الموضوع: ثلاثة اشهر بعيدا عن النت ... تجربة تستحق الدراسة

الحمد لله علي عودتك سالما غانما إن شاء الله
واحشتني :b4_611:

والله انتو كلكم واحشيني جدا جدا
على فكرة انا كنت بادخل المنتدي كل يومين او 3 تقريبا علشان اطمئن على الزملاء .... لكن في صمت بدون مشاركات
شكرا ليكم جميعا على مروركم وكلماتكم الرقيقة .... كنت اتمني ان خاصية الشكر تكون موجودة علشان اشكركم كلكم
.....
فعلا النت زي التلفزيون مجرد اداة يمكن ان تحسن استخدامها او ان تسيئ استغلالها
لكن انا بافترض اننا جميعا بنحسن استغلالها وبنتقي الله في استخدامها ومش بندخل على مواقع غير اخلاقية
اللي اقصدة ان حتى مع حسن استخدام النت بنجد انه لاإراديا بتستهلك ساعات كتير جدا يوميا فيه .... قد تكون في امور مفيدة ..... ولكن غالبا بتنساق الي امور تعتبر اهدار للوقت ... هذا اولا ...
الامر التاني هو حرية الكتابة على النت ..... طبعا ده يعتبر انجاز غير مسبوق للشعوب العربية خاصة والمحكومة دكتاتوريا عامة .... فجاة بتلاقي ان اي حد عاوز يقول اي حاجة بيقولها بدون وسيط وبلا رقيب وكلامه بيقرأ ويصل الى جميع المستخدمين في العالم
ده شيء جميل في ظاهره لكنه ايضا يحمل جانب آخر
هو ان مسئولية الكلمة غير موجودة عند الغالبية ....
يعني ممكن واحد يكتب كلام بدون مسئولية ممكن يؤدي الي كوارث
يعني ممكن واحد يدخل موقع ديني مثلا ... ايا كان هذا الدين .... ويسب مقدسات هذا الدين لمجرد انه يعتنق دينا آخر ....ولنا ان نتخيل تأثير ذلك ....

ونأخذ المثال الواقعي والذي كان سببا مباشرا في غيابي عن النت والمنتدي في الفترة الماضية ....... مصر والجزائر
الا ترون معي ان وجود النت وانتشاره وانتشار المنتديات ادي الي سكب الزيت على النار
دايما مباريات مصر والشمال الافريقي عامة والجزائر خاصة بيصاحبها زخم جماهيري واعلامي وتراشق بين الجانبين .... لكن لماذا في هذه المرة بالذات حدث ماحدث ؟؟؟؟؟
انا شايف ان انتشار النت احد اهم هذه الاسباب
لأنه عندما يقوم شخص مجهول من احد الجانبين بعمل ما من شأنه الاساءة للجانب الآخر كان ينتشر بسرعة البرق الي الجميع بفضل النت والمنتديات وبالتالي يتبعه رد فعل اكثر عنفا من الجانب الآخر..... وهكذا ..... حتى تضخمت كرة الثلج على المنحدر واصبح التحكم بها غير ممكن ... وبالطبع كل جانب يتهم الآخر انه هو من بدأ ...... وانا برغم اني من الاول وانا باحاول اني آخد موقف متعقل .... لكن غصب عني لما بأقرأ ما يكتب في المنتديات الجزائرية باكون غاضب ومتحفز لكل ما هو جزائري ..... واكيد العكس صحيح يعني لما واحد جزائري عاقل ومش موافق على اللي بيحصل بين الجانبين ... اكيد لو دخل منتديات مصرية وقرأ ما يكتب فيها من سب واهانة ح يكره كل ماهو مصري حتى لو كان مقتنع ان الغلط كان من الجزائر ( ده على سبيل الافتراض )..... يعني باختصار حرية الكلمة ادت الى تنامي الكراهية بين الجانبين ........ ما علينا
لكن لو حدثت هذه المشاحنات منذ 10 او 15 سنة ..... في عدم وجود الانتشار الرهيب للنت .... هل كانت الاوضاع ستكون بهذه الصورة الكارثية ؟؟؟؟؟
....
انا اتوقع ان المستقبل سيحمل بعض القيود على الانترنت لأن بقاء الحال على هذا الوضع سيكون مستحيل وستعم الفوضى الاعلامية الالكترونية
.....
عموما انا شخصيا اتعلمت من اللي حصل ده حاجة مهمة ...... اني لما اكون باكتب ع النت لازم اعمل حسابي اني باكتب للجميع .... مش لمن حولي فقط ..... يعني لو عطست وانا باكتب ممكن الاقي واحد من جزر الانتيل بيقوللي يرحمكم الله يا أبوسريع .