المشاركة الأصلية كتبت بواسطة mahora
ياه..... حمد الله على السلامة..... عود احمد يا حاج احمد...... ايه الغيبة الكبيرة دى.... و ايه التجارب " الوجودية" الجامدة اللى انت راجع بيها دى.....
بالنسبة للنت هى جزء من الدايرة الجهنمية اللى اتفرض علينا نعيشها و للاسف صعب نخرج منها..... الدايرة دى هى ببساطة نتاج ان العالم باكمله اصبح "اوضة" واحدة..... اوضة فعلا و ليس مجازا..... يعنى مدى زمنى و مكانى ممتد فى اللحظة الحالية..... و لا كأنه "الزمكان" اللى بتتكلم عليه النسبية.... كل حاجة اصبحت فى متناول اطراف اصابع الانسان المعاصر و بضغطة زر لا غير.... و كل هذا بفضل ثورة الاتصالات الغير العادية فى وقتنا هذا..... كل هذا ادى الى ما يعرف ب The Technology Paradox او المعضلة التكنولوجية و خلاصتها انه The more technology we use, the less time we have اى كلما زاد اعتمادنا على التكنولوجيا و الوسائل التكنولوجية الحديثة، كلما ادى هذا بالتبعية الى فقداننا للوقت الذى اصبح الاحساس بمروره سريعا جدا، و الاحساس بأن الايام بتطير...... و التناقض هنا ان التكنولوجيا يفترض فيها انها توفر لنا الوقت..... لكنها بدلا من ذلك تتسبب فى تآكل وقتنا بطريقة اصبحنا فيها نلهث من عدم قدرتنا على متابعة التطورات اللحظية فى اى شئ..... و السبب فى ذلك هو كمية المدخلات الرهيبة التى اصبحت تتعرض لها عقولنا مما لم يكن متاحا للاجيال الماضية..... لهذا بدأنا نحس بأن الزمن لم يعد يسع ما نريد ان نفعله فيه...... مع ان الزمن هو الزمن من قديم الازل.... لكن الذى زاد تعقيدا هو حياتنا و اسلوبها الذى بلغ مرحلة عالية من التطور و التعقيد بسبب التطور التكنولوجى المهول و انعكاس ذلك على طريقة حياة الانسان.....
هيه يا حاج احمد.... قلبت على المواجع..... لان رغم محاولاتى المستمرة لهضم هذه المعضلة و التعامل معها الا انى فى النهاية اجد نفسى مهضوما فى وسط هذه الماكينة الجبارة التى تأخذ شكل حياتنا المعاصرة بكل تفاصيلها.....