اخيرا اشتريت دينيمو اكت فاير للبيتلز ..

**hanymah** · 02-03-2010 04:29 PM

السلام عليكم ..

ازيكم يا شباب البيتلز اخيرا اشتريت دينيمو اكت فاير استراد من عزبت الصعايدة .. حتة كدا فى عين شمس واحد كهربائى جابهولى متحصص فى البيتلز بس اسمة محمد عزو فى شارع العشرين .. الدينيمو العادة بهدلنى كتير عشان كتاوتة كانت بتبوظ علطول .. ودلواقتى حاسس بالفرق فى انوار العربية ولما بتدور فى الصبح ..

**ramremo** · 02-03-2010 04:44 PM

الف مليون مبروك ياباشا

وطبعا الدينمو الجديد هيرحك عن التانى بدل وجع الدماغ فى تغير الكتاوت --- بس مقولتلناش جبته بكام ياكبير ؟

**El.Hossieny** · 02-03-2010 06:13 PM

الف مبروك ياباشا علي الدنامو الجديد ... يا ريت تقولنا جبته ب كام و حسيت اذاي بفرق في الانوار ...يعني القديم كان في مشاكل او حاجة عشان مش اكت فاير .. و المكان اللي اشتريته فين بالتحديد و بيبيع حاجات للبيتلز كتير ؟؟ و لا كهربا بس ؟؟

**hanymah** · 02-03-2010 06:47 PM

شكرا يا جماعة سغر الدينيمو 600 جنية بالتركيب وهوا واحد شوكة كتاوت داخلية . وكمات جبت بطارية ب 200 جنية وادتهوم القديمة .. اما جبتوت منين ففى كهربائى بيتلز متحصص فى شارع العشرين عين شمس اسمة محمد غزو راجل كويس اوى وعندو ضمير ودية نمرتة 0105854164 اتصل بية وهوا هيجيبهولك بس لازم تسيبلوة عربون الاول . وكمان ممكن يعملك اى حاجة فى كهربة الفولكس ..

**amo400** · 04-03-2010 03:47 PM

مبروك يا باشا بس انا عندى دينموا عادى بكتاوت خارجى المانى و الحمد لله ما فيش مشكلة بس لو الاكتفير احسن افكر

**ahit** · 04-03-2010 06:57 PM

ربنا يباركلك فيه
المهم ماتنساش تعمله صيانه دورية عشان تحافظ عليه

**smsmxxxxxx** · 04-03-2010 07:39 PM

الف مبروك يا هانى على الدينامو الجديد

احمد باشا حسن اخبارك ايه
بالنسبة للصينة اللي بتتعمل للدينامو هى تفاصيلها ايه
وياريت لو تقول الكلام ده للدينامو العادة والاكتفاير

----------------------
محمد سالم

**ramremo** · 04-03-2010 07:40 PM

المشاركة الأصلية كتبت بواسطة ahit

ربنا يباركلك فيه
المهم ماتنساش تعمله صيانه دورية عشان تحافظ عليه

معلش يا استاذ احمد : هى ايه الصيانه الدوريه للدينمو يعنى اغير فيه ايه او ابص على ايه ؟؟
متهيألى حضرتك تقصد اقيس الشحن واطمن على كتاوت الدينمو ولا فى حاجه ازيد من كده

**ahit** · 04-03-2010 07:54 PM

السلام عليكم ورحمة الله وبركاته

محمد سالم باشا و رامى باشا
أخباركم إيه ؟

الصيانه الدورية للدينامو العادى و الأكتيفير :-
1- تنظيفه بالهواء كل فتره قريبة.
2- متابعة التغير فى صوت الدينامو لأنه ممكن يكون محتاج رولمان بلى أو شربون.
3- متابعة شحن الدينامو عن طريق قياس قوه الشحن من فتره لأخرى.
4-التأكد من سلامة السلوك الكهربائية المرتبطة بالدينامو.
5- متابعة الكهربائى المتخصص فى الدينامو كل 6 شهور فى حالة عمله بصورة طبيعية لتتطئن على المكونات الداخلية للدينامو و لكن بشرط أن يكون الكهربائى أمين عشان ما يعملش شغل على الفاضى.

**hanymah** · 06-03-2010 09:16 PM

شكرا يا استاذ ahit على المعلومات القيمة دية ..
عمتا الانوار بقت اقوى من الاول والعربية بقت تفتح من اول مرة الصبح وكمان جربت اشغل الكاست مع النوار مع الاشارات لاقيت الدنيا زى الفل والشحن كويس غير الدينيمو العادة كان ضعيف لما اشغل كل حاجة مع بعض ..