اخواتي ساعدوني
انا المفوض اشتري السياره بتاعتي اخر الشهر ده
واستقريت بعد محاولات مضنيه علي البروتون بيرسونا او نيواكسنت اسبورت او جين تو
ارجوكم قولييلي الفروقات كلها وتختاروا ايه خصوصا
انا بدور علي شكل شبابي
عربيه واسعه
محتاج كل الكماليات
اتوماتيك
عرض للطباعة
اخواتي ساعدوني
انا المفوض اشتري السياره بتاعتي اخر الشهر ده
واستقريت بعد محاولات مضنيه علي البروتون بيرسونا او نيواكسنت اسبورت او جين تو
ارجوكم قولييلي الفروقات كلها وتختاروا ايه خصوصا
انا بدور علي شكل شبابي
عربيه واسعه
محتاج كل الكماليات
اتوماتيك
انا هتكلم عن البروتون
حضرتك لو مش محتاج الشنطه بشكل قوي يبقى خليك في الجين2
لو محتاج الشنطه يبقى خليك في البيرسونا
وعموما الاتنين في كماليات مش موجوده في عربيات تانيه في نفس فئتها
ولو كانت موجوده (الكماليات) هتلاقيها غاليه
ربنا يدلك على اللي فيه الخير
اي سؤال اتفضل
شكرا
توكل على الله وهات Gen 2 هي أحسن واحدة في ال 3 فالتقيم الكلي وتعتبر أكتر شكل شبابي فيهم, زائد الكامليات والثبات طبعا.
طبعا ال Persona زي ال Gen2 بالضبط في كل حاجة تقريبا ماعدا إنها سيدان وبشنطة من ورا, بس بما إنك قلت شكل شبابي فيبقى ال Gen 2 تكسب في الحتة ديه, وبص عالاتنين جنب بعض وإنت تعرف.
بنسبة للاكسنت سبورت ده أنا مش مقتنع بيها شكلا ومضمونا, يا راجل فيه عربية ينزل منها نسخة سبورت من غير جنوط سبورت, حطو فيها شوية بلاستيك زيادة وقال لك سبورت...كلام فارغ.
كلامك بلغة العربيات بيسوق لعربية واحدة بس من التلاتة البرسونا أولا شكلها شبابى و جميلو عالى أوى مقارنة بالنيو أكسنت و ده غير إن كمالياتهاو إمكانياتهاو السيفتى فاكتورز أعلى بكتير و صالونها سقفه أعلى من الجين و ده بيدى وسع أكبر للصالون و كمان شنطتها أكبر من الجين بكتييييييييير
الصراحة مافيهاش كلام لو بتقارن ما بين واحدة من التلاتة يبقى الجين2 أو البيرسونا كفتهم ترجح عشان عوامل الأمان والوسع الداخلى + الإمكانيات المحترمة
الأكسينت عربية زى الفل والله بس توكيلها بيستهبل :majd(4):
سعرها مغالى فىه بطريقة مستفزة + إنها مافيهاش أى وسيلة أمان :_Alshmokh08[1]:
وأخيرا متنساش تستخير ربنا وإن شاء الله ربنا يهديك للخير :satelite:
البروتون تمتاز بالثبات العالي والرياضي ولكن تفتقد عن هيونداي النعومه والهدوء في صوت الموتور
واحيانا بتظهر معاك بعض عيوب التقفيل بعيدا عن الموتور والفتيس والاساسيات
راجع بعض موضوعات المنتدى الخاصه بذلك
واستخير الله
تحياتي
في الأول إستخر ربنا
من وجهة نظري الترتيب على حسب الشكل الشبابي:
1. جين 2
2. بيرسونا
3. نيو أكسنت
من ناحية السيفتي:
1. جين 2 + بيرسونا
2. نيو أكسنت
من ناحية الكماليات:
1. جين 2 + بيرسونا
2. نيو أكسنت
من ناحية قيمة العربية بالنسبة لسعرها:
1. جين 2 + بيرسونا
2. نيو أكسنت
من ناحية الثبات في السرعات وقوة الموتور:
1. جين 2 + بيرسونا (110 حصان)
2. نيو أكسنت (أقل من 110 على ما أعتقد)
من ناحية قطع الغيار (سعرها وتوافرها):
1. نيو أكسنت
2. جين 2 + بيرسونا
من ناحية التوكيل (كل التوكيلات في مصر زي بعض)
وأهم حاجة تكون إنت مقتنع بالعربية وحببها
وربنا يوفقك
نسيت حاجة
بالنسبة لوسع الشنطة:
1. بيرسونا
2. جين 2
3. نيو أكسنت
بالنسبة لوسع العربية:
1. بيرسونا
2. جين 2
3. نيو أكسنت
أعتقد السقف في البيرسونا أعلى من النيو أكسنت
بس بالنسبة للسقف في الجين 2 عشان رياضية سقفها واطي شوية خاصة عند الكنبة الخلفية