تيجو أم تريوس

**tonton** · 03-03-2010 07:46 AM

أنا عاوز أشتري سيارة 1- عالية عن الارض 2- الصالون الداخلي واسع و الركاب يكونوا مرتاحين 3- استهلاك بنزين موفرجدا 4- قطر العجل لا يكون أكبر من 16 5- العفشة كويسة جدا للسفر علي الطريق الصحراوي و المدقات الخفيفة . ليست بالضرورة تكون سحب رباعي

فكرت في ال ليفينا و الكارينز بس ماهماش عاليين
و اتجه تفكيري اتجاه تيجو جديدة أم تريوس 2007

أرجو الافادة

**AhmadKamal** · 03-03-2010 12:03 PM

المشاركة الأصلية كتبت بواسطة tonton

أنا عاوز أشتري سيارة 1- عالية عن الارض 2- الصالون الداخلي واسع و الركاب يكونوا مرتاحين 3- استهلاك بنزين موفرجدا 4- قطر العجل لا يكون أكبر من 16 5- العفشة كويسة جدا للسفر علي الطريق الصحراوي و المدقات الخفيفة . ليست بالضرورة تكون سحب رباعي

فكرت في ال ليفينا و الكارينز بس ماهماش عاليين
و اتجه تفكيري اتجاه تيجو جديدة أم تريوس 2007

أرجو الافادة

There are great differences
between the Tiggo and the Terios,

If the condition is good of the Terios,

go fo it,

Wallaho a3lam...

Cheers

**cheetos_892005** · 03-03-2010 12:05 PM

تيريوس
ياباني
شكل احلي
متجربه و مضمونه
توكيل سمعته كويسه

**kholio2005** · 03-03-2010 01:43 PM

شوف حضرتك بدون مبالغة فان التيجو بتتفوق من جميع النواحى الأساسية
و بمراحل كمان من ثبات لموتور لعفشة لصاج لوسع داخلى بالاضافة طبعا الى السعر المنافس
التيريوس تتفوق فقط من حيث جودة الخامات الداخلية و من حيث الاسم فقط علشان يابانى(الميزة دى ترجع الى نظرة المجتمع لليابانى و من حيث انه متجرب و معروف, فيقولك ياعم اللى نعرفه احسن من اللى منعرفوش )

وده لينك فيه تقييم للتيجو عن تجربة
http://www.nilemotors.net/Nile/103690-a.html

برده لسه مسيطر على أغلب الناس فكرة ان اليابانى افضل من اى حاجة كوري أو صينى وده راجع فقط لان اليابانى متجرب و بقالو كتير فى السوق متناسيين كل الكلام اللى كان بيتقال على اليابانى اول مانزل من حوالى 25 سنة و كان ساعتها يقولك حد يجب اليابانى الورق مقارنة بالاوربى و الامريكى اللى كان موجود وقتها الى ان اثبتت معظم السيارات اليابانى كفاءة و نفس الكلام اتقال برده على الكورى اول مانزل و اللواقتى بيتقال على الصينى

الايام بتتغير و خريطة الصناعة فى العالم كمان بتتغير, للعلم الصين اخدت المركز الأول فى حجم المبيعات سنة 2009 بالرغم حداثتها فى صناعة السيارات
يعنى اللى بيقول ان التيريوس افضل اكيد مجربش التيجو و مركبهاش اصلا و لكن بيقارن من حيث منطلق يابانى و صينى فقط

للعلم التيجو حققت اعلى مبيعات فى مصر عام 2009 فى الفئة بتاعتها و ده يدل على نجاح ساحق للعربية والا مكنتش عملت حجم المبيعات ده
و ده لينك للخبر اللى منقول منه فى موقع مصراوى الشهير

http://www.masrawy.com/News/Cars/201.../21/tiggo.aspx

**romeo_6887** · 03-03-2010 04:39 PM

مفيش كلام يتقال بعد كلام kholio باشا

**kholio2005** · 05-03-2010 01:26 PM

المشاركة الأصلية كتبت بواسطة romeo_6887

مفيش كلام يتقال بعد كلام kholio باشا

اى خدمة يا romeo باشا

**ahmedbasto** · 05-03-2010 01:32 PM

انا قبل مقابلة امبارح اقول تيريوس انما دلوقتى اقول تيجو بعد اللى شوفتو امبارح العربية صاجها محمل جدا وواسعة اووى وفيها اوبشنز عالى بس تقفيلها ممكن يكون مش ممتاز