بس معقولة فى كل حسابات المرتبات بتاعتنا؟ ده احنا فوق ال 600 موظف
عرض للطباعة
الاهلى المصرى و سوستية؟؟
معقولة قوي وماتستغربش ..أنصحك تروح البنك وتشوف الحكاية إيه ..لأن موضوع إن المكن بيهاييس دي مش منطقية أبداً !!
روح وعلى صوتك وقول انتوا بتعملوا غسيل أموال بإسمي ؟ وشوف الوضع هايبقى إيه ..وقبل ماتروح شوف لسه الرصيد زي ماهو ولا اتغير ..واطلب كشف بحركة الحساب وشوف هاتوصل لغاية فين ..
خلاص الحسابات اتظبطت بس اللى كان سايب حاجة من مرتبات قبل كده مش ظاهرة، بس مرتبات الشهر ده
كل اللى اخد فلوس اكتر من حقة تبقى فلوس حراااااااااام
اللهم بلغت
MMamdouh
فعلا كلام الاستاذ وائل مضبوط و بيبقي غسيل اموال و بتنزل علي اي حساب لكن اللي المعظم ما يعرفهوش ان امن الدوله ساعات بتبقي متابعه الارصده دي علشان متكونش جايه من مصدر ارهابي او اي شئ من هذا القبيل.
يا وائل مش غسيل اموال ولا حاجة الموضوع ابسط من كدة وانا اصحابي في بنك بدون ذكر اسمه حصلت معاهم اكتر من مرة
اللي بيحصل ان تعديل حسابات العملاء بيتم عن طريق باتشات
والباتش فايل ده للي ما يعرفش عبارة عن برنامج صغير جدا جدا ليه وظيفة محدودة للغاية
والباتشات في الحالة دي بتبقي مسئولة مثلا انها تنزل مرتبات حساب موظفين مصر للطيران
اللي بيعمل الباتش ممكن يغلط ويزود رقم في حساب مصر للطيران يبقى حساب مجموعة تانية خالص
فتضاف القيمة بتاعت الناس التانية لحساب موظفين مصر للطيران وهكذا
ادي الحوار كلة وعايز اقولك ان اللي سحب فلوس ده هايتعرف على طول في خلال 24 ساعة مع اول باتش جديد يجري على حسابات العملاء بيبان الفرق وهاينزل علية الحساب بالماينص فورا ويتوقف مرتبة لحد ما يسدد
الموضوع مش سهل خالص واللي بيعمل الباتشات دي محاسبين فراودة مرتباتهم قد مرتبي ومرتبك 5 مرات على الاقل لانهم عقلهم بيشتغل بطريقة بشعة والغلطة في رقم اديكم شفتم نتايجها عاملة ازاي
انا عمي مدير فرع في البنك الاهلي وسالتة اكدلي نفس كلامي
بس غريبة قوي ماكنة تطلع 12 الف في يوم
علمي ان اكتر حاجة 5
و NSGB رفعها ل 6 في اليوم على مرتين
ساعات يا كريم بيبقى فيه انظمة (systems) بتشتغل على ان الارقام داخل فيها الصفرين بتوع القروش بمعنى الالف جنية بتتكتب 100000 و فى بعض الملفات التحكم بتبقى الصفار دى مش موجودة و بالتالى ممكن واحد يتلخبط و يكتب الحد الاقصى للسحب من ماكينة الATM 300000 على اعتبار ان دة 3000 جنية بس و بالتالى بيبقى عندك قابلية اكبر للسحب حتى 30000 جنية فى اليوم... اكيد فيه حد فى البنك حتبقة وقعتة بيضاء لو كلامى صح :(
اما قصة الباتشات ممكن كمان تحصل لو حصل خلل و البرنامج اللى بيحدث ارصدة العملاء جرى على الباتش اكتر من مرة لسبب او لاخر و بالتالى بيسبب تضاعف القيمة اللى فى الحساب بالخطاء او ممكن كمان الخطاء يبقى من العميل (الشركة) اللى بعتت الباتش اصلا و كانت مزودة اصفار بالخطاء فى المبالغ او كان فيه اخطاء فى ارقام الحساب
باختصار احتمالات الخطاء كتير و مش حتبان الا لما يتعمل تحقيق... و اعتقد البنك الاهلى كان عندة مشكلة من فترة فى الارقام السرية للحسابات و ناس كتير بطافاتها اتلغت و البنك طلع ليهم بطاقات جديدة عشان القصة دى... واضح ان فيه حد حاطت البنك فى دماغة
MMamdouh