رقم العضوية : 48049
تاريخ التسجيل : 27Sep2009
المشاركات : 902
النوع : ذكر
الاقامة : Egypt
السيارة: Renault Logan2010
السيارة[2]: Renault 9
دراجة بخارية: لا يوجد
الحالة :
دول كام سوال عجبونى فقلت لازم اجيبهلكم وارب يعجبكم التوبك ده :
ايه هو الحيوان الاخضر الصغير اللي بياكل الزلط ؟
هو إبن الحيوان الاخضر الكبير اللي بياكل الزلط .
ليه الثعلب تخين ؟
علشان الثعلب fat fat
- حاجة ماشية على الارض وبتعمل ززززززززززز - إيه هي ؟
صرصار راكب موتوسيكل
- طب ناس دخلوا شقة فعرفوا ان فيها صراصير - عرفوا إزاي ؟
لقوا الموتوسيكلات راكنة جنب البلاعة .
- تعرف تقوللي فرقين بين الليمون والزيتون ؟
1 - فيه ليموناده ومافيش زيتوناده .
2 - تقدر تقول الناس لاموني لكن ما تقدرش تقول الناس زاتوني
- طب تعرف تقول 5 فروق بين البطة والوزة ؟
1 - تقدر تحلق شعرك زلبطة لكن ما تقدرش تحلقه زلوزة
2 - فيه رحالة إسمه إبن بطوطة لكن ما فيش رحالة إسمه إبن وزوزة
3 - تقدر تبلبط في البحر لكن ما تقدرش تبلوز فيه
4 - كلنا بنتغطى في الشتاء ببطانية لكن ما بنتغطاش بوزانية
5 - الوزة كانت زمان بطة لكن الشيطان وزها
طب تعرف تقوللي 5 فروق بين الفيل والنملة ؟
1 - رجل الفيل ممكن تنمل لكن رجل النملة مش ممكن تفيل
2 - البيت ممكن يبقى فيه نملية لكن مش ممكن يبقى فيه فيلية
3 - تقدر تأكل سمك فيليه لكن مش ممكن تأكل سمك نمليه
4 - كل واحد له بروفيل لكن مالوش برونمله
5-You can feel but you can’t namla
ليه الكتكوت ما بيعرفش يكذب على الفرخة ؟
علشان هي اللي فاقساه
ايه الشبه بين الموز و الفراوله :
( ان هما الاتنين مش جوافة )
ليه سندوتشات الكفته والبطاطس بتجري؟؟
عشان وجبات سريعه
ليه القرد سريع ؟؟
عشان القرد في عين امه غزال
اول مخلوق ظهر عالارض هو الحمار الوحشي ليه ؟؟
عشان لونه ابيض واسود
فرخه معلقه سلسله فيها صوره بيضه ليه ؟؟
صورتها و هي صغيره
واحد بلديتنا واقف قدام المرايا و مغمض عنيه ليه ؟؟
بيشوف شكله و هو نايم
ليه القطة بتمشى جنب الحيط ؟
مزاجها كده
يارب تكون عجبتكم
رقم العضوية : 56754
تاريخ التسجيل : 23Dec2009
المشاركات : 3,492
النوع : ذكر
الاقامة : القاهره
السيارة: ميني كوبر 1979
السيارة[2]: كيا بيكانتو 2012
الحالة :
ههههههههههه
جامدين يا اسلام
و تسلم ايدك يا ريس
المفضلات