ارجو قراءة الموضوع قبل المقارنة والاقدام على الشراء
بسم الله الرحمن الرحيم
الموضوع ان اغلبية اللى داخل يقارن بيبقى على راى الاعضاء وبيتوقف الاختيار على رايهم فى مقابل الاختيارات المتاحة لية وطبعا دة بيزيد حيرة اكتر لان كل عضوء لية راى فى شكل فى العربية وكل عضو بيقارن من وجهة نظرة هو وعلى حسب انة اشترى العربية فدة لانها تناسب احتيجاتة هو مش انت طب السؤال سهل وبسيط لية متنزلش اى معرض او التوكيل وتركب وتشوف الاول وعلى الاساس دة تقرر ؟؟؟ احضر التيست درايف ليها لية الكسل دة عربية حتركبها لمدة لن تقل عن 5 سنين دا غير الانسياق خلف موديلات معينة لانة حاسس ان ناس اكتر جيباها طب لية متنزلش وتشوف كل البدائل وفى الاخر تقرر او اللى يزيد الموضوع ان اللى داخل بياخد انطباع وبيسال اسئلة لاعلاقة لها بالعربية او بعيوبها طبعا لانة اخد شحنة سلبية من ردرد الكارهين ليها وليس عندة اى خبرة او معلومات انا من راى كل من يقدم على الشراء بعد اما ينزل ويشوف احتيجاتة وينحصر اختيارة بين عربيتين الى 3 كحد اعلى يدخل فى الحالة دة يقارن لان الموضوع دة ادى للغبطة الكثير من الاعضاء ووضعهم فى موقف الحيرة والتردد والفتى فى امر عربيات طبعا كل اللى داخل بيهاجم بدون ميركبها ولا يختبرها بنفسة ماشى بمبدا انا قريت على النت وعلى الاساس دة بيكون وجهة نظرة وراية دا غير لو عجز بيجيب حوادث وموضوعات منقولة من كل المنتديات وبيحطها هنا وبتبقى مشاكل برة المنتدى لان الظروف بتبقى مجهولة وعلى الاساس دة بيدافع او بيهاجم مينفعش الطريقة دة ابدا ارجو ان اى عضو داخل يقارن يتاخذ طريقة صحيحة قبل الدخول للمقارنة ميبنيش راية على راى غيرة و يتفضل يقارن ودى رسالة موجهة لكل من يقدكم على الشراء حديثا ارجو ان تتقبلو وجهة نظرى . وبالتوفيق فى الشراء
