السلام عليكم كنت عاوز اسال عن معنى كلمة الفلتو الموجود فى صاج العربيه؟ ومدى اهميته؟
عرض للطباعة
السلام عليكم كنت عاوز اسال عن معنى كلمة الفلتو الموجود فى صاج العربيه؟ ومدى اهميته؟
الفلتو دا شريط مطاطى أبيض ويدهن بلون السيارة يختلف عرضه من نصف سم إلى حوالى 2 ونصف سم ملصق بداخل السيارة فىحرف الكبوت وبأماكن داخل الحوض وخارج السيارة تحت الكارتيرات عند فواصل الصاج ، وأعتقد من فوايده معرفة حال الدواخل فبريكة أم لا وعزل الأتربة والمياه لمنع البارومة ومن الجائز أن يساهم فى عزل الصوت ودى تفسيرات شخصية مش من مصادر مطلعة.
لو ممكن حد يصوره يا جماعه ، أنا اول مره اسمع عن الفلتو دة وهو موجود في اللانسر فقط ولا في اي عربية ؟؟
كلام مضبوط
و بأختصار كده , اي حاجة صاج في جسم العربية مكونة من طبقتين , طبقة عظم و مكسية صاج ,
زي باب العربية او الكبوت او الشنطة او الرفارف الخلفية لازم حوافها بالكامل او الداير الخارجي بتاعها بيبقى ملصوق عليه فلتو .. ليه فوايد كثيرة و اهمها طبعا انه بيبين سلامة العربية لان متلاقيش الفلتو ده الا في القطعة الاصلية اللى جاية بيها من المصنع ... يعنى لو جبت باب او كبوت جداد متلاقيش فيهم فلتو الا في القطع الاستيراد لانها في الاساس قطعة اصليه
و في ناس بتقول عليه ( بلستين )
السلام عليكم
مع إحترامي لكل اللي بيتكلم واللي بيصححلوا
الخاط اللي بيبقى فيه ريجة وبارز كدا عند أماكن اللحامات بين طبقتين أسمة Sealer ودا بيكون ذي ما ذكرتوا كفوايد عزل التراب والمية ورنة الحروف الصاج مع بعضها وعمروا ماكان لونوا أبيض دايما يا أسود يا جراي اللون اللي حضرتك بتشوفوا دا من طبقة الدهان الأولي
شكرا يا جماعه :b4_388: لكن ليه القطع الوجوده فى التوكيل زى الشنطه مثلا ليس فيها فلتو مع انها اصليه؟؟؟؟!!!!
الفليتو موجود فى اى عربيه فى الدنيا ومن المؤشرات الهامه لمعرفه حاله الصاج الداخلى وبيختلف من عربيه لعربيه واللى انا متاكد منه ان كمان الوانه متعدده وبيكون حسب نوع العربيه وفى بعض الموديلات بيترش بلون الدواخل
وابرز الاماكن الموجود فيها الفليتو فى الحوض حول الكارتيره - الصدر الخلفى - بعض اجزاء فى الشاسيه -
فى الشنطه اسفل الشنطه - الصدر الخلفى - اعلى الكارتيرات
فى جميع الابواب بما فيهم الكابوت والشنطه
هادور على صور العربيات عندى على الجهاز واوريهالكوا بس يارب الاقى
انا شايف ان الموضوع ده يتنقل من ميتسوبيشى الى قسم الورشه افضل
يعني معنى كده اني لو مالقتيش الفلتو ده عندي يعني العربيه رشه جوه يادي المصيبه
............
محمد عزت جاب من الأخر
..
وحتى لو عربيتك كانت راشه دواخل ..أكيد إلي كان بيرش ..مش هيبقا غبي للدرجة دي إنه مايحطش فلتو
وعلى فكرة ..الفلتو ده جامد جدا
وبيحمي الأجزاء الحساسة من الصدا
ولو هتعمل سمكرة علشان مثلا عندك بارومة ...بتتظبط بعدها بالفلتوو
والله أعلم
طالما موضوع الصور بيسهل عليكوا كده خلاص هاصورلكوا اكبر عدد من انواع السيارات
والله انتم ناس هايلة خصوصا الدكتور احمد عبد الغني بتعريف الفلتو ومحمد عزت كان رائع لانه وضح بالصور
ده انا كل يوم افتح الكبوت وعمري ما لاحظت الفلتو ده (ياريت تكتبو نطقه بالانجليزي)
على العموم انا هوريكم الفلتو لعربيتي
وياريت تقولولي لو راشة ولا لا
مع اعلم ان ملمس شريط الفلتو ناشف وجامد ومش طري ومعرفش ده معناه ايه
الى الصورة
http://i44.tinypic.com/5ohxtg.jpg