بعد ما نظفت الفوانيس وركبت لمبات جديدة يوم السبت اول امس
النهاردة حوالى الساعة 11.30 مساءً كنت فى وسط البلد شارع طلعت حرب ركنت صف تانى بعد ما استأذنت امين الشرطة علشان اجيب صور من معمل دنيا التصوير الى جنب العبد وسبت مراتى فى العربية ومشغل الانتظار يادوب نزلت ودخلت المحل
وسمعت دش طاخ طوخ وكل الى فى المحل واولهم انا قولنا ياستر يا رب
ولقيلك واحد داخل المحل وبيقول فى حد اسمه وائل انا تفزعت خير قالى الحق العربية اتخبطت والمدام اتخضت جامد
خرجت جرى وانا متوقع ان حد دخل فى من ورا ...لقيت واحد من محل الاحذية الى جنب الاستوديو بيرجع بعربية صاحب المحل والبيه بييكلم امين الشرطة وراح سارح وهوب لبس فى الفانوس
طبعا انا كنت مهتم بمراتى لانها تعبت جدا من الخضة
المهم الناس قالوا ما تسيبهوش وخد حق الفانوس وهو قال ماشى ياباشا ادينى تليفونك وانا اجيب غيره واتصل بيك
طبعا انا بصيت وسكت وقولت له عارف انا مش عاوز حاجة وعوضى على الله بس لو كان حاجة فى مراتى مكنتش سيبتك
المهم ان امين الشرطة اختفى تماما وساب الدنيا كلها وراح فى 60.........
الحمد لله علية العوض ومنه العوض
انا كدة غلطان ولا ايه
معلهش طولت عليكم بس مفيش حد افضفض معاه غيركم
المفضلات