فوانيس لانسر 2007 "الفئة الخامسة" و شبكة نيكل (صور من الأسكندرية)

السلام عليكم و رحمة الله و بركاته يا رجالة المنتدى :)

الصور ديه محمد الطويل و اسلام شاهين و العبد لله عملناهم فى الأسكندرية و تفاصيل الشغل اللى معمول فى الفوانيس مع اسلام شاهين هو يحكلكم , الصراحة شكلهم جامد جدا و معمولين بنظافة و الواقع غير الصورة خالص :) تمنياتى بمشاهدة طيبة :) و على فكرة أحنا أستأذنا من الشاب المحترم صاحب العربية أننا نصورها و ننزل الصور هنا فى المنتدى ربنا يباركله فيها و يعطيه خيرها و يبعد عنه شرها:

http://www5.0zz0.com/2007/12/30/22/80240888.jpg

http://www5.0zz0.com/2007/12/30/22/20956184.jpg

http://www5.0zz0.com/2007/12/30/22/57937680.jpg

http://www5.0zz0.com/2007/12/30/22/26205211.jpg

http://www5.0zz0.com/2007/12/30/22/93634215.jpg

http://www5.0zz0.com/2007/12/30/22/59432548.jpg

ما شاء الله شكلها حلو....
بس هو جايبها جاهزه كده.....و لا عمل فيها حاجه زياده...
ذي اللدات

ممتازة يا اسلام
طيب ما تحكيلنا قصتهم ايه و اتعملوا ازاي و هل صاحبها شال الفوانيس الاصلية و حط الفوانيس دي و لا عمل تعديل....و الله انا اول ما شوفت الصور افتكرت انها عربية اسلام شاهين لانها نفس اللون و انا واثق ان اسلام حينفذ التعديلات دي في اقرب وقت

محمد فهمي

اقتباس:

---

المشاركة الأصلية كتبت بواسطة borgelharm

ممتازة يا اسلام
طيب ما تحكيلنا قصتهم ايه و اتعملوا ازاي و هل صاحبها شال الفوانيس الاصلية و حط الفوانيس دي و لا عمل تعديل....و الله انا اول ما شوفت الصور افتكرت انها عربية اسلام شاهين لانها نفس اللون و انا واثق ان اسلام حينفذ التعديلات دي في اقرب وقت

محمد فهمي

---

هو فعلا شال الفوانيس الأصلية وجاب دول بس برضه عمل فيهم تعديلات

وفعلا اسلام كان عايز يقنع صاحب العربية انه ياخد الفوانيس دسة ويديله فوانيسه...:D:D

جامدة أوى ,انا دايما باشوف الفوانيس دى كتير بس من غير الليدات البيضة الى فوق خالص
و شكرا على الصور

جامدة جدا جدا

شكرا يا إسلام على الصور :) و مستنيين تفاصيل من إسلام شاهين إللى غايب عننا و مش عايز يكتبلنا :)

كان نفسى أكون معاكم و الله بس غصب عنى أنا اليومين دوول عندى شده فى الشغل و لخبطة كثير فى مواعيدى تتعوض إن شاء الله

اقتباس:

---

المشاركة الأصلية كتبت بواسطة memo_hefnawy

شكرا يا إسلام على الصور :) و مستنيين تفاصيل من إسلام شاهين إللى غايب عننا و مش عايز يكتبلنا :)

كان نفسى أكون معاكم و الله بس غصب عنى أنا اليومين دوول عندى شده فى الشغل و لخبطة كثير فى مواعيدى تتعوض إن شاء الله

---

فعلا هو من زمان مكتبش حاجة هو زعلان ولا اية

طيب يا اسلام قولي مبروك علي العربية حتي

بصراحة شكلهم جميل اوى
يا ريت التفاصيل
زى كلفت كام وعملها فين؟

انا شفت الفوانيس دى النهارده فى محل عندنا فى المنصوره الاتنين ب 1250 و شكلهم رائع جدااا ان شاء الله ربنا يسهل ونجيبهم

اقتباس:

---

المشاركة الأصلية كتبت بواسطة mada121977

انا شفت الفوانيس دى النهارده فى محل عندنا فى المنصوره الاتنين ب 1250 و شكلهم رائع جدااا ان شاء الله ربنا يسهل ونجيبهم

---

هل الفوانيس اللى ب 1250 دى زى اللى فالصور بالظبط يعنى بالليدات البيضة الى فوق فى الفانوس واللا لأ؟
و شكرا

الليدات دي بتيجي الوحدها من غير اللفوانيس
وتفريبا في منها لون تاني.




http://www4.0zz0.com/2007/09/08/16/32164958.jpg



_____________
محمد عبدالله

اقتباس:

---

المشاركة الأصلية كتبت بواسطة nader makram

هل الفوانيس اللى ب 1250 دى زى اللى فالصور بالظبط يعنى بالليدات البيضة الى فوق فى الفانوس واللا لأ؟
و شكرا

---

استاذ نادر هما زى الصور بالضبط بس من غير الليدات البيضاء وفيهم الرينجات وكل حاجه و لما سالت على تركيبهم قالى لازم الاكصدام يتفك علشان يركبوا وهما على الحقيقه احلى بكتييير من الصور والصراحه من اول ماشفتهم وانا معجب بيهم جدااا وان شاء الله ربنا يكرمنا و نجيبهم :)

مادا باشا مساء الخير :0-

يا باشا إنت متأكد إن سعر الفانوسين 1200 ولا الواحد ؟ لأن لو على كلامك يبقوا رخاص جدا لأنهم هنا في مصر الواحد ب 1200 ولما سألنا عليهم في إسكندرية آخر سعر كان 1100 برضه للواحد .

فلو تأكدت ياريت تقولي منين في المنصورة بالضبط علشان أجيبهم .

شكرا

اسلام باشا انا السه سائل عليهم النهارده كانوا الاتنين ب 1250 مش الواحد وهما عند محل اسمه هادى الفلاح فى الحسينيه عند مكاوى بتوع قطع غيار الالمانى

ألف شكر يا مادا ده كده يبقوا لقطة ، ولو إنت ناوي تجيب أكيد قولي أجيلك نجيبهم ونركبهم سوا .

شكرا مرة تانية .

اقتباس:

---

المشاركة الأصلية كتبت بواسطة إسلام شاهين

ألف شكر يا مادا ده كده يبقوا لقطة ، ولو إنت ناوي تجيب أكيد قولي أجيلك نجيبهم ونركبهم سوا .

شكرا مرة تانية .

---

ان شاء الله يا اسلام باشا ناوى اجيبهم لانى بصراحه من ساعه ماشفتهم وهما معششين فى دماغى :) :) وان شاء الله نجيبهم سوا و بالمره تنورنا فى المنصوره :)

وانا كمان عاوز اجيب معاكم بس المشكلة انى عندى امتحانات دولوقتى

ماشاء الله ... جميلة فعلا

طب لو واحد جاب الفوانيس السودة دى من غير الليدات ينفع يركب الليدات بعدين و بتتركب فين و بكام؟
شكرا

طبعا ينفع تتركب وما اعتقدش إنها غالية أي حد بتاع إكسسوار كويس وفاهم هيعملهالك بس المشكلة في الليدات ديه إن الفانوس لازم يتفك علشان هي بتتحط جوه .

انا مش مهتم بالفوانيس
لكن يهمنى جدا الشبكة التيكل

إيه تفاصيلها: منين وبكام؟