رينوسوبر 5 مجددة بالكامل 4 باب موديل1985 -استعمال ربة منزل.

النوع: رينو سوبر سانك
الموديل :1985
السيارة مجددة بالكامل مثل الفابريكا
استعمال ربة منزل.
اللون:أبيض( رشة بره نظافة)-4 باب
حالة الصاج: ممتازة
حالة الدواخل :ممتازة
البطارية: فى الضمان(كلورايد)
السرعات:5 سرعات
الموتور: (عمرة كاملة من سنة)cc1400
رايدياتير نحاس 3 ماسورة جديد
فرش الصالون: فرش جديد (بيج اللون) متناسق مع درجة لون التابلوه والفيبر والسقف
حالة التابلوه: ممتازة- اللون بيج
راديو كاسيت وسماعات خلفية وجانبية
حالة الكاوتش: جيدة جداً
الفوانيس والاشارات: كأنها خارجة من المصنع
-الحالة العامة: ممتازة- مثل الفابريكا
-السعر:(23ألف جنيه)
-مكان المعاينة: الهرم
-الإتصال: أ/محسن ..محمول: 0122998886
0106033470

سعرك عالى جدا جدا جدا
حاول تظبط سعرك لو عاوز تبيع فعلا
لكن السعر دا حتى لو فيه تفاوض
مستحيييييييييييييييل

ياريت الأول تستشير حد له خبرة فى الرينو وبعدين هتعرف إذا كان كلامك صح ولا غلط دى مش 128ومش 127...
العربية دى لها زبونها اللى يعرف قيمة العربية كويس ..مع تحياتى لك ..وتمنياتى لك بالتوفيق فى شراء ترضى عن سعرها..

اقتباس:

---

المشاركة الأصلية كتبت بواسطة tut4tour

ياريت الأول تستشير حد له خبرة فى الرينو وبعدين هتعرف إذا كان كلامك صح ولا غلط دى مش 128ومش 127...
العربية دى لها زبونها اللى يعرف قيمة العربية كويس ..مع تحياتى لك ..وتمنياتى لك بالتوفيق فى شراء ترضى عن سعرها..

---

الاخ الفاضل ف البداية
انا بقدم نصيحة
انت اخدتها بصدر رحم
اهلا وسهلا
اخدتها باسلوب تانى
يبقى متشكر على كل الاحوال
انا رأيي ان العربية سعرها عالى
ودا ملهوش علاقة بخبرة رينو
ال 23 الف دول يجيبوا عربيات (شكل - كماليات - قطع غيار ) حاجات كتير
بس علشان كده
وغير كده الرينو مش زي اى عربية ممكن اى ميكانيكي يشتغل فيها
ومش ف اى حته تلاقى قطع غيارها
وعامة اعتذر لو ضايقتك
وبالتوفيق ف البيع
وتبيعها بالسعر اللى انت عايزه واكتر كمان يسيدي

السعر محتاج إعاده نظر

السعر محتاج مش إعادة نظر دا محتاج يتنسف
يا باشا العربيه فيه أعلانات كتيرة من أول 6 ألاف و نص لحـد 8
لكن أعلى من كدة والله العظيم ماشوفت و الحمد لله أنك وريتنى

يا جماعة نصيحة لوجه الله اللي عايز يعرف سعر عربية يخش على مواقع بيع السيارات و هم كثر و منهم موقعنا المتميز نيل موتورز و يشوف السعر العادل لعربيته بدلا من القيل و القال و كترة السؤال

انا رايي انها لا تزيد عن 15 الف باي حال من الاحوال

السعر غريب جدا جدا ونصيحه لصاحب العربيه ( الكلام اخد وعطا ) قلت السعر بتاعك من حق الناس انها تتكلم وتعترض وحضرتك من حقك انك ترض بس باسلوب لا يجرح مشاعر الاخرين

اقتباس:

---

المشاركة الأصلية كتبت بواسطة eg_falcon

يا جماعة نصيحة لوجه الله اللي عايز يعرف سعر عربية يخش على مواقع بيع السيارات و هم كثر و منهم موقعنا المتميز نيل موتورز و يشوف السعر العادل لعربيته بدلا من القيل و القال و كترة السؤال

---

و مين قال أن أحنا مش بندخل على مواقع بيع سيارات أنا معايا لينكات على الكمبيوتر أسعار رينو 5 و أربع أبواب بتبتدى من 6 ألاف و نص لحد 8 ألاف و بصراحه زى ماقولت أنا عمرى ماشوفت أغلى من كدة و الأخ momo100010 دا من أكتر الأعضاء إلى عارفة أسعار السيارات و بص على ردوده فى قسم البيع و الشراء

دا ليس تهجم على صاحب الموضوع و لكن نصيحه عشان يعرف يبيعها