عصير البرسيم

**محمد عز** · 31-12-2007 12:09 PM

هوا يبان من اسم الموضوع انه هزار

بس ياجماعة وانا قاعد امبارح مع صديق ليا وبنغتدى هوا فيه فرق عمر كبير ما بينا حوالى 10 سنين بيقولي انه فى الخمسينات كان فيه عصير برسيم والناس بتشربه زى عصير القصب ( اكيد هتقولو ايه الساذج ده ، اكيد بيضحك عليك فيه حد بيشرب عصير برسيم)

النهاردة وانا على موقع محيط للاخبار قرايت الخبر ده

دراسة مصرية توصي باستخدام البرسيم كغذاء للاسرة !القاهرة : كشفت دراسة حديثة للمركز القومي للبحوث بالقاهرة ان نبات البرسيم يعتبر غذاء متكاملاً ومفيداً خاصة لكبار السن وأنه يمكن استخدامه كغذاء رئيسي يحتوي علي أغلب العناصر الغذائية المهمة للانسان بعيداً عن البروتينات. وتقول الدراسة ان البرسيم له فائدة في علاج المفاصل من الالتهابات وكذلك البروستاتا ويساعد علي تقليل الكوليسترول عن طريق غليه وشربه وأوصت الدراسة بضرورة اعداد البرسيم كغذاء لجميع أفراد الاسرة .

واللى يحب يتاكد يدخل على اللينك ده فى موجز الأنباء

http://www.moheet.com/

**TAG_Turbo0** · 31-12-2007 12:25 PM

خلاص للدرجه دى اتسوينا بذوى الاربع
يلا مش مهم

**محمد عز** · 31-12-2007 12:33 PM

خلاص للدرجه دى اتسوينا بذوى الاربع
يلا مش مهم

طيب ما احنا بناكل فول وبرده الفول بتاكله ذوات الاربع ، انا قصدى اننا احنا ممكن نكون بنعمل حاجة غلط فى حياتنا عموما

يعنى يكون معانا ثروات وحاجة لها قيمه ونرميها او ناكلها للحيوانات وللبهايم

**ahmed_3omda** · 31-12-2007 12:38 PM

البرسيم وجبة غذائية متكاملة

أن للبرسيم فوائد كثيره فهو غنى بالبروتينات-الدهون-الألبان-الكالسيوم-الحديد- الزنك-مجموعه فيتامينات ب-حمض الفوليك وغيرها فالبرسيم يستخدم الأن كعلاج لمرضى السكرى فهو يساعد فى تخفيض نسبه السكر فى الدم .علاج لمرض السل.نقص النمو لدى الأطفال ويستخدم البرسيم كوجبه رئيسيه للأيتام والأطفال المشردين أو أطفال الملاجىء والأطفال المصابين بأمراض سوء التغذيه ويستخدم البرسيم لعلاج لين العظام (ويزيل البرسيم الدهون والكولستيرول والشحوم الزائده من الجسم وهو مفيد للرشاقه والجمال ونضاره الوجه والبشره أحسن من جميع مستحضرات التجميل)والبرسيم مفيد فى أمراض القلب- السرطان -الزكام والأنفلونزا وغيرها من الأمراض والبرسيم قد أخذ موافقه منظمه الأغذيه والزراعه (الفاو) ..

ولكى نستطيع تناول البرسيم يفضل أن تجفف أوراقه أوتغلى فى ماء ساخن ويشرب مثل الشاى أو كاالعصير.ويشرب منه 2 كوب في اليوم .

وايضا يمكن الحصول علي فوائده في عسل البرسيم المتوفر في جميع السوبر ماركت :)

ينصح بتناول معلقتين فقط في اليوم :-

وعدم تناوله بكثره لعدم ظهور اعراض جانبيه :D

الف شكر casber علي موضوعك المفيد يارب تعم الفايده علي الجميع

**TAG_Turbo0** · 31-12-2007 12:39 PM

المشاركة الأصلية كتبت بواسطة casber

طيب ما احنا بناكل فول وبرده الفول بتاكله ذوات الاربع ، انا قصدى اننا احنا ممكن نكون بنعمل حاجة غلط فى حياتنا عموما

يعنى يكون معانا ثروات وحاجة لها قيمه ونرميها او ناكلها للحيوانات وللبهايم

والله يا خويا فى بعض الحالات بتكون البهايم أكتر نفعا من الناس

**محمد عز** · 31-12-2007 12:53 PM

وعدم تناوله بكثره لعدم ظهور اعراض جانبيه :d

والاعراض الجانبيه ليه مثلا الواحد بعد ما يكله يتمرمغ فى التراب مثلا ، بلاش اقول ينهق:D

**ahmedezzat78** · 31-12-2007 01:13 PM

الخس و الجزر برضو مفيدين

**meza** · 31-12-2007 08:17 PM

موضوع عصير البرسيم موجود من زمان ...... لما سألت قالولى أيوه كان موجود زى عصير القصب كده
يعنى الموضوع بجد
بس يا ترى كان طعمه إيه؟؟؟؟!!!!

**ahmed_3omda** · 01-01-2008 12:31 AM

المشاركة الأصلية كتبت بواسطة casber

والاعراض الجانبيه ليه مثلا الواحد بعد ما يكله يتمرمغ فى التراب مثلا ، بلاش اقول ينهق:D

حضرتك زي العسل والله :D :D

انا كنت عايز اقولها :D

**Karim_Monir** · 01-01-2008 01:46 AM

فعلا الموضوع كان موجود في الخمسينات وكانت محلات عصير القصب
بتبيعه زي عصير القصب
ولما وكالات الانباء نقلت الموضوع وقالت ان الشعب المصري بيتغذى على طعام البهايم
امر الرئيس جمال عبد الناصر بعدم بيعه تماما وقد كان
الله يرحمك يا عبد الناصر (رغم سلبياته)الا انه كان بيخاف على كرامة المواطن المصري