السلام عليكم بفكر اجيب النيو سيراتو ال هاى لين الكاملة اوتوماتيك طبعآ بس سمعت ان الجنوط ال17 اللى فيها تخليك تحس بكل طوبه فى الطريق :)
طبعآ معروف ان الثبات بتعها عالى بس كلام ال17 دا صح ولا افتكاسه؟:)
ولو صح ايه افضل موديل يتجاب فى النيو سيراتو ياريت يكون حد جربها او مالكها علشان نقطع الشك باليقين:)
و ياريت سعرها بالظبط انا عرفت انها 125 الف الكلام دا مظبوط؟ وشكرآ
بص يا تامر أنا عربتي وكيل SX يعني 17" وفعلا موضوع مقاس الجنط بيحسسك بكل طوبة فالارض بس في الأول بس ولكن مع الوقت العفشة بتنعم خالص عن تجربة (أنا عربتي عاملة دلوقتي 9500km وكأني راكب عربية تانية خالص) بس ده ميمنعش إنها مش نعمة زي ال 15 أو 16 عشان هي low-profile بس ثبتها أحلى وشكلهـا أكيد أحلى فنتا لو عاوز تجيب كل الكمليات ممكن تعمل إيه :-
- تشتري وكيل SX أو highline فيها كل حاجة وقدامك حلين سعتها ياما تغير الجنط وتجيب 16 أو 15 أو تعلي elprofile بتاع الكاوتش وتخليه مثلا 225/45 قوي 225/50 بدال 215 اللي فيها
- وممكن تشتري دماغك وتجيب خليجي جنط 16 وفيها كل الكماليات وتريح دماغك مع إني مردتش أعمل كده :)
أرجو أكون افدتك ورجلات كيا الجامدين حيردو عليك
بص يا تامر هى كويسه بس محتاجه معامله خاصة فى السواقه يعنى متبدش بيها جامد فى المطبات والنقر، وممكن تغير الجنوط ل 16 هتريحك شوية.
بيسو معلش عندى تعليق صغير السيراتو مقاس الكاوتش الأصلى بتاعها
R17 / 215 / 45
والمكافئ ليه
R17 / 225 / 45 أو R17/ 215 / 50
وده عشان العفشه ومطبات الهوا وعداد السرعة ميفرقش جامد وشوف الموقع ده هيفيد في مواضيع الكاوتش والجنوط:
Wheel / tire size calculator / comparer - WHEELSMASTER
بص هو كلامك سليم مية فلمية بس هي مبتفرقش الفرق اللي في بالك يعني ممكن 1-3 كم/ساعة مش حاجة جامدة بس أنا معاك أنا نسيت أوضح إن المفروض ال overall diameter يبقى زي بعده مع إنه عمره ماحيبقى زي بعده وعلى فكرة إنت كاتب برده 225/45/ R17 وده فيه اختلاف في قريت العداد زي ماقلتلك :ma:اقتباس:
المشاركة الأصلية كتبت بواسطة ghost1900
Wheel / tire size calculator / comparer - WHEELSMASTER
تمام يا باشا هو كله فى فرق بس حضرتك لو تلاحظ يا تكبر العرض يا السمك يعنى يا تخلى ال 215 تبقى 225 يا تخلى ال 45 تبقى 50 انما الاتنين مع بعض (R17 / 225 / 50) هتبقى عاليه شويه وعموما هى كلها حسابات تقديرية ومش هنختلف هههه :satelite:.
المهم سيبك من ده خلينا في سؤال تامر لحسن احنا كده خدنا موضوعه لحسابنا :E_braces[1]:
مقاس 225 / 45 هو نفس ارتفاع ال 195 / 65 بالظبط
مقاس 215 / 50 هايبقى اكبر وهايعللى العربيه بس مش كتير
مقاس 225 / 50 فعلا غلط لانه هايعللى اوى و 90 % هايحك فى الرفرف
على رأيك مش حتفرق :shine[1]: خلينا نصيب الموضوع عشان سؤال الراجل المحترم دهاقتباس:
المشاركة الأصلية كتبت بواسطة ghost1900
حسام باشا أنا معاك إن 225/50 حيكون عالي بس موضوع إنه 90% يحك دا أنا مش معاك فيه مع إني مجربتش بس أنا بيتهيألي إن المسافة بين الكاوتش والرفرف في النيو سيراتو كبيرة جدا ده أنا حاموت واوطيها بس مش عاوز عشان المطبات :shine[1]:اقتباس:
المشاركة الأصلية كتبت بواسطة Hosam_Optrawy
نرجع بقى تاني للمقاسات العربية بتنزل زي ما أنت قلت 195/65/R15 وده overall diameter بتاعه 635 مم مع إن العربية برده بتنزل stock بـ 215/45/R17 زي عربيتي وده ال overall diameter بتاعه 625 مم يعني 10 مم فرق بين العربيتين وده يعمل تقريبا فرق حوالي 1 كم/ساعة فحلل هم بيظبطوا عدد el-SX بعد الجنط ولا لأ الله اعلم.
كل ده فرق والعربية لسة جديدة محدش لعب في اي حاجة في المقاسات فمش حتعمل فرق أوي يعني بين 225/50 أو 225/45 وملعش إذا كنت طولت ومنكم نستفيد يرفع ريت كيا لفوق
إنت حتجيب السيراتو امتى بقى :)
انا أعترض :shine[1]:اقتباس:
المشاركة الأصلية كتبت بواسطة Beeso
انا باتفرج على السيراتو فى كل مكان كأنى باشوفها لأول مره ( شوفت الحب :ma(36): )
وبالاحظ ان الفرق بين الكاوتش من فوق والرفرف مش المساحه الكبيره اللى تسمح بزيادة القطر بتاع الكاوتش او ال Overall Diameter
لاننا لازم نحط فى اعتبارنا برضه احتمال ركوب شخصين تلاته فى الكنبه والشنطه تكون مليانه
فزى ما انت قولت ال Overall Diameter بتاع المقاس 195 / 65 هو 63.44 سم تقريبا
ال Overall Diameter بتاع المقاس 225 / 50 هو 65.65 سم تقريبا
فرق اكتر من 2 سم وهايفرق 3.5 كم فى العداد
مع المساحه الصغيره من وجهة نظرى ومع التحميل
90 % هاتحك
لكن المقاس 215 / 50 ال Overall Diameter بتاعه 64.66 سم
الفرق حوالى 1 سم فمقبول الى حد ما مع انى مقلق منه برضه
اما بخصوص هاجيب السيراتو امتى :)
والله مش مانعنى الا حكم القوى
الفلوس الحمد لله موجوده وطبعا الحب والاقتناع موجود
لكن هانعمل ايه فى الحكومه ( خطيبتى )
خاطب وداخل على جواز وطبعا انت عارف بقى مسؤليه والتزامات
وطبعا فكرت اؤجل الجواز عشان خاطر السيراتو
بلاش اقوللك بقى على اللى حصلى :36_7_4[1]: :shine[1]:
بس ان شاء الله اجيبها فى اقرب فرصه
وكل تأخيره فيها خيره جايز فى حاجه أفضل ليا
بس ان شاء الله لو هاجيب السيراتو وانا رايح استلمها هايكون معايا طقم كاوتش جديد 225/ 45 او 215 / 50 واغيره قبل ما اروح البيت حتى :):)
لانى بصراحه مش مقتنع بالمقاس 215/45 فى شوارعنا خالص وانا بامشى فى حتت مكسره كتير
اسف على الاطاله وعلى انى بوظت الموضوع :shine[1]:
اعتراضك مقبول يا حس عشان فعلن ممكن مع التحميل تحكاقتباس:
المشاركة الأصلية كتبت بواسطة Hosam_Optrawy
أما بقى بنسبة لحكم القوي فأنا مليش دعوة ياعم هاهاهها إنت فكرتني بواحد صاحبي كان بيقولي أتجوز ولا أجيب C200 هاهاهاهها طبعا كان في حاجات بطير في الهوا لما حاجة زي ده اتعرفت. ربنا يتمملك على خير إن شاء الله عشان أنا عارف الفترة اللي إنت فيها ده وتشطيب بقى واقساط ودلع ههاههاها
ربنا معاك وإن شاء الله نسمع خير قريب ومتنساش تعزمني عالفرح :)
آسف عالاطالة وني ساهمت في تبوظ الموضوع :ma:
ربنا يخليك وطبعا كل رجالة الكيا وبالأخص السيراتو معزومين اساسى :):)اقتباس:
المشاركة الأصلية كتبت بواسطة Beeso
ياريت صاحب الموضوع بجد مايزعلش اننا قلبنا الموضوع ل Chat :)
بس اكيد طلع مننا بأى معلومه مفيده :shine[1]:
ربنا يكرمك يا حسام ويتمم لك على خير، كده بقى شات رسمى هههههههههههه :w6266d
ياريت باقى الشباب اللى معاهم سيراتو بجنوط 17 يجابوا على تامر عشان ميزعلش مننا.