-
الفتيس
السلام عليكم ورحمة الله وبركاته...
انا يا جماعه عندى الفتيس بتاع الدايو لانوس وان بيعض فى التانى وكمان تقل وبسمع صوت تزييقه فيه..
المهم رحت للميكانيكى وقالى فى حاجه اسمها العقربه عايزه تتغير ورحت اشترتها بــ100 جنيه جديده ...
المهم انى بعد ماغيرتها الفتيس نعم شويه بس برده حاسس انه مش زى الاول زى الاول
الاول تحس ان عند النق العصايه بتاعة الفتيس عارفه طريقها للغيار اما دلوقتى تحس انك عايز تنشل شويه على الغيار اظن انه بوش يمكن مش عارف..
المهم عايز حد يفيدنى اعمل ايه علشان اخليه تمام زى ما كان....... وشكرا لكم
-
وشكرا مقدما لاخونا محمد ممدوح
-
العربية عاملة كام الف؟
MMamdouh
-
العربية عامله 198000 كيلو
-
غير زيت الفتيس... العربية بتاخد 1.8 لتر زيت 90 و حتحتاج جوان كرتيرة زيت ب10 جنية
و ابقى فك الجلد اللى حوالين عصاية الفتيس و زيت الوصلات بتاعت العصاية عشان تبقى ناعمة معاك فى النقلات
MMamdouh
-
انا على فكره عملت كل ده بس بالنسبة لجوان الكرتيره انا مشتريتهوش الميكانيكى عملى افتكاسه جبنا الكارتون اللى بيتباع وعامل زى الجلد ده وقصيناه على شكل الكرتيره وركبناه
وبالنسبة للفتيس اظن ان العيب كده يبقى فى العقربه اللى انا جايبها جديدة والا ايه؟؟؟؟؟؟؟؟؟؟
-
الزيت اللى حطيتة معملش اى فرق؟
الفتيس بيبقى تقيل فى الشتاء الصبح؟
جرب تزيت العصاية قبل ما تعمل اى حاجة تانية
MMamdouh
-
أستاذ ممدوح
عربيتى فيها نفس الموضوع بس هو ماشية 90000 تفتكر أغير زيت الفتيس وهل الموضوع ده له علاقة برجلاش الفتيس (واحد قلى كده)
و أزاى ممكن أزيت عصاية الفتيس هل الجلد الى حواليها بيتفك بكلبسات ولا المفروض اعملها عند ميكانيكى....و شكرا جزيلا
-
ممكن الرجلاش يعمل كدة... فى صامولة 12 على طرف العامود الواصل بين عصاية الفتيس و العقربة و الصامولة دى ساعات بتهوى و تخللى العصاية مش مضبوطة
تغيير الزيت ان لم يفيد مش حيضر... انا لما غيرت الزيت بعد 64 الف كيلو النقلات بقت انعم
الحلية الجلد راكبة بكلبسات...مكان ما الجلد بيقابل الكوسول حتحس بفريم مربع ... زق الجزء اللى امام العصاية فى اتجاة العصاية و بعدين اسحب لفوق عشان تفك الداير من الكونسولة
بعد كدة حتلاقى العصاية نفسها فيها كورة من تحت راكبة فى عامود رايح فى اتجاة الموتور... زيت الكورة دى بزيت موتور و حرك العصاية فى كل النقلات عشان الزيت يتوزع و بعد كدة ركب الحلية الجلد تانى
MMamdouh
-
أستاذ ممدوح
هو فى نوع معين لزيت الفتيس وهل 90 الى حضرتك قلتها دى درجة لزوجته بصرف النظر عن النوع
Content Relevant URLs by
vBSEO 3.6.0 PL2