عرض للطباعة
انا عايز اسأل عن موضوع عضة الفتيس ده علشان المشكله انا قلقان منها
اللى بيحصل ان الأول عندى مش بيجى خالص غير والعربية واقفة تماماً يعنى لو السرعة حتى لو نزلت عن 5 مش هيجى غير عند الصفر وديه المشكله الاولى
المشكله التانية فى الغيار التالت فيه عضه لازم انقل بسرعه علشان الغيار يجى ولو نقلت براحه وحولت ادخل الغيار التلت فى مكانه ساعات احس بالتروس وهى بتخبط فى العصايه علشان انا بدخل الغيار براحه والمشكله ديه فى الأول والتالت بس لكن التانى والرابع والخامس مفيش مشكله خالص
ارجو الافاده
محدش عارف المشكلة ممكن تكون ايه ؟ ولا ايه؟ محدش رد يعنى ؟
و انا كمان والله
ممكن لما تسال تذكر معلومات السيارة .. و نوع الفتيس .. هو احنا بنجم؟اقتباس:
المشاركة الأصلية كتبت بواسطة mikeatef
طب وحضرتك مضايق اوي كده ليه ؟ كنت ممكن تقول عادي نوع العربيه ايه؟ بدل الكلام اللي مالوش لزمه بنجم وكدهاقتباس:
المشاركة الأصلية كتبت بواسطة mrsailor
عموماً شكراً لذوقك .. انا عربيتي فولكس باراتي 2006 لو ده مايضيقش حضرتك
ياعم انا كنت باهزر معاك .. و اسف لو فهمتنى غلط ..اقتباس:
المشاركة الأصلية كتبت بواسطة mikeatef
اوكى .. ممكن تاخد هوا ماستر الفتيس .. و اكشف على غويشة التالت .. بس جرب تاخد هوا ماستر الفتيس و جرب التالت الاول ..اقتباس:
المشاركة الأصلية كتبت بواسطة mrsailor
في العربيات عموما فيه شبه معوق فى الفتيس انك تجيب الاول على سرعات عالية زى ما صعب او شبه مستحيل انك تجيب مرشيدير على سرعات عالية بس الاعاقة ديه بتبقا بسيطة للتحذير مش لدرجة العض زى ما انت بتقولاقتباس:
المشاركة الأصلية كتبت بواسطة mikeatef
ثانيا انت قبل ما تعمل اى حاجة راجع زيت الباكم بتاع الفتيس و شوف الماستر اللى بعد الدواسة و راجع لو فيه تسريب من جوة العربية فوق الدواسة او من ناحية الموتور وراجع على الماستر اللى فوق الفتيس بردك و بص على الفتيس نفسه لو تقدر ترفع العربية من تحت من ناحية الكبالن و داير الفتيس مع الموتور كل ده بحثا عن تسريب زيت لو كله تمام خش على اللى جاى
شوف زيت الفتيس انت مغيره من امتى لو بقاله مدة غيره و اخبار الاسطوانة ايه العربية ممكن تطلع بالدبرياج بس على الاول و التانى و لا لا
بعد ما تتاكد من الحاجات ديه كلها و اللى تقدر تعملها بنفسك تبدى تقول ان فيه مشكلة فى الفتيس نفسه و تقرر انه يتفتح و موضوع هوا فى خط زيت الدبرياج معناها ان حضرتك هاتحس بمشكلة فى الدواسة و تحس بمعاكسة فى الدواسة لان الهوا و الزيت ما بينضغطوش مع بعض كان فيه حجر واقف فى خط الزيت
لو كله تمام عندك و الفتيس هايتفتح روح لحد عدل قوى و بيفهم و الا مش هايرجع زى الاول و لو مضايقك قوى شوف بتاعها جديد او استيراد بكام و ارمى اللى معاك بدل ما تفتح و تصلح و ما يرجعش زى الاول
انا بصراحه معرفش حاجه عن موضوع الهوا ده بس هقولك علي حاجه بالنسبه لموضوع الدواسة الغيار التاني لما بيعدي ال40 احرق عليه لحد 40 ولا50 الدواسه تتقل اوي والثالث برضو كده لو عديت ال60 تتقل برضو لكن الرابع بتتقل سنه صغيره بع ال 90اقتباس:
المشاركة الأصلية كتبت بواسطة agmgranturismo2006
السرعة مالهاش دعوة الدواسة لو ناشفة هاتكون ناشفى على طول بس انت كده اتاكد من المستر اللى فوق و اللى تحت لان شكلهم ما بيوصلوش الحركة للاخراقتباس:
المشاركة الأصلية كتبت بواسطة mikeatef
انا اقصد انها بتتقل بس لما اعدى السرعات ديه على الغيارات اللى قولتلك عليها لكن غير كده الدواسه بتبقى عاديه ومش ناشفة خالص ايه ممكن يكون تفسير دهاقتباس:
المشاركة الأصلية كتبت بواسطة agmgranturismo2006
اللى اعرفه ان الفتيس فيه عامود داخل و عامود خارج و فيه اعمدة متركب عليها تروس النقلات و بتكون فى الغالب النقلة الاولى و التالتة على عمود و التانية و الرابعة على عمود تانى و الخامس و المرشدير مع نفسهم على اعمدة تانية فانت مشكلتك فى الاول و التالت و بالتالى فى الغوايش اللى على العمود بتاعهم و موضوع لما السرعة تزيد الدواسة تتقل و انت بتنقل ممكن لان الماستر بعد ما العربية بتخطى السرعة للترس اللى انت حارق عليه ما بيلحقش يزق الاسطوانة عشان يعشق لانك طبعا بتكون بتنقل بسرعة من نقلة انت حارق عليها للبعديهااقتباس:
المشاركة الأصلية كتبت بواسطة mikeatef
و الله اعلم
طالما الدواسة بتتقل يعنى فى حاجة فى ماستر الفتيس .. اكشف على الماستر .. و كمان شوف الرجلاش بتاع معلقة عصاية الفتيس ان نسيت اقولك المرة اللى فاتت .. و ابقى طمنااقتباس:
المشاركة الأصلية كتبت بواسطة mikeatef
طب مين يكشف عى الموضوع ده الميكانيكى ولا حد متخصص فتيسات
اقتباس:
المشاركة الأصلية كتبت بواسطة mikeatef
ميكانيكى عادى ما فيش مشاكل بس يكون كويس و عنده ضمير المنتدى فيه ناس كتير رافعة اماكن ورش كويسة انا اقرب واحد ليا فى شارع مصر و السودان عند دخلة كنتاكى اسمه محمد ياقوت انا مجربه فى عربيات كتير (عربيتى كورولا 94-128-سبكترا 2003-بيكانتو 2007-جين2 -لانسر 2003)و كلها عربيات اصحابى و مشاكل مختلفة و الحمد لله الراجل عنده ضمير و حنين فى اسعاره
هو ممكن تشرحلي بس المستر ده بيعمل ايه بالضبط وهو بيتظبط ولا بيتغير لو فيه مشكله والموضوع كبير ولا مشكله مش كبيره علشان انا فعلا اول مره اسمع عن الماستر دهاقتباس:
المشاركة الأصلية كتبت بواسطة agmgranturismo2006
الدبرياج فايدته وصل و فصل حركة العربية عن طريق انه بيزق اسطوانة الدبرياج على حدافة الموتور تقوم موصله الفتيس بالموتور او يسحبها فتفصلهم بس الزقة ديه محتاجة قوة جامدة عشان كده اتعمل الماستر ده و هوا جزئين واحد متوصل بالدواسة بتاعتك وواحد متوصل بالفتيس و بينهم خط حديد جواه زيت انت بتزق برجلك يقوم الماستر اللى فوق عامل زى الحقنة بيتحرك جواه صباع متوصل بدواستك يزق الزيت يمشى فى الخط الحديد يو صل للماستر التانى اللى على الفتيس يزق صباع تانى جواه الصباع ده متوصل بالفورش بتاع الدبرياج او المعلقة يقوم زاقق الاسطوانة و يحصل الفصل او التعشيقاقتباس:
المشاركة الأصلية كتبت بواسطة mikeatef
الماستر اللى فوق اللى متوصل بالدواسة تقدر تشوف الصباع بتاعه من جوا العربية فى اخر دواسة الدبرياج و هوا نفسه تشوفه من ناحية الموتور جمب ماستر الفرامل مكان ما بتحط زيت الفرامل كده و له خزان للزيت لوحده بيبقا علبة صغيرة
التانى بقا اللى فى الفتيس هاتلاقيه فوق الفتيس على طول و عليه كوتشة وواصل له خط حديد و لو حد قعد فى العربية وداس دبرياج هاتشوفه بيتحرك
الماسترين دول مش غاليين قوى لو حبيت تغيرهم و بيتغيروا لو لقيتهم جابوا زيت يعنى الكبس بتاعهم خلاص تعب و بيسيلوا و تقدر تشوفها بنفسك ده لو المشكلة منهم
و مشاكل الفتيس المانيوال عموما سهلة انت ممكن تستنى على الفتيس ده يجيب اخره لو المساتر سليمه و ترميه و تجيب استيراد و ممكن تفتحه و تشوف اللى فيه و تصلحه و هالخصلك الحل تانى:
1-راجع على المساتر العمومى و الفرعى و تسريب الزيت منها
2-راجع على زيت الدبرياج و زوده لو ناقص بزيت الفرامل بس اتاكد من على غطا خزان الزيت على النوع Dot3 or Dot 4
3-راجع على عصاية الفتيس نفسها شيل الكوتشة بتاعتها اللى فى الكونسول الوسطى و شحم الكابلات بتاعتها و شوف التربيط بتاعهم و من ناحية الموتور كمان
4-اخبار اسطوانة الدبرياج ايه جرب تطلع على الاول بدون بنزين دبرياج بس و شوف هاتطلع و لا و العربية بتجمع على طول و لا لأ؟
5-شوف زيت الفتيس و غيره فى اى بنزينة لو بقاله مدة بزيت موبيل 90
6-أخبار الكبالن ايه فيه طقطقة فى الملفات و لا حاجة؟
7-الحل الاخير خالص انك تفتح الفتيس و تكون المشكلة من جواه فى التروس او الغوايش و الهلالات
و دول كام فيديو فيهم الحاجات اللى فاتت ديه وشغالة ازاى
YouTube - How Clutches Work
YouTube - How Manual Transmission Works
يا باشا الف شكر انا فعلاً عندى على الحوض من جوه من ناحية علبه الدركسيون زى زيت كده واخر مره اليكانيكى قالى الزيت ده من علبه الدركسيون بس انا عندى زيت الباور مش بيقل من 6 شهور اخر مره زاودته ممكن يكون من الموضوع ده.. انا كده كده هكشف على الموضوع ده انشاء الله النهارده
احب انا الناس البروفيشنال دي ،،،جزاك الله خيرااقتباس:
المشاركة الأصلية كتبت بواسطة agmgranturismo2006
بص انا رحت عند البنزينة من شوية زودت الزيت والراجل قالى ان الزيت كان ناقص اوى بس هو مش شايف اي حاجة مرشحة من تحت العربية
طب كويس أن شاء الله تكون ديه المشكلة و اتحلت و جرب كده و شوف الأخبار ايهاقتباس:
المشاركة الأصلية كتبت بواسطة mikeatef
بص الموضوع متحلش النقلات برضو لسه تقيله وفيها نفس العضه وبعدين وريت العربية لميكانيكى جنب الشغل عندى يشتغل فى العربيات الفولكس المهم قالى ان العربية مش على ماستر ديه على واير عادى والمهم داس برجله العر الدبرياج معرفش حس منين وقالى الدبرياج ده محتاج يعلى شويه... قالى هاتهلى وانا اعليهولك وبعدين نشوف... انت شايف ايه؟
موضوع الوير ده غريب قوى اللى اعرفه ان العربيات الجديدة كلها على مساتر انا عربيتى 1994 و على مساتر يبقا كده كل اللى قلته لك عن الماستر ما لوش لزمة و اكيد انت ما عندكش مكان لزيت الدبرياج ممكن يعليلك الدبرياج مش مشكلة ديه سهلة و لو عربيتك على سلك غيار السلك سهل و كمان رخيص جرب تعلية الدبرياج ما فيش مشكلة و على العموم السلك بيبقا اتقل من الزيت لو جربت تسوق عربية على زيت هاتحس بالفرقاقتباس:
المشاركة الأصلية كتبت بواسطة mikeatef
حاجة كمان تعلية الدبرياج ديه بتبقا من صامولة مربوطة فى مسمار فى الوير هايربطها شوية او هايفكها شوية ده فى الغالب يعنى مش شغلانة كبيرة عشان بس ما يعملش عليك شغل
وده لنك لقيته بيوريك ازاى بتعلى الدبرياج و مكان الصامولة و بيقول كمان انك بدام احتجت تعلى الدبرياج يبقا الاسطوانة بدات تتاكل و ده اللى بيصعب النقلات بس ما فيهوش صور للاسف
http://www.vw-resource.com/clutch_adjust.html
و ديه شوية صور لقيتها قريبة للوير بتاع الدبرياج و الصامولة اللى هاتعليه منها
http://images.thesamba.com/vw/classi...ix/2430141.jpg
http://www.rabbitgtipage.com/Swaps/02a_clutch.jpg
http://img91.imageshack.us/img91/6372/dsc00230so6.jpg
يعني انت يعني مدوخنك معاك من الصبح و انت مشعارف كلتشك ميكانيكال و لا هيروليك .....:khd:اقتباس:
المشاركة الأصلية كتبت بواسطة mikeatef
يا باشا انا مش عارف اقولك ايه؟ انا تعبك معايا على الاخر
انا مغير الديسك والاسطوانه من سنه تقريباً والاول والتانى بيطلعو من غير بنزين فده معتاه انهم كويسيين ؟
قلقان يكون حاجة فى الفتيس نفسه وانا عرابيتى باراتى البرازيلى وصدقنى الناس قالت فيها كلام وحش كتير بس انا شايف انها عربية حلوه احسن من حاجت كتير انا اشترتها بسعر كويس جدا جدا فى وقت كانت العربيات غالية ومكنش في حاجة بالسعر ده كويسه فى الفتره ديه.
انا العربية بقالها معايا سنه انا كنت واخده من ظابط وكان غريب جداًُ محافظ على العربية فابريكة 2006 من غير خدش بس كان فيها حاجات عايزه تتغير هو كان سيبها علشان هيبعها طبعاً الحاجات ديه كانت عادي بالنسة للعربيات التانية بس غاليه طبعاًُ فى الفولكس
زى بيض مقص.. بيض دركسيون... سيور والفلاتر..تيل
الحاجات ديه كانت عاديه بس كنت بعمل منها حبه حاجات فى التوكيل فاخربو بيتى
و لا يهمك اى عربية هاتبقا كويسة لو انت محافظ عليها فيه ناس معاهم عربيات محترمة جدا بهدلوها و خليك ورا عربيتك و ان شاء الله هاتتحل المشكلةاقتباس:
المشاركة الأصلية كتبت بواسطة mikeatef
دلوقتي انا عليت الدبرياج المشكله متحلتش لسه في نفس المشكله... انا عايز اتاكد ان الزيت اللي في الفتيس ٩٠ علشان انا حاسس ان البنزينه اللي جنبنا معندهمش ضمير انا قولتله ٩٠ قالي اكيد انا عارف ان عزبيتك جديدة بيتحاطلها ٩٠ بس هو كان بيحط من برميل كبير جداً تحت وهو برميل واحد يعني يا اما ده ٩٠ يا ١٤٠ وانا شاكك انه ١٤٠ اعرف ازاي
وبعدين انا قريت عن موضوع w40 اللي بيترش جول الفتيس وعلي العصايه ده انا اعملو ازاي لو عندك فكره
مش هاتقدر تعرف انه زيت 140 الا اليومين دول لانهم يومين برد و العربية الصبح بدرى هاتجربها لو الزيت التقيل هاتحس على طول و هما فعلا فى البنزينات معندهومش اى ضمير فى اى حاجة بس بردك ديه مش مشكلتك الرئيسية الموضوع كده بقا جوه الفتيس لازم يتفك و عصاية الفتيس اللى بتنقل منها فى الصالون عليها كوتش بيتشال من الكونسول و رش على الوصلات بتاعتهااقتباس:
المشاركة الأصلية كتبت بواسطة mikeatef
باشا تعبتك معايا جداً انا اسف بجد
رحت انبارح عند بنزينه وفهمتو وقلتلو انا عايز اعرف اللى راكب فى العربية ده 90 ولا 140 وحكتلوا على البنزينه التانية وقلتلوا انا شاكك انه 140 مش 90 تخيل قالى ايه... اللى اصل انا مش عايز ابص عليه لا يطلع 140 واعمل مشكله ؟
قلتلوا مشكله ايه يعنى هو يبوظلى الفتيس وديه هى اللى مش مشكله قالى خلاص زى ما انت عايز المهم رفع العربية وشاف الزيت قالى لا الراجل مظبوط وحلفلى انه 90 مش 140
وده ايه معناه ان كده الموضوع بقى جوه الفتيس كنت مروح متعكنن جداً وبعدين افتكرت ان ليا واحد صاحبى كان جايب بوينتر 2006 وهيا هى نفس العربية بس هو جايبها من الزيرو فقلت اكلمه
كلمته فى التليفون وحاكتلوا قالى يا معلم هى العربية ديه كده من ساعة لما جبتها والفتيس تقيل وبيعض وديه مش مشكله فيها لما يزعق هى ديه المشكله لاكن العض ده طبيعى جداً العربيات ديه كلها كده البوينتر والباراتى فيتسها تقيل شويه ومتخليش حد يلعب فيه انا معايا العريبة من 4 سنين عمرى ماشتكيت من الفتيس حتى وهو تقيل والدنيا ماشا تمام وعامل 80000 الف باين والدنيا مفيهاش مشاكل
فبصراحه طمنى وانا كنت مره قابلت واحد من الفنيين بتوع التوكيل من سنه فاتت بس افتكرت انبارح بس وسألتو ان العربية الفتيس تقيل وهو قالى ماتألقش عادى فتيس العربية ديه تقيل فى كل موديلاتها ومتفتحش على نفسك فاتحة ملهاش لازمه هى العربية كده ومتخليش حد يلعب فيها
طب تمام الناس طمنتك ما تقلقش بقا و تعامل معاها على كدة و ربنا يباركلك فيها
انا النهارده مفيش ولانقله رديت تيجى معايا والعربية دايره
جبت ميكانيكى معرفوش قالى ماستر دبرياج
وهو على واير اصلا
قعد اكارك دبرياج عشان الغيار يجيى
بعدين لما روحت الميكانيكى بتاعى قالى اسوطوانة ممكن تكون السوست فكت
واير الدبرياج موجود من دواسة الدبرياج الى حدافة الجيربوكس"اعلى الجيربوكس" و ماستر الدبرياج موجود داخل الجيربوكس"لايرى الا اذا فكيت الجيربوكس و فتحته" والماستر بيضغط الزيت لفصل و توصيل الإسطوانة مع الديسك و الزيت المضغوط (داخل الماستر)هو نفسه من الزيت الموجود داخل الجيربوكس .
و الخشونة و العض اللى بتشتكى منه هو سببه رفع ثمك الرولمان بلى بتاع الإسطوانة بسبب (عمره الإفتراضي- الأمركة و نتع الغيارات)
و بيؤدي لعدم اكتمال الوصل و الفصل بسبب انخفاض ثمك (عرض)الرولمان بلى فبيخلي الإسطوانة شبه واصلة مع الديسك حتى اثناء الضغط الكامل على دواسة الدبرياج فتلاقى صعوبة فى الوصل (سماع صوت عض التروس) اثناء التعشيق و ثقل في فصل الغيار الى المور لأن الفتيس لسه شبه معشق مع التروس و الإسطوانة محققتش الفصل الكامل عن الديسك .
لو كملت مشي على المشكلة دي حتضحي بالإسطوانة و الديسك و الرولمان بلى بتاع الإسطوانة .
لو حتصلحها من الأول يبقى حتغير رولمان بلى الإسطوانة فقط و الفتيس حيبقى خفيف و ناعم تاني زي الأول