بشرى للأوبتراوية - مساعدين كونى سبورتس
صبــاح الفل على أحلى منتدى.
طبع انتم عارفين أنا بقالى أكتر من سنتين بلف وأدور على مساعدين كونى للعربية دى ومش لاقى . واخر حاجة عرفتها ان بيركبلها مساعدين الكونى بتوع النوبيرا ( بس لازم تعديل ) وده اللى خلانى قلقان أجيبه عشان موضوع التعديل فى المساعدين ديه حاجة خطيرة ولحامات والكلام ده.
أول امبارح كنت عند أرابكوم وسألته على مساعدين النوبيرا وقاللى موجود عنده طقمين بس,قلتله ممكن أشوفهم وشوفتهم لقيتهم غير بتوعى خالص . وبعد بحث طويل على النت عرفت ان النوع اللى أنا شوفته ده اسمه (Koni Yellow Shock Sports Special D) وده مش بيجى كامل زى المساعد بتاعنا ( مفيهوش الطبق اللى تحت ولا أماكن للمسامير ولا أى حاجة ) بالعكس ده بيجى مساعد رفيع وبيتركب جوه المساعد الأصلى بتاع النوبيرا.
رحت متوجه امبارح عى أرابكوم وشفت المساعد الكونى بتاع النوبيرا تـــــــــــانى وعرفت انه ممكن يركب عندى ( يعنى يدخل جوه الهاوسينج بتاع المساعد بتاعى) وبالفعل اشتريته ورحت ركبته عند كار بويز واليكم التفاصيل:
السعر = 4200 بعد الخصم = 3700
التركيب عند كار بويز = 350 + 20 تبس
الوقت = من 4 - 5 ساعات
التعديل = بيفك المساعدين الأصلى وبعدين ينشر المساعد اللى جواهم ويطلعه ويفرغ الزيت وبعدين يركب المساعد التانى جوا الفريم بتاع الأصلى.وبعد التركيب والتقفيل بيبدأ يلعب فى الارتفاع بتاع المساعد.
اسم المساعد = Koni Shock Sport Special D - Adjustable
المواصفات = أقوى مساعدين كونى - الفئة د (اللى بتركب جو أى مساعد أصلى) - قابل للتعديل (بيعلى ويوطى عن طريق القطعة البييضاء اللى موجوده فى الصورة اللىتحت )
التجربة = فعلا فعلا فعلا أنا عرفت ليه الكونى مشهور كده وبجد حاجة تانية خالص:
- العربية بقى ثباتها غير طبيعى والله.
- ثابته ومش ناشفة أوى وفى نفس الوقت العربية بتحس انها ماسكة نفسها فى المطبات وأصلا مش بتطلع وتنزل ( احساس انك راكب ب ام - فولكس فاجن ... مش كورى خـالص)
- الدريكسيون بقى أخف من الأول بكتير والتحكم فى الغرز كله فى ايديك.
- التسارع زاد هتقولى ازاى أقولك مش عارف بس العربية اختلفت تماما.
- احســــــــــــــــــاس كـبيـــــــر بـالـثــقة .
- الفرامل بقت أقوى من الأول ( مش عارف ازاى بردو)
http://www.automotiveconcepts.net/st...ONI-Yellow.jpg
بجد ليه الواحد لو مركب جنط 17 أو 18 يروح يشترى المساعدين الاستوك ب 2200 ويغيرهم بعد 12 شهر بينما ممكن انه يدفع 1500 زياده وتقعد معاه 3 سنين مستريح.
أنا بفكر أرجع أركب الجنط ال 18 تانى :049::049::049:
أنا عارف انى طولت بس أول مركبتوهم قلت لازم أبشر كل الأوبتراوية لأنى من 2005 وأنا بعانى من المساعدين:fun_36_3_4[1]:
