووووووووووووووووووووى
برافو عليك
فيها شبة كبير من الشيفورلية فولت ان لم تكن هية بلفعل
وشكرا على الصور
لسه بصراحه مش عارف اذا كانت هاتنزل ولا لأ
بس اغلب الناس لما شافت صور الكروز على النت
قعدت تقول مستحيل تنزل مصر
ولو نزلت هاتبقى مش اقل من 150 الف
وفى الاخر نزلت
والله يسلمك ياروميو نورت
اتمنى يكون عنده المسحه دى :)
عموما لسه بدرى عليها عشان تيجى مصر دا لو جت :)
نورت الموضوع ياباشا
تمام
العفو
oh my god !!!!!!!!!!!!
والله فى مواقع كاتبه انها 2011 ومواقع كاتبه 2012
يعنى مش قبل سنتين على ما اعتقد
العفو وفعلا فى تطور كبير فى التصميم
شكرا :)
هى ممكن تكون قريبه منها خصوصا ان اغلب التصميمات بقت شبه بعض فى حاجات كتير
لكن منقدرش نقول هى لان فى اختلافات
http://img163.imageshack.us/img163/5...2011800x60.jpg
http://img522.imageshack.us/img522/3...roletaveo1.jpg
شكرا لمرورك
اولا مجهود رائع ومتالق دايما يا حسام باشا
والعربية دى بالشكل الرائع ده سواء من جوة او من بره مش حيقل عن 130 الف واعتقد حيكون من 130 الف الى ال150 الف
ومش حتنزل مصر قبل 2012
ولما حتنزل حيتعمل عليها بحث من التوكيل عشان يشوف حيشيل ايه ويحط يه وحيغلى ايه وحيضحك ويطمع على الناس بايه
بس فعلا شكل العربيية من جوة ومن بره مش ممكن
جامده مش كدا :shine[1]:
اهلا بيك ياباشا نورت الموضوع
معتقدش تبدأ من 130 خالص
الكروز بجلالة قدرها بتبدأ من 110
اما من ناحية هايشيل ايه ويحط ايه
يارب مايشلش حاجه ويبقى سعرها كويس :)
والسنين الجايه نعرف نركب عربيات كويسه باسعار معقوله ان شاء الله