صوت العربية عالى ومش عارف لية
السلام عليكم
من كام يوم (يوم المطرة) جيت أدور العربية لقيت صوتها عالى (مش عالى أوى بس أعلى من المُعتاد ) وفى رعشة خفيفة حاسس بيها (فيات سيينا 1400 cc موديل 2000 )
فروحت للميكانيكى قالى العربية عالية (تقريبا يقصد أن صوتها عالى) وقالى أنها مكتومة (مش عارف يقصد أية)
وقالى أروح أحطها على جهاز سكان علشان لو فى مُشكلة فى الحساسات يظبطوها
فأنا مش عارف أروح فين (هو قالى أروح أوماترا ) فعايز أعرف تكلفتها كام ، ولو فى مكان تانى كويس ممكن أظبط فية الموضوع ده
والعربية انا كنت جايبها مُستعملة من شهرين (وانا جديد فى الحوار)، فهو قالى أنى لازم أغير طقم سيور وبوجيهات وفلاتر ، وقالى أجيبهم أصلى من الكيلانى ، وقالى أن مصنعيتة هتبقى 100 جنية
فهل لو روحت عملت الحاجات دى فى التوكيل هتبقى أفضل وأرخص (كده كده هجيب الحاجه أصلى من الكيلانى) بس هستفيد من عرض المنتدى مع أوماترا
فعايز أعرف نصيحتكم ليا أعمل أية والتكلفة كام تقريبا (يعنى هل أروح أوماترا ولا أخلينى مع الميكانيكى)
وشكرا مقدما